San Lucas 10:17 - Bible in Tzeltal de Oxchuc y Tenejapa

¹⁷ Te lajuneb xchanwinic (70) ta jtule, ay bayal sbujts' yo'tanic te c'alal sujt'ic tele. Jich la yalic: —Cajwal, asta te pucujetic la xch'uunbotic jmandaltic ta swenta abiil —xiic julel.

Nuevo Testamento Tzeltal de Amatenango

¹⁷ Te setenta ta jtule ben kontentoik te kꞌalal a sujtik tale. Jich a yalik: —Kajwal, asta te pukujetike la xchꞌuumbotik jmantaltik ta akuenta —xchiik julel.

Bible in Tzeltal Bachajón

¹⁷ Bayel yutsil yo'tanic a suhtic tal te lajuneb schanwinic (70) ta tuhl, hich la yalic: ¡Cajwal, ha nix hich te pucujetic ac'otic ta jcuentacotic ta scuenta abihil! xchihic.

San Lucas 10:17 ပူးပေါင်းရင်းမြစ်များ

Romanos 16:20

Te Dios yu'un lamal q'uinal, nopolix te ya yac'beyex apech'ic ta teq'uel te Satanase. Te yutsil yo'tan cu'untic te Cajwaltic Jesucristoe, ac'a me sjoinex ta apisilic.

San Marcos 16:17

Soc ya me xchicnaj señailetic ta swentaic te mach'atic ya xch'uunique. Ta swenta jbiil ya me sloq'uesic pucujetic, soc ya me xc'opojic ta yantic c'opetic,

San Lucas 9:1

Te Jesús la stsob tel ta stojol te lajchaytul jnopojeletic yu'une. La yac'bey yich' yu'elic soc tulan yat'elic ta sloq'uesel spisil ta jchajp pucujetic soc ta slamantesel jchameletic.

San Lucas 10:1

Ta patil te Cajwaltic la stsa xan lajuneb xchanwinic (70) ta jtul winiquetic. Che'cheb la sticun bael ta juju-jpam lum soc ta juju-jsejp q'uinal ta banti ya xc'ax bael ta patile.

San Lucas 10:9

Lamantesbeya xchamelic te jich yipal jchameletic ya ataic tey a. Soc jich me xawalbey yaiyic: “Nopol ya xjajch'ix ta atojolic te bit'il ay ta ajwalinel te Diose”, xaex me.

San Mateo 4:24

Pujc' sc'oplal ta spamal sq'uinal Siria te Jesuse. La yiq'uic tel ta stojol Jesús spisil te mach'atic ayic ta chamele, chican bila chameliluc te yich'ojique soc chican te bila toyol xc'uxul ya yaiyic ta sbaq'uetalique. Ay mach'atic ay pucuj ta yo'tanic, soc ay mach'atic ayic ta tujp'ul ic', soc ay mach'atic lajem xchial te yoc sc'abique. Spisil lecub yu'un te Jesuse.

San Lucas 10:20

Ja'uc me to, ma me ja'uc nax ay sbujts' awo'tanic yu'un te bit'il ya xch'uunbeyex amandalic te pucujetique. Ja'uc me ay bayal sbujts' awo'tanic yu'un te bit'il ts'ibubilix abiilic ta bay te ch'ulchane —xi' te Jesuse.

Efesios 5:24

Jich bit'il te jch'uunjeletique, ya xch'uunbey smandal te Cristoe, ja' nix jich uuc te antsetic te nujbineme, ac'a me xch'uunbeyic spisil smandal te smamlalique.