San Lucas 11:13 - Bible in Tzeltal de Oxchuc y Tenejapa

¹³ Melel te ja'exe, manchuc teme amen te awo'tanique, ya nax ana'ic yaq'uel te bila lec ta stojol te awal-anich'anique. ¿Ja'uc to bal a te Jtatic te ay ta ch'ulchane? Ya me yac'bey te Ch'ul Espíritu te mach'a ya sc'anbeye —xi' te Jesuse.

Nuevo Testamento Tzeltal de Amatenango

¹³ Jich te jaꞌexe manchuk me ma tsaꞌamuk te awoꞌtanike, pero ya anaꞌik yakꞌel te tut a te lek ta stojol te awal-anichꞌanike. ¿Jaꞌuk to xan wan a te Jtatik te ay ta chꞌulchane? Ya me yaꞌbeyex te Chꞌul Espíritu te machꞌa ya skꞌambeye —xchi te Jesuse.

Bible in Tzeltal Bachajón

¹³ Te ha'ex te chopol awo'tanic, teme yac ana'ic ya'beyel lequil mahtanil te awal-anich'anic, ¿ha'uc to balix a te Atatic ay ta ch'ulchan ya ya'be te Ch'ul Espíritu te mach'atic ya xc'ambot yu'une? xchi.

San Lucas 11:13 ပူးပေါင်းရင်းမြစ်များ

Génesis 8:21

Te Cajwaltic la yaiybey sbujts' yic' te milbil smajt'ane, jich yu'un la yal ta yo'tan: “Ma'yuc bi ora ya cac'bey xan castigo te balumilal ta scaj te ants-winiquetique, melel ta yalalil to tel mero ma lecuc te bitic ya snopilay ta yo'tanic. Ma ba ya jtup' xan bitic cuxajtic ta q'uinal jich bit'il te la jpasixe.

Salmos 51:5

Ta mero melel, amenonix a te c'alal ayinone; ayonix ta mulil a te c'alal ayon to ta xch'ujt' a te jme'e.

Proverbios 1:23

Aiybon awaiyic te tojtesel cu'une, jo'on me ya calbeyex lequil consejo; ya me cac'beyex ana'ic te bila ya yal te co'tane.

Isaías 49:15

Ja'uc me to ya yal te Cajwaltic: —¿Ya bal xch'ay ta yo'tan yal te antse? ¿Ya bal yijq'uitay ta yo'tan xc'uxtayel te mero yale? Repente ya xch'ay ta yo'tan yal te antse, yan te jo'one ma xch'ayat ta co'tan atuquel.

Ezequiel 36:27

Ya me cac'beyex ta awo'tanic te espíritu cu'une, ya me cac' te ya apasic te bila ya yal spisil te mandaliletic cu'une.

Joel 2:28

Jich ya yal te Cajwaltic: —C'alal ya xc'ax ta spisil te bitic la cale, spisil te ants-winiquetic ya me jmalbey ta stojolic te espíritu cu'une. Te aquerem-nich'nabic, te awantsil-nich'nabic ay me bi ya yalic ta jwenta, te mamaletic ay me bila ya swaichinic, te queremetic ay bitic ya x'ac'bot yilic ya yaiyic.

San Mateo 5:16

Ja' nanix jich te ja'exe tilemex jichuc luz ta stojol te ants-winiquetique, melel teme ya yilic te lequil at'elil ya apasique, jich me ya yalbeyic yutsilal te Jtatic te ay ta ch'ulchane.

San Mateo 5:45

Jich me yal-snich'an ya xc'oex te Jtatic te ay ta ch'ulchane, melel pajal ya yac' tiluc c'aal ta stojol te mach'atic ma tojuque soc te mach'atic tojique. Soc pajal ya yac' taluc ja'al ta stojol mach'atic tojic soc te mach'atic ma tojuque.

San Mateo 6:14

“Melel teme ya apasbeyic perdón te mach'a amen bila spasojbeyexe, ja' nanix jich te Jtatic te ay ta ch'ulchane, ya me spasbeyex perdón uuc.

San Mateo 6:30

Melel teme Dios la yac' te jich ay yutsilal te ja'mal nichimetique, te jun nax c'aal cuxule soc te pajel ya yich' chiq'uel ta yawil c'ajq'ue, ¿yu'un bal ma c'axemuc to xan jich ya sc'u'ultesex te ja'exe? ¿Bi yu'un te ma'yuc xch'uunjel awo'tanique?

San Mateo 6:32

Melel te mach'atic ma sna'beyic sba te Diose, ja' nax baem ta yo'tanic sleel stuquel. Yan te ja'exe ay Atatic ta ch'ulchan te sna'oj spisil te bila ya xtuun awu'unique.

San Mateo 7:11

Melel te ja'exe, manchuc teme amen awo'tanique, ja'uc me to, ya nax ana'ic yaq'uel te bila lec ta stojol te awal-anich'anique. ¿Ja'uc to bal a te Jtatic te ay ta ch'ulchane? Ya me yac'bey bila lec te mach'a ya sc'anbeye.

San Lucas 11:12

¿Soc teme tomut ya sc'anbate, tsec bal ya awac'bey sti'?

San Lucas 11:2

Te Jesús jich la yal: —Te c'alal ya ac'oponic te Diose jich me xawalic: “Jtatic Dios, te ayat ta stoyolil ch'ulchane, ac'a ich'otuc ta muc' te ach'ulbiile. Ac'a c'otuquix yorail te ya awich' ajwalinele. Ac'a pasuc sc'anjel awo'tan ta balumilal jich bit'il te yac ta pasel ta ch'ulchane.

San Lucas 18:7

Ja' xan te Diose ¿ma bal yacuc scoltay te mach'a tsabil yu'un te ya x'albot wocol yu'un c'aal ajc'ubale? ¿Ya bal smaliy bayal c'aal te ya xcoltaywane?

San Juan 4:10

Te Jesús la yalbey: —Te lajuc ana' stojol te majt'anil yu'un te Diose, soc te lajuc ana'bey sba te mach'a la sc'anbat ja'e, ja'at la ac'anbon te jichuque. Jich me ya cac'bat te ja' te cuxul stuquele —xi'.

Hechos 2:38

La yal te Pedroe: —Sujt'esa awo'tanic ta stojol Dios, soc ac'a abaic ta ich'ja' juju-jtulex ta swenta sbiil te Jesucristoe. Jich me ya spasbeyex perdón yu'un te amulique, soc jich me ya yac'beyex te Ch'ul Espiritue.

Romanos 5:17

Teme ta swenta nax jtul winic te la xc'axintay mandal la yu'unin spisil ants-winiquetic te lajele, ja' nix jich c'axem to xan ya me yich'ic xcuxlejalic spisil te mach'atic ayic ta c'uxtayel yu'un Dios ta swenta jtul Winic, ja' te Jesucristoe. Soc majt'anil ya x'ac'otic ta libre yu'un te smulique.

Romanos 7:18

Jna'oj stojol te ma'yuc yutsil te jbaq'uetale, ma xnain tey a te bila leque. Melel jich co'tan ya jpas te bila leque, ja'uc me to, ma xju' cu'un spasel.

Romanos 8:32

Melel ma la sna'bey yo'bolil sba te Snich'ane, spasemal yo'tan la yac' ta lajel ta jwentatic. ¿Ma bal spisiluc ya yac'botic ta majt'anil spisil te bit'il aye?

Tito 3:3

Melel te jo'otique jichotic ta neelal uuc. Ma jna'tic q'uinal, jc'axintay-mandalotic, jowejemotic, mosoinbilotic yu'un te bila ya smulan te jbaq'uetaltique. Jich ayotic tel ta spasel spisil ta jten mulil, bic'tal-o'tanil, jex-o'tantaywanej, talel c'axel lab-o'tantayej jbajtic.