San Lucas 10:6 - Bible in Tzeltal de Oxchuc y Tenejapa

⁶ Teme ay tey a te mach'a te ya sle te lamal q'uinale, lamal me q'uinal ya yaiy ya xc'ot ta awentaic. Yan teme ma'yuc tey a, ya me sujt' ta awentaic te lamal q'uinal la awalbey yaiyique.

Nuevo Testamento Tzeltal de Amatenango

⁶ Teme ay machꞌa teꞌey a te ya smali te bujtsꞌan kꞌinale, bujtsꞌan kꞌinal ya xjil ta skuenta euk. Yan teme maꞌyuk teꞌ ae, ya me sujt tal ta akuentaik te bujtsꞌan kꞌinal ya awalbeyike.

Bible in Tzeltal Bachajón

⁶ Teme ay tey a te mach'a lamal yo'tan, ya me xc'oht ta stojol te lamal q'uinal awu'unic; teme mayuque, ya me suht ta atojolic.

San Lucas 10:6 ပူးပေါင်းရင်းမြစ်များ

Salmos 35:13

Te c'alal tsacotic ta chamele, la cac' jba ta woclajel ta swentaic, la jlap ch'ixal pac', soc la jcom jwe'el, soc ma la jcom jba ta sc'oponel Dios ta co'tan yu'un.

Isaías 9:6

Melel ayinemix jtul alal cu'untic, Dios la yac'botic jtul nich'anil, ja' te ac'bil yu'el ta mandalteswanej. Ja' me sbiilic ya xc'ot: “Jchajp nax Jtojteswanej”, “Dios te bayal yip”, “Tatil sbajt'el q'uinal”, soc “Ajwalil yu'un lamal q'uinal”.

San Lucas 10:5

Te bay nailuc te ya x'ochexe, patbeya yo'tan neeluc. Jich me xawalic: “Lamaluc me q'uinal ya awaiy ta anaic” xaex me.

San Lucas 10:7

Tey me x'ainex a ta banti na ya xc'oexe. Junuc me awo'tanic xwe'ex-x'uch'ajex tey a, chican te bila ya yac'beyexe. Te mach'a ya x'at'eje, ya me yich' stojol sc'ab yu'un. Ma me xmelmonuquex ta naetic.

Efesios 5:6

Ma me xawac' abaic ta lo'layel yu'un lotil c'op te ma'yuc swentaile. Melel ja' ta swenta in muliletic to te ya x'ac'bot yich'ic tulan castigo yu'un Dios te mach'atic yal-snich'an te jch'ay-mandale.

2 Tesalonicenses 3:16

Te Cajwaltic te lamal q'uinal ta swentae, ac'a slamantesbeyex awo'tanic ta spisil ora chican te bi awilelic ayexe. Ac'a sjoinex ta apisilic stuquel te Cajwaltique.

Santiago 3:18

Te mach'atic ya yantayic spasel te lamal q'uinale, ja' ya sts'un te lamal q'uinal soc ja' ya sc'aj te toj-o'tanile.

1 Pedro 1:14

Lequil alnich'anuquex me ta xch'uunel te smandale. Ma me ja'uc xach'uunic xan spasel te bila mulanbil sba ta pasel awu'unic ta neelal to te c'alal ma to ana'ojbeyic sba a te Diose.

1 Samuel 25:17

Pero te amamlale jc'axel amen yo'tan, ja' yu'un ma sc'an yaiy stojol te bila ya calbeytique. Yo'tic nopa awaiy, ila awil teme ay bi ya xju' awu'un spasele, melel ora in to puersa ay bi amen ya xc'ot ta pasel ta swenta te cajwal soc spisil mach'atic ay yu'un —xi' c'oel.