San Lucas 11:18 - Bible in Tzeltal de Oxchuc y Tenejapa

¹⁸ Ja' nanix jich te Satanase teme ya xjajch' xat sbaique, ¿bit'il c'an jalajuc ta at'el soc te yu'ele? Te bit'il jich ya calbeyexe, ja' yu'un te ya awalbonic te yacon ta sloq'uesel pucuj ta swenta yu'el Beelzebú.

Nuevo Testamento Tzeltal de Amatenango

¹⁸ Jich ekꞌa te pukuje teme ya xlijk skontrain sbae, ¿Tutꞌil kꞌan jalajuk ta aꞌtel sok spoder teme jichte? Te tutꞌil jich ya kalbeyexe, jaꞌ yuꞌun te ya awalbikon te yipalon ta slokꞌesel pukuj ta spoder te Beelzebue.

Bible in Tzeltal Bachajón

¹⁸ Ha nix hich teme scontrahinej sba te Satanás, ¿bin ut'il c'an halajuc te ban c'alal scuentahinej? Ha ya cal ini yu'un yac awalic te ta scuenta Beelzebú ya jloq'ues pucujetic.

San Lucas 11:18 ပူးပေါင်းရင်းမြစ်များ

San Mateo 10:25

Jich te jnopojele tic'uc me ya yaiy a teme pajal ya xc'ot soc te yajmaestroe. Soc jich uuc te mach'a ay ta abate, tic'uc me ya yaiy a teme pajal ya xc'ot soc te yajwale. Teme Beelzebú xi' sc'oplal te jwolwanej yu'un te jwol nae, ¿ja'uc to bal a te mach'atic ay yu'un ta snae?

San Mateo 12:26

Ja' nanix jich, ¿ya bal xju' ya sloq'ues sba stuquel te Satanase? Te jichuc ya spase, ja' nax scontroinej sba abi. ¿Bit'il c'an jalajuc ta at'el te jichuque?

San Mateo 4:10

Jesús la yalbey: —Baan, q'ueja aba, Satanás. Melel jich ts'ibubil ta Sjun Dios: “Ja' nax me x'awich' ta muc' te Cajwaltic te Diose, soc ja' nax me ya awac' aba ta abatinel ta stojol stuquel”, te xie —xi'.

San Mateo 4:24

Pujc' sc'oplal ta spamal sq'uinal Siria te Jesuse. La yiq'uic tel ta stojol Jesús spisil te mach'atic ayic ta chamele, chican bila chameliluc te yich'ojique soc chican te bila toyol xc'uxul ya yaiyic ta sbaq'uetalique. Ay mach'atic ay pucuj ta yo'tanic, soc ay mach'atic ayic ta tujp'ul ic', soc ay mach'atic lajem xchial te yoc sc'abique. Spisil lecub yu'un te Jesuse.

San Lucas 11:15

Soc ay la yalic: —Ja' in winic to, ya sloq'ues pucujetic ta swenta Beelzebú, ja' te mero ajwalil yu'un te pucujetique —ay xiic.