San Lucas 1:8 - Bible in Tzeltal de Oxchuc y Tenejapa

⁸ Jich c'ot ta pasel te c'alal ja' talemic ta abatinel ta stojol Dios ta bay templo soc sjo'tac ta sacerdoteil a te Zacariase.

Nuevo Testamento Tzeltal de Amatenango

⁸ Ay jun kꞌaal la sta sturno ta abatinel ta stojol Dios te ba templo te Zacarias sok te jtijkꞌ saserdoteetik yuꞌune.

Bible in Tzeltal Bachajón

⁸ Te c'alal ay ta a'tel ta sacerdotehil ta stojol Dios a te Zacarías soc te jchahp smohlol ta a'tel,

San Lucas 1:8 ပူးပေါင်းရင်းမြစ်များ

1 Crónicas 24:19

Ja' jich la yich' puquel yat'el ta jeltomba ta chajbalchajp te ayic ta abatinel ta templo, jich bit'il xchajbanejbey sc'oplalic te Aarón te antiguo statique, jich bit'il albot mandal yu'un Cajwaltic, te Dios yu'un Israel.

1 Crónicas 24:2

Te bit'il ja' neel lajic bael te Nadab soc Abiú yu'un a te statique, jtul ma'yuc jilel snich'nabic. Jich yu'un te Eleazar soc te Itamar, ja' jil ta swentaic te sacerdoteile.

2 Crónicas 11:14

Melel te levitaetic puersa la yijq'uitayic te sq'uinalic te bay ya scanantayic te xchamsbalamique soc te bitic ay yu'unique, yu'un bajt'ic ta Jerusalén soc ta yantic lumetic ta sq'uinal Judá. Melel te Jeroboam soc te yantic sjelol bael, la scombeyic te yat'el ta sacerdoteil yu'un te Cajwaltique.

2 Crónicas 31:19

Ta spisil te lumetic ay winiquetic ac'bil yat'elic ta swenta spuquel swe'elic ta stojol spisil te winiquetic te ja' te sacerdoteetic te sts'umbalic Aarón, soc ta stojol spisil te levitaetic te ts'ibubil jilel sbiilic te nainemic ta juju-jsejp slumal te sacerdoteetic te banti ay aquiltic yu'un xchamsbalamique.

2 Crónicas 31:2

Ta patil te Ezequías la xchajban te sacerdoteetic soc te levitaetic te ya sjel sbaic ta at'ele, swenta yu'un chajbalchajp ya x'at'ejic te ya yaq'uic chic'bil majt'anil, te ya yaq'uic milbil majt'anil ta swenta seña lamal-o'tanil soc te Diose, te ya yalbey wocol, soc te ya yalbey yutsil sc'oplal Cajwaltic, soc te ya yac' sbaic ta abatinel ta bay ochibaletic yu'un templo.

2 Crónicas 8:14

La yal mandal te ma xyanaj te bit'il ya sjel sbaic ta at'el te sacerdoteetique, jich bit'il la yal mandal ta chajbanel David te anima state, swenta yu'un te sacerdoteetic ya me spasic te yat'elique, soc te levitaetic ya me swentainic yalel wocol ta stojol Cajwaltic, soc ya me scoltay te sacerdoteetic te bitic ya sc'an pasel te jujun c'aale. Ja' nix jich te bit'il ya sjel sbaic te jcanan-ti'nailetic yu'un te jujun ti'naile, melel jich la yal mandal ta chajbanel te David, te swinic Dios.

Esdras 6:18

La sjel sbaic ta yat'el te sacerdoteetic ta chajbalchajp, soc te levitaetic la stsac yat'elic. Spisil jich la spasic swenta yich'jibal ta muc' Dios ta Jerusalén, jich nix te bit'il ts'ibubil ta libro yu'un Moisés.

Éxodo 28:1

“Ayuc me ta ats'eel spisil ora te Aarón soc te snich'nab, ja' te Nadab, Abiú, Eleazar soc Itamar, yu'un sacerdoteetic ya xc'ot cu'un ta yolil te israeletique.

Éxodo 28:41

“Jich me ya awac'bey sc'u'-spac' te abanquil Aarón te bit'il to, soc te snich'nabe. Ya me amalbey aceite ta sjolic swenta yu'un ya yich' yat'elic ta sacerdoteil te ya jch'ultes ta abatinel.

Éxodo 29:1

“Te bit'il ya jch'ultes ta abatinel te sacerdoteetic, jich me xapasbey ta stojolic: Tsaca jcojt' toro soc cha'cojt' tat chijetic te ma'yuc bila boloben ta sbaq'uetal.

Éxodo 29:44

Ch'ultesbil me cu'un te Nailpac' te bay ya quich' c'oponel, soc te scajtijib ta chiq'uel milbil jmajt'ane. Ch'ultesbil me cu'un Aarón soc snich'nab te ya cabatin ta sacerdoteile.

Éxodo 29:9

Te Aarón soc snich'nab ya me achucbey xch'ujt'ic, soc ya me awac'bey sbejch'il pac' ta sjolic. Jich me ya awac'bey yich' yat'elic ta sacerdoteil. Ja' me jmandal sbajt'el q'uinal.

Éxodo 30:30

“Te aceite, malbeya ta sjol Aarón soc te snich'nab, yu'un ja' xch'ultesjibal ta sacerdoteil cu'un.

Números 18:7

Ja'at nax me atuquel soc anich'nab te ya xju' ya apasic te at'el ta sacerdoteil ta bay scajtijib majt'anil, soc biluc ya xjajch' ta pasel ta yutil te paq'ue. Te at'el ja'ex ay ta awentaic, melel jo'on cac'ojbeyex ta awentaic te at'el ta sacerdoteile. Teme ay mach'a ya x'at'ej ta sacerdoteil te ma'yuc ta swenta, ya me yich' castigo ta milel —xi' te Cajwaltique.

San Lucas 1:5

Te c'alal ochem ta muc' ajwalil ta bay sq'uinal Judea te Herodese, ay jtul sacerdote te Zacarías sbiile te ay ta jtijc' sacerdoteetic te yich'ojbeyic sbiil te Abiase. Te yinam te Zacariase, Elisabet sbiil, ja' sts'umbal uuc te namey q'uinal sacerdote Aarone.

San Lucas 1:7

Ja'uc me to, ma'yuc yal-snich'anic, yu'un stalel ma x'alaj te Elisabete. Soc me'el-mamalix ta xchebalic.