San Lucas 10:2 - Bible in Tzeltal de Oxchuc y Tenejapa

² Jich la yalbey yaiyic: —Bayal me te c'ajoje. Yan te j'at'eletique, ma'yuc bayalic. Jich yu'un, albeyaic wocol te yajwal at'el te ya sticun ta at'el te j'at'eletique.

Nuevo Testamento Tzeltal de Amatenango

² Jich a yaltalanbe: —Bayal te kꞌajoje. Yan te jꞌaꞌteletike maꞌyuk bayal. Jaꞌ yuꞌun, kꞌambeyaik te yajwal kꞌajoje te yauk stikon jꞌaꞌteletik ta kꞌajoje.

Bible in Tzeltal Bachajón

² Hich la yalticlambe bahel: Bayel te sit awal-ts'unubil, pero mayuc tsobol te j'a'teletique. Ha yu'un c'ambeyahic te Yajwal awal-ts'unubil te yacuc sticonlan j'a'teletic ta stsobel.

San Lucas 10:2 ပူးပေါင်းရင်းမြစ်များ

1 Reyes 18:22

Te Elías c'opoj xan, jich la yal: —Jo'on xanix jtuquel cuxulon te j'alwanejon yu'un te Cajwaltique; yan te j'alwanejetic yu'un Baal ay lajuneb yoxwinic xcha'bajc' (450) stuquelic.

Salmos 68:11

C'opoj te Cajwaltique, tsobol antsetic la spucbeyic ta alel te sc'ope:

Jeremías 3:15

Ya cac'beyex ajwaliletic awu'unic te ya yac'bonic sbujts' co'tane, soc ya me xmandalajic ta atojolic ja'ex soc sp'ijilic soc te bila sna'ojic ta leque.

Zacarías 11:17

Ay me swocol cu'un te jcanan te ma xtuune, te ya xch'ay jilel te chijetique. Ac'a yich' ejch'entesel sc'ab ta puñal, soc ac'a yich' ejch'entesel swa'el sit. Ac'a lajuc yip te sc'ab, soc jc'axel ac'a tup'uc te site —xi' te Cajwaltique.

Zacarías 11:5

Te mach'atic ya smanique, ma muliluc ta yo'tanic te ya smilique. Jich te mach'atic ya xchonic bael, jich me ya yalic: “Wocol la yal te Cajwaltic, jc'ulejonix”, xiic yu'un. Ni ja'uc te jcananetic yu'unic ya xna'bot yo'bolil sbaic yu'un te chijetique.

Números 11:17

Ya xcoon tel, ya xc'opojotic. Ya quich'bat oliluc te espíritu te awich'oje, ya cac'bey ta stojolic swenta yu'un ma atuqueluc ya awic' bael te lume, jich me ma atuqueluquix abi.

Números 11:29

Te Moisés la sjac': —Ma me xacuy te ya xpejc'aj jc'oplal yu'une. Ja' lec te yacuc yac'bey espíritu spisil lum te Cajwaltic, spisil me j'alwanejetic te jichuque —xi' te Moisese.

San Mateo 20:1

La yal te Jesuse: —Te bit'il ay ta ajwalinel te Dios te ay ta ch'ulchane, ja' pajal soc te jtul winic te sab to a te loc' sle yaj'at'ele, swenta yu'un ya spas trato ta tsobel te sts'usube.

San Marcos 13:34

Jich me c'oem te bit'il jtul winic te bajt' ta c'ubul q'uinale. C'alal ma to xloc' bael ta sna, la spas jilel ta mandal te abatetic yu'une. Juju-jtul la yac'bey jilel yat'el, soc la yalbey jilel mandal te mach'a scanantayej te sti' snae te ma me xwaye.

San Marcos 16:15

Jich albotic yu'un: —Baanic ta bayuc ta spamal balumilal. Cholbeya te lec yach'il c'op spisil te muc' biq'uite.

San Marcos 16:20

Te jnopojeletique loq'uic bael ta bayuc ta xcholel te lec yach'il c'ope. Ja' coltayotic ta at'el yu'un te Cajwaltique, soc te bila la yalique, ja' la snujp'in sba soc te señailetic te chicnaj ta swentaique. Jichuc.]

San Lucas 9:1

Te Jesús la stsob tel ta stojol te lajchaytul jnopojeletic yu'une. La yac'bey yich' yu'elic soc tulan yat'elic ta sloq'uesel spisil ta jchajp pucujetic soc ta slamantesel jchameletic.

Hechos 11:19

Te mach'atic pujq'uic bael ta scaj te uts'inel te jajch' ta stojolic te c'alal laj ta milel te Estebane, ay bajt'ic ta sq'uinal Fenicia soc ta sq'uinal Chipre soc ta lum Antioquía. Ma'yuc yan mach'a la yalbeyic te lec yach'il c'ope, ja' nax la yalbey yaiyic te mach'a judioetique.

Hechos 13:2

Jun c'aal, c'alal la stsob sbaic ta yalel wocol ta stojol te Cajwaltique soc spasojic ayuno a, jich albotic yu'un te Ch'ul Espiritue: —Ac'bonic ta jwenta te Bernabé soc te Saulo te tsabiliquix cu'un ta spasel te at'ele —utotic yu'un.

Hechos 13:4

Jich te Bernabé soc te Sauloe la yich'ic ticunel bael yu'un te Ch'ul Espiritue. Jich coic bael ta lum Seleucia. Tey ochic ta barco a, bajt'ic ta sq'uinal Chipre.

Hechos 20:28

Jich yu'un tsajtaya me abaic ja'ex, soc canantayaic ta stsojbol te chijetic ta banti yac'ojbeyex awat'elic ta scanantayel te Ch'ul Espiritue. Canantayaic te jch'uunjeletic yu'un te Cajwaltic te manbil ta xch'ich'el yu'une.

Hechos 22:21

Ja'uc me to, te Cajwaltique la yalbon: “Baan me ta ora, yu'un ya jticunat bael ta c'ubul ta bay te mach'atic jyanlumetique”, la yuton —xi' te Pabloe.

Hechos 8:4

Te mach'atic pujq'uic bael ta anel ta bayuc, tey la yalic a te lec yach'il c'op te banti c'otique.

1 Corintios 12:28

Ta juju-jtsojp te jch'uunjeletic Dios la yaq'uix te ja' sbabial ay jpuc-c'opetique, te xchebale, ja' te j'alwanejetique, te yoxebale, ja' te p'ijubteswanejetique, soc la yac' te ay mach'atic ya spasic jchajp at'eliletique, soc te ay mach'atic ya xju' ya slamantesic jchameletic, soc te ay mach'atic ya xju' ya xcoltaywanique, soc te ay mach'atic ya xju' ya xwolwanic, soc te ay mach'atic ay smajt'anic te ya xc'opojic ta yantic c'opiletique.

1 Corintios 15:10

Ta swenta nax yutsil yo'tan Dios te jich c'ot ta jwentae. Soc ma tojoluc te bit'il ay yutsil yo'tan cu'une, yu'un c'ax jich at'ejemonix te bit'il at'ejemic spisil te yantique. Ja'uc me to, ma jo'ocon cat'el jtuquel, yu'un ja' at'ej ta jwenta te yutsil yo'tan te Diose.

2 Corintios 6:1

Jich yu'un te bit'il joy jbatic ta at'el soc te Diose, ya me jtac'uyex te ma me tojoluc ya xc'ot awu'unic te la yaq'uix ta ilel yutsil yo'tan ta atojolic te Diose.

Filipenses 2:21

Yan te yantique spisilic baem nax yo'tanic ta sleel te bila ya sc'an yo'tan stuquelique. Xujt' ma'yuc sc'oplal ta yo'tanic te bila ya sc'an yo'tan te Cristo Jesuse.

Filipenses 2:25

Soc la jnop te puersa la jticunbeyex tel te quermanotic Epafrodito, te joy ta at'el soc ta tsalwaneje, te ja' la aticunic tel yu'un te ya yac'bon te bila ya xtuun cu'une.

Filipenses 2:30

Melel jteb ma laj yu'un te bit'il la yac' sba ta abatinel ta stojol te Cristoe. Ja' te bit'il ma la xc'uxtay sba te la yac' sba ta abatinel cu'une. Ja' la ajelolinic te bit'il ma ju' awu'unic te tal awac' abaic ta abatinel cu'une.

Colosenses 1:29

Ja' swentail te tulan yacon ta at'el. Ya quiptay spasel ta swenta yu'el Cristo te yac ta at'el ta co'tane.

Colosenses 4:12

Soc ya sticunbeyex spatjibal awo'tanic te Epafras, te abat yu'un Cristo te tey talem ta banti ayexe. Bayal ya sc'oponbeyex Dios spisil ora te junuc awo'tanic soc te jc'axeluc ya awac' abaic ta spasel te sc'anjel yo'tan te Diose.

1 Tesalonicenses 2:9

Quermanotac, na'aic me te bit'il lubon ta sleel te bila tuun cu'une. At'ejon ta c'aal ajc'ubal, yu'un ma la jc'an te la cac'beyex awocolic te c'alal yacon ta xcholel ta atojolic te lec yach'il c'op yu'un te Diose.

1 Tesalonicenses 5:12

Quermanotac, ya calbeyex wocol, ich'aic ta muc' te mach'atic yacalic ta at'el ta awolilic te ya swolexe soc te ya stac'uyex ta swenta te Cajwaltique.

2 Tesalonicenses 3:1

Quermanotac, slajibalix ya calbeyex in to: C'oponbotic me Dios te ya me xpujc' ta ora ta bayuc te sc'op te Cajwaltique, soc te ya me x'ich'ot ta muc' yu'un te ants-winiquetique, jich nix te bit'il c'ot ta pasel ta awolilic te ja'exe.

1 Timoteo 4:10

Ja' swentail te cac'ojtic puersa ta at'el soc jts'icojtic ixtac'optayel. Yu'un ya jmaliytic te jcoleltic yu'un te cuxul Diose, te ja' Jcoltaywanej yu'un spisil te ants-winiquetique. Ja'uc me to, ja' mero Jcoltaywanej yu'un te jayeb mach'atic ya xch'uunique.

2 Timoteo 4:5

Yan te ja'ate canantaya me aba spisil ora. Ts'ica me te awocole. Pasa me awat'el ta xcholel te lec yach'il c'ope. Ju'tesa me awat'el te ac'botat apase.

Filemón 1:1

Jo'on Pabloon te ayon ta chuquel ta swenta te Cristo Jesuse soc te quermanotic Timoteo, ya jpatbat awo'tan ja'at, Filemón, te bayal c'uxat ta co'tan, te joy jbajtic ta at'el ta swenta te Cristo Jesuse.

Hebreos 3:6

Yan te Cristo te ja' Snich'an te Diose, jun nax yo'tan swentainej te snae, ja' bi ja' te jo'otic teme jc'axel jun co'tantic ta stojol c'alal ta slajibal c'aal, soc teme bin nax co'tantic ta smaliyel te jcoleltique.

Apocalipsis 2:1

Soc la yalbon: —Ts'ibubeya te ch'ul abat yu'un te jchajp jch'uunjeletic te ay ta lum Éfeso: Te mach'a sloch'oj ta swa'el sc'ab te juqueb eq'uetique soc te mach'a yac ta beel ta yolilal te jucch'ix xtuchtijib c'ajc' te pasbil ta oroe, jich la yal: