San Lucas 1:9 - Bible in Tzeltal de Oxchuc y Tenejapa

⁹ Jich te bit'il ay ta spasel yu'unic la yich' tsael ta numeroetic te sacerdote te ya x'och ta xchiq'uel pom ta bay yutil templo yu'un te Cajwaltique. Ja' c'ot ta swenta Zacarías.

Nuevo Testamento Tzeltal de Amatenango

⁹ Jich tutꞌil skostumbreik te saserdoteetike, la yichꞌ tsael ta numeroetik te Zacariase te ya xꞌoch ta xchikꞌel pom ta yutil templo yuꞌun te Kajwaltike.

Bible in Tzeltal Bachajón

⁹ ta scuenta seña ta na'el c'oht ta scuenta te Zacarías, hich bin ut'il costumbre yu'un te sacerdotehetic, te ya x'och bahel ta chiq'uel pom ta ch'ul awilal yu'un te Cajwaltique.

San Lucas 1:9 ပူးပေါင်းရင်းမြစ်များ

1 Crónicas 23:13

Te snich'nab Amram, ja'ic te Aarón soc Moisés. Te Aarón ja' tsaot yu'un Dios te ya swentain yaq'uel ch'ul majt'aniletic, te ya xchic' pom ta stojol te Cajwaltic, te ya x'abatinot yu'une, soc te ya sc'anbey bendición ta stojol te israeletic ta spisil ora. Ja' te at'el te ya swentain sbajt'el q'uinal te Aarón soc te sts'umbale.

1 Crónicas 6:49

Te Aarón soc te sts'umbale, ja'ic te la xchiq'uic te smajt'an Dios ta scajtijib, soc la xchiq'uic pom ta scajtijib. Jich nix la spasic spisil te abatinel ta Mero Ch'ul Awilal, soc te bit'il ya staic perdón yu'un smulic te israeletique, jich nix te bit'il yaloj mandal Moisés, te yabat Diose.

2 Crónicas 26:16

Te bit'il tulan soc te yat'ele, jajch' ta stoybel sba yu'un, ja' la sta jinel a. Cheb yo'tan c'ot ta stojol te Cajwaltic Dios, melel och bael ta templo yu'un Cajwaltic ta xchiq'uel pom ta scajtijib xchic'jibal te pome.

2 Crónicas 29:11

Jich yu'un, ja'ex te jnich'nabex ya caiy ta co'tane, ma me xlubex, melel tsabilex yu'un te Cajwaltic swenta yu'un spisil me ora ayex ta xch'uunel te smandal, te ya awac' abaic ta abatinel ta stojol, soc te ya achic'beyic pom ta stojol —xi' te muc' ajwalile.

Números 16:40

Ja' me sjultesibal stsa c'ot te israeletic te ma me ayuc mach'a ya xju' ya xnoptsaj ta scajtijib majt'anil ta yaq'uel pom ta stojol Cajwaltic, teme ma ja'uc sts'umbal Aarón, jich me ya xc'ot ta swenta te bila c'ot ta swenta Coré soc te sjo'taque. Spisil la yich' pasel jich bit'il yalojbey mandal Cajwaltic ta stojol Eleazar ta swenta Moisés.

San Mateo 27:5

Jich la xch'oj jilel ta yutil templo te taq'uine. Ba sjojc'an sba ta te' ta smilbel sba.

Hebreos 9:6

In te bit'il jich chajbanbil te nailpac' temploe, te sacerdoteetique spisil ora ochic tey a ta bay te sba tsalal te temploe, yu'un ja' yat'elinejic spasel te bit'il ya sc'an ich'el ta muc' ta templo te Diose.

1 Samuel 2:28

Soc la jtsa loq'uel ta yolil spisil sts'umbal Israel te mach'atic ya x'ochic ta sacerdoteil cu'un, swenta yu'un ya me yac'bonic chic'bil jmajt'an ta scajtijib cu'un, soc ya me xchic'bonic pom, soc ya me slapic tel efod ta jtojol. Soc xan, te antiguo ats'umbalic la cac'bey te majt'aniletic te ya yac' ta chiq'uel te israeletic ta swenta quich'el ta muq'ue.