San Lucas 10:11 - Bible in Tzeltal de Oxchuc y Tenejapa

¹¹ “Te stanul alumalic te ay ta cacantique, ya me jtijt'antic jilel swenta seña te ma ja'uc ta jwentatic te ma la ach'uunique. Ja'uc me to, na'aic me stojol te bit'il nopol ya xjajch'ix ta ajwalinel te Diose”, ya me awutic.

Nuevo Testamento Tzeltal de Amatenango

¹¹ “Te stsꞌubil lumil te alumalik te ay ta koktike ya jkustik jilel yuꞌun seña te ma joꞌukotik ta jkuentatik te ma xꞌachꞌuunike. Pero naꞌbeyaik me sluwar te nopol ya xlijkix ta mantal te Kajwaltik Diose”, ya me awutik.

Bible in Tzeltal Bachajón

¹¹ ¡Te slumil te pueblo awu'unic te slap'oj sba ta coccotic, ya jlihlincotic ta acontrahic! Pero na'ahic te nopolix ay ta atojolic te cuentahinel yu'un Dios, xchihanic me.

San Lucas 10:11 ပူးပေါင်းရင်းမြစ်များ

Ezequiel 2:5

Teme la yich'at ta wentae, o teme ma ba la yich'at ta wentae, melel tulan ya yac' sbaic ta jtojol, pero ya me sna'ic te ay jtul j'alwanej yu'un Dios ta yolilique.

San Mateo 10:14

Teme ay mach'a ma la sc'an yiq'uex ta snae, soc teme ma la sc'an yaiybeyex stojol ac'opique, loc'anic tel ta sna, o ja' te lume. Tijt'ana jilel te stanul awacanique.

San Mateo 10:7

Jich me xawalic ta xcholel: “Nopol ya xjajch'ix ta ajwalinel te Dios te ay ta ch'ulchane”, xaex me.

San Mateo 3:2

Tey jajch' yalbey ta stojol spisil te ants-winiquetique: —Sujt'esa awo'tanic ta stojol te Diose, yu'un nopol ya xjajch'ix te bit'il ay ta ajwalinel te Diose —xi' te Juane.

San Marcos 6:11

Teme ay lum te ma sc'an yiq'uexe, soc teme ma sc'an yaiyic stojole, loc'anic bael tey a. Tijt'ana jilel te stanul awacanique. Ja' me seña ya yilic te ma ja'uc ta awentaic te ma la xch'uunique, —xi' te Jesuse.

San Lucas 10:10

Yan ta bay lum te ma la snajc'anexe, loc'anic bael ta bay calleetic yu'unic. Jich me xawalic:

San Lucas 10:9

Lamantesbeya xchamelic te jich yipal jchameletic ya ataic tey a. Soc jich me xawalbey yaiyic: “Nopol ya xjajch'ix ta atojolic te bit'il ay ta ajwalinel te Diose”, xaex me.

San Lucas 9:5

Te banti ma xyiq'uex ochele, loc'anic bael tey a. Tijt'ana jilel te stanul awacanique. Ja' me seña ta stojolic te ma ja'uc ta awentaic te ma xch'uunique —xi' te Jesuse.

Hechos 13:26

“Quermanotac, te yal-snich'anex te Abrahame soc ja'ex ta apisilic te awich'ojic ta muc' te Diose, julix ta alel ta atojolic te bit'il ay sc'oplal te colele.

Hechos 13:40

Tsajtaya me abaic jiche, ma me ja'uc ya xc'ot ta pasel ta atojolic te bila la yal jilel te j'alwanejetic yu'un te Diose, te jich la yalique:

Hechos 13:46

Jich te Pabloe soc te Bernabé, jajch' yalbey yaiyic ta jamal: —Te ja'ex te judioex atuquelique, puersa neel albotex awaiyic te sc'op Diose, ja'uc me to, la ap'ajiquix soc ma x'ac'anic te ya awich'ic acuxlejalic sbajt'el q'uinale. Jich yu'un ta ora to, tey me ya xbootic ta stojol te jyanlumetique.

Hechos 13:51

Jich te Pablo soc te Bernabé la scusic jilel stanul yacanic swenta seña te ay ta swentaic stuquelic te ma xch'uunique. Jich bajt'ic ta lum Iconio.

Romanos 10:21

Soc jich la yalbey sc'oplal te israeletique: “Sjunal c'aal bechel jc'ab ta ic'aw ta stojol te lum te jch'ay-mandaletique soc te jcontroinwanejetique, xi' te Diose”, te xie.

Romanos 10:8

Ja'uc me to, ¿Bi ya yal te c'ope? Jich la yal ta jamal te Moisés: “Te sc'op Diose, nopol ayix ta atojol. Ayix ta awe soc ayix ta awo'tan”, te xie. Ja' me te Sc'op Dios te ya jcholtic, ja' te sc'oplal te xch'uunjel-o'tanile.

Hebreos 1:3

Ja' chican a te yutsil xojobil te Diose, soc ja' chican a te bi yilel ay soc yo'tan te Diose. Spisil te bitic aye ja' ipajemic a te yu'el sc'ope. Te c'alal ju'ix yu'un spoquel loq'uel a te jmultique, la snajc'an sba ta ch'ulchan ta swa'el sc'ab te Muc' Diose.