San Lucas 11:22 - Bible in Tzeltal de Oxchuc y Tenejapa

²² Yan teme ya xtal yan winic te c'ax jich yip te bit'il te c'ajc'al winique, jich me ya xlaj ta tsalel soc ya me xbajt' ta pojel spisil yat'ejib te scanantayej sba a, soc jich ya x'ich'bot bael te sbiluque.

Nuevo Testamento Tzeltal de Amatenango

²² Pero teme tal jtul xan winik te mas to kꞌajkꞌe, ya me stsalot yuꞌun, sok ya me xpojbot bael te tut yichꞌoj te jaꞌ yipinej yoꞌtane. Jich me ya xꞌichꞌbot bael te stutik yuꞌune.

Bible in Tzeltal Bachajón

²² Pero c'alal ya xtal yan te c'ax hich yip a soc te ha ya stsal, ya yich'be spisil ya'tejib te smuc'ulinej yo'tan, soc ya spucbe te sbiluque.

San Lucas 11:22 ပူးပေါင်းရင်းမြစ်များ

Génesis 3:15

Ya me cac' te contro ya awil aba soc te antse, soc te ats'umbale contro ya yil sba soc te sts'umbale. Ja' me ya yejch'entesbat ajol te patil alnich'an yu'une, yan te ja'ate yit nax yacan ya awejch'entesbey atuquel —xi' sc'oplal yu'un.

Éxodo 15:9

Te jcontroinwanejetic la snop ta yo'tanic: ‘Ya jnutstic, ya me jtsactic, ya me jpuctic te bitic ya jpojbeytique, ja' to me chican lec ya xjil co'tantic yu'un. Ya me jloq'ues te jpuñale, ya me jin ta jc'ab a’, xi' ta yo'tan.

Isaías 27:1

Te bi c'aalil ya cale, te Cajwaltic ya me yac'bey castigo te Leviatán, te chan te busul ta lume, ja' te Leviatán, te sbets'unaj ya xbeene; ya me smil ta spuñal te xiweltic nax sbae, te c'axem to xan smuc'ul te yu'ele, ya to sta ta milel a te muc'ul chan te ay ta mar.

Isaías 53:12

Jich yu'un te Dios ya yac'bey yawil ta yolilic te mach'a ich'bilic ta muq'ue; soc ya sjoin ta yaiyel tsalaw te mach'atic ay yipique. Melel la yac' sba ta lajel stuquel, soc la sjoin ta ajtayel te mach'atic amenique. Ta smelelil, la scuchbey smulic tsobol ta jtul, soc c'opoj yu'un te jmulawiletique.

San Lucas 11:21

“Teme ay c'ajc'al winic te buen chapal soc yat'ejib ta scanantayel te snae, ma xbajt' ta elc'anel te sbiluque.

San Lucas 11:23

“Te mach'a ma ba ay ta jwentae, ja' jcontro abi. Te mach'a ma ta jwentauc ya stsobawane, ja' jinwanej abi.

Efesios 6:11

C'u'inaic me spisil te amajq'uilic yu'un te Diose, swenta yu'un jich me ma jtebuc ataelic ta lo'layel yu'un sp'ijil te pucuje.

Efesios 6:13

Jich yu'un ya sc'an ya awich'ic spisil amajq'uilic yu'un te Diose, swenta yu'un jich me ya xju' awu'unic stsalel te bi c'aalil te ay awocolic yu'une. Jich ta patil te c'alal chapalexix ae, jich me ay yip awo'tanic ta lec.

Colosenses 2:15

C'alal laj ta cruz te Cristoe, tey la slajinbey yat'elic a te mach'atic ich'bilic ta muq'ue soc te mach'atic ay yu'elique. Soc la yac' ta ilel ta comonsitil te bit'il peq'uel a jilic ta spisilic te c'alal la yaiy tsalaw te Cristoe.

1 Juan 3:8

Yan te mach'a yat'elinej sleel te smule, ja' yu'un te pucuje. Melel te pucuje stalel yat'elinej sleel smul ta xjajch'ibal to tel. Melel ja' swentail te xtaluc ta balumilal te Snich'an Diose, yu'un tal slajinbey sc'oplal te bila yat'elinej spasel te pucuje.

1 Juan 4:4

Cal-jnich'nab te ja' yu'unex te Diose, atsalojiquix te lotil j'alwanejetique, yu'un ja' cajal yip te mach'a jun ayex soque. Yan te mach'atic ayic ta swenta te balumilale, alan yip stuquel.