San Lucas 10:4 - Bible in Tzeltal de Oxchuc y Tenejapa

⁴ Ma me x'awich'ic bael yawil ataq'uinic soc achojaq'uic soc ajel-xanabic. Soc ma me xjalajex ta aiyej ta pat-o'tan ta be.

Nuevo Testamento Tzeltal de Amatenango

⁴ Ma me awichꞌ amoralik, ni atakꞌinik, ni a jel-xanabik. Y ma me jalajanik ta spajtil-oꞌtanil ta be.

Bible in Tzeltal Bachajón

⁴ Ma me xawich'ic bahel abolsahic, achojaq'uic o atepic; soc ma me ayuc mach'a yac apatbeyic yo'tan ta be.

San Lucas 10:4 ပူးပေါင်းရင်းမြစ်များ

Génesis 24:33

La spajch'anbey tel swe'el; ja'uc me to, la yal te winique: —Ma xju' ya xwe'on, ja' to teme ya calbat awaiy te bila talon yu'une —xi'. —C'opojan —xi' sc'oplal yu'un te Labán.

Génesis 24:56

Ja'uc me to, la yal te winique: —Ma me xju' ya ajalateson, te melel chajbajonix ta swenta te Cajwaltique. Ya me awac'bon quiq'uix bael ta sna te cajwale —la yut.

2 Reyes 4:24

La yal mandal ta chajbanel te burra. Jich la yalbey te yabate: —Ya xbootic ta ora. Ma me xawac' xjalajotic, chican ya calbat te banti ya jc'an ya jcom jba —xi'.

2 Reyes 4:29

Te Eliseo jich la yalbey te Giezi: —Chajbana aba, ich'a te jbastone, baan tey a. Teme ay mach'a ya ata aba soque, ma me xapatbey yo'tan; teme ay mach'a ya spatbat awo'tan, ma me xajac'bey, jich ma xjalajat a. Cajanbeya ta yelaw te alalquerem te jbastone —la yut.

Proverbios 4:25

Ja' me xawac' asit a te bila ay ta atojole; soc ja' me x'awil bael te bila neel aye.

San Marcos 6:7

La yic' tel te lajchaytul jpuc-c'opetic yu'une. Che'cheb la sticun bael, soc la yac'bey bael tulan yat'el ta sloq'uesel te pucuje.

San Lucas 22:35

Te Jesús la sjojc'obey te jnopojeletique: —Te c'alal la jticunex bael, te ma ba la awich'ic yawil ataq'uinic, abolsaic, axanabic, ¿ay bal falta la awaiyic? —xi'. —Ma'yuc —xiic.

1 Samuel 21:8

Te David jich la yalbey te sacerdote Ahimelec: —¿Ay bal li' ay awu'un lanza, o puñal? Melel ta scaj te tulan sc'oplal te smandal te muc' ajwalile, ora nax loc'on tel. Jich ma ba ju'ix te la jtam tel te puñal cu'une, soc ni ja'uc te yantic at'ejibaletic cu'un yu'un guerra —xi'.