San Lucas 11:2 - Bible in Tzeltal de Oxchuc y Tenejapa

² Te Jesús jich la yal: —Te c'alal ya ac'oponic te Diose jich me xawalic: “Jtatic Dios, te ayat ta stoyolil ch'ulchane, ac'a ich'otuc ta muc' te ach'ulbiile. Ac'a c'otuquix yorail te ya awich' ajwalinele. Ac'a pasuc sc'anjel awo'tan ta balumilal jich bit'il te yac ta pasel ta ch'ulchane.

Nuevo Testamento Tzeltal de Amatenango

² Altalanbot yuꞌun te Jesuse: —Te kꞌalal ya akꞌoponik te Diose jich me xꞌawalik to: Jtatik Dios te ayat ta chꞌulchane, aꞌ me chꞌuunekix ta lek te achꞌul-biile. Aꞌ me staix skꞌaalel te ya xꞌochat ta ajwalil. Laꞌ me pasa te tut ya skꞌan awoꞌtan ta balmilal jachik tutꞌil ta chꞌulchane.

Bible in Tzeltal Bachajón

² Hich halbotic yu'un te Jesús: Te c'alal yac ac'oponic te Diose, hich me xawalic: Jtatic te ayat ta ch'ulchan, ac'a ich'ec ta muc' ach'ul bihil. Ac'a taluc te cuentahinel awu'un. Ac'a yich' pasel ta bahlumilal te bin ya sc'an awo'tan, hich te bin ut'il yac ta pasel ta ch'ulchan.

San Lucas 11:2 ပူးပေါင်းရင်းမြစ်များ

1 Reyes 8:43

aiybeya sc'op c'alal ta ch'ulchan, c'alal ta banti nainemate, ac'beya spisil te bitic ya sc'anbate, swenta yu'un spisil nacionetic ta balumilal ya sna'bat aba soc ya yich'at ta muc', jich te bit'il yacal ta spasel te lum Israel awu'une, soc ya sna'ic a te ay ta alel wocol ta atojol li' ta templo te jo'on la jpasbate.

2 Reyes 19:19

Ora yo'tic jiche, Cajwal Dios cu'untic, coltayawotic ta sc'ab, swenta yu'un ta spisil nacionetic ta balumilal ya sna'ic a te ja'at Cajwalat te atuquel te Diosate —xi'.

2 Crónicas 20:6

jich la yal ta sc'oponel te Diose: —Cajwal, te Diosat yu'un te antiguo jme'-jtat cu'untic, ja'at Diosat yu'un ch'ulchan, ja'at ya xmandalajat yu'un spisil te nacionetique. Ay ta ac'ab te awip soc te awu'ele, mero ma'yuc mach'a ya stoy sba soc yip ta atojol.

Salmos 103:20

Albeyaic yutsil sc'oplal Cajwaltic ja'ex ch'ul abatetic te tulan ay awat'elique. Ja'ex te ya ach'uunic spasel te bila ya yalbeyexe, melel awat'elinejic xch'uunel smandal.

Salmos 108:5

Dios cu'un, ayat ta sba te ch'ulchane; te yutsil axojobil nojel ta spamal balumilal.

Salmos 11:4

Te Cajwaltic ay ta ch'ul templo yu'un; ay smuc'ul nactijib ta ch'ulchan. Mero jamal sit ta lec stuquel, yat'elinej scanantayel xcuxlejal te ants-winiquetique.

Salmos 57:11

Dios cu'un, ja'at ayat ta sba te ch'ulchane; te awutsilal nojel yu'un te lumq'uinale.

Eclesiastés 5:2

Ma me ayuc bi ora nax ya alom ta chapel ta stojol Dios, ni ya awal ta awe, o ya awal ta ajol ta awo'tan. Melel te Diose ay ta ch'ulchan stuquel, yan te ja'ate ayat ta balumilal. Ja' yu'un tsajtaya me, ma me najt'uc ya xc'ot te ac'op te c'alal ya xc'opojate.

Isaías 63:16

Ja' tatilat cu'untic. Manchuc me ma sna' jbatic stuquel te Abraham, ni Israel ma sna'otic te jo'otique; ja'uc me to, ja'at Cajwal, tatilat atuquel; ja'at nix J'ac'wanejat ta libre cu'untic a.

Ezequiel 36:23

Ya me cac' ta ilel ta nacionetic te smuc'ul te jch'ul-biile, te la aboltesbeyic sc'oplal ta stojolic te nacionetique. Te c'alal ya jpase, ya me sna'ic te jo'on Ajwalilone. Jo'on Ajwalilon te jich caloje.

Daniel 2:28

Pero ay jun nax Dios ta ch'ulchan te ya sna' te bila wocol ta na'ele, ja' la yac'bat ana' te bila ya xc'ot ta pasel ta patil baele. Ya me calbat awaiy, muc' ajwalil cu'untic, te bila swentail te awaiche, soc te bitic la awil la awaiy te c'alal wayalate:

Daniel 2:44

Te c'alal ay yat'elic ta muc' ajwalil ae, te Dios ta ch'ulchan ya me yac' ochel jtul jmandalteswanej te sbajt'el q'uinal ma ba ya xlaje, soc te ma'yuc bi ora ya x'u'uninot yu'un yan nación. Ja' me ya slajin ta jyalel te yantic ajwaliletique, ja' nax me muc' ajwalil ya xjil ta sbajt'el q'uinal stuquel.

Daniel 7:18

Pero ta patil, te mandalteswanej yu'unique, ya me yich' ac'beyel ta swenta te lum yu'un Dios mero toyole, ja' me ya yu'uninic sbajt'el q'uinal stuquel’, xi'.

Daniel 7:27

Te mandalteswanej, te yip soc te yutsilal ta spisil te jmandalteswanejetic ta balumilale, ya me yich' ac'beyel te lum yu'un Dios te mero toyole. Sbajt'el me q'uinal te mandalteswanej yu'une, ta spisil te lumetic ta balumilal ya me yac' sbaic ta abatinel yu'un, soc ya me xch'uunbeyic smandal’, xi'.

Oseas 14:2

Sujt'esa awo'tanic ta stojol te Cajwaltique, jich me ya awalic ta sc'oponel te Diose: —Pasbotic perdón yu'un spisil te jmultique; tsacbotic soc yutsil awo'tan te amajt'an te ya caltic loq'uel ta quetique.

Levítico 10:3

Patil te Moisés jich la yalbey te Aarón: —Ja' ay ta yo'tan Cajwaltic te c'alal jich la yale: “Te mach'atic ya xnoptsajic ta jtojol, ya me cac'bey yilic te jo'on te Ch'ul Diosone; ta spisil te israeletic ya me cac'bey yilic te xojobil cutsilale”, te xie —la yut. Te Aarón, ma ba c'opoj yu'un.

Levítico 22:23

Swenta majt'anil yu'un spasemal awo'tan, ya xju' ya awac' toro o chij te stalel ma ts'acaluc a tojc' te sbaq'uetale, pero teme ja' majt'anil yu'un te bila achapoj ta jtojol, ma xju' ya jtsacbat stuquel.

Habacuc 2:14

Te yutsilal Cajwaltic ya me xna'ot ta bayuc, ya me snojes ta spamal balumilal, jich bit'il ja' ya xnoj yu'un te mare.

San Mateo 10:32

“Spisil mach'a jamal ya yal ta stojol ants-winiquetic te bit'il xch'uunejone, jo'on uuc jamal me ya cal ta stojol te Jtat te ay ta ch'ulchane.

San Mateo 3:2

Tey jajch' yalbey ta stojol spisil te ants-winiquetique: —Sujt'esa awo'tanic ta stojol te Diose, yu'un nopol ya xjajch'ix te bit'il ay ta ajwalinel te Diose —xi' te Juane.

San Mateo 5:16

Ja' nanix jich te ja'exe tilemex jichuc luz ta stojol te ants-winiquetique, melel teme ya yilic te lequil at'elil ya apasique, jich me ya yalbeyic yutsilal te Jtatic te ay ta ch'ulchane.

San Lucas 11:1

Ay jun buelta te c'alal laj yo'tan ta sc'oponel Dios te Jesuse, ay jtul jnopojel te jich la yal: —Cajwal, p'ijubtesawotic ta sc'oponel Dios uuc jich bit'il te Juan la sp'ijubtes te jnopojeletic yu'une —xi'.

Romanos 1:7

Ya jpatbeyex awo'tanic ta apisilic te ayex ta lum Roma, te c'ux ya yaiyex ta yo'tan te Diose, soc te ic'bilex swenta ch'ul lum yu'un Dios ya xc'oex. Ayuc me yutsilal soc lamaluc me q'uinal ya awaiyic yu'un ta swenta te Jtatic Diose soc ta swenta te Cajwaltic Jesucristoe.

Romanos 8:15

Melel te Espíritu te ac'botex awiq'uique, ma ja'uc ya yaq'uex xan ta mosoil yu'un te xiwele. Melel ja' ya yaq'uex ta alnich'an yu'un te Diose. Ja' swentail te jich ya caltique: “Jtat”, te xootic ta stojole.

1 Corintios 1:3

Ac'a yac'beyex lamal q'uinal ta swenta yutsil yo'tan te Jtatic Diose soc te Cajwaltic Jesucristoe.

2 Corintios 1:2

Ac'a yac'beyex lamal q'uinal ta swenta yutsil yo'tan te Jtatic Dios soc te Cajwaltic Jesucristoe.

Gálatas 1:4

Ja' nix te Jesucristo te la yac' sba ta lajel yu'un te jmultique, swenta yu'un jich la yac'otic ta libre yu'un te bila amen ta balumilale, jich te bit'il ay sc'anjel yo'tan stuquel te Jtatic Diose.

Efesios 1:2

Ac'a yac'beyex yutsil yo'tan te Jtatic Dios soc te Cajwaltic Jesucristoe. Lamaluc me q'uinal ya awaiyic yu'un spisil ora.

Filipenses 1:2

Ac'a yac'beyex yutsil yo'tan soc lamal q'uinal te Jtatic Diose soc te Cajwaltic Jesucristoe.

Filipenses 4:20

Wocol yalbotic te Jtatic Dios yu'un te jelawen ay yutsilal sbajt'el q'uinal stuquele. Jichuc.

Colosenses 1:2

Ya jpatbeyex awo'tanic quermanotac, te ch'ul lumex yu'un te Diose soc te jun awo'tanic ach'uunejic te Cristo te ayex ta lum Colosae. Ac'a yac'beyex yutsil yo'tan soc lamal q'uinal ta atojolic te Jtatic Diose.

1 Tesalonicenses 1:1

Jo'on Pabloon soc te Silvanoe te Timoteoe ya jts'ibubeyex in carta to, te jch'uunjelex ta lum Tesalónica, te jun ayex soc te Jtatic Dios soc te Cajwaltic Jesucristoe. Ac'a yac'beyex te yutsil yo'tan te Diose. Lamaluc me q'uinal ya awaiyic yu'un spisil ora.

1 Tesalonicenses 1:3

Ja' ya xjul ta co'tan te bit'il ay xch'uunjel awo'tanic ta stojol te Jtatic Diose, soc te bit'il awac'oj abaic ta abatinel soc te xc'uxul awo'tanique, soc te bit'il jun awo'tan yaquex ta smaliyel te bi ora ya xtal te Cajwaltic Jesucristoe.

2 Tesalonicenses 2:16

Ja' nix te Cajwaltic Jesucristoe soc te Jtatic Diose te c'uxotic ta yo'tane soc te yac'ojbotic smuc'ul co'tantic sbajt'el q'uinale, soc te ay bi ya jmaliytic ta swenta yutsil yo'tan cu'untique,

Apocalipsis 11:15

Te sjuquebal ch'ul abat la yoq'uesin te oq'uese. Ay mach'atic tulan c'opojic ta ch'ulchan la caiy te jich la yalique: “Spisil te muc' ajwaliletic ta balumilal soc te bila ay ta swentaique, ayix ta swenta stuquel te Cajwaltique soc te Cristo yu'une. Ja' me ay ta ajwalinel sbajt'el q'uinal stuquel”, xiic la caiy.

Apocalipsis 15:4

¿Cajwal, ay bal mach'a te ma xi'ate? ¿Soc ay bal mach'a te ma xyalbat yutsil ac'oplale? Melel atuquel nax te ch'ul Diosate. Ya me xtalic ta atojol spisil ta jchajp te nacionetique soc ya me slajin sbaic ta atojol. Yu'un chican ta comonsitil te toj spisil te bila la apasixe”, xiic ta c'ayoj la caiy.

Apocalipsis 19:6

Soc la caiy stojol yan c'op te pajal yaiyel soc sc'op tsobol ants-winiquetic soc sc'op bayal snojel ja'etic soc sc'op tulan chawuc. Jich la yal: “¡Ay yutsilal! Melel jajch'ix ta mandal te Cajwaltique, te ja' Dios cu'untic te Spisil ya xju' yu'une.

Apocalipsis 20:4

Soc la quil te ay muc'ul nactijibaletique. Te mach'atic nacalic tey ae, yich'oj yat'elic ta chajbanwanej. Soc la quilbey xch'ulelic te mach'atic la yich'ic coq'uel sjolic ta scaj te la yalic ta jamal ta testigo-c'op te Jesuse, soc ma'yuc banti la slajin sbaic ta stojol te muc'ul chambalam te xi'bantic sbae soc ta stojol te sloc'ombae, soc ma la xch'uunic yich'el smarca ta stibaic o ta sc'abic. La quil cha'cuxic spisilic soc la quil te sjoinejic ta ajwalil jmil (1,000) ja'wil te Cristoe.