San Lucas 1:78 - Bible in Tzeltal de Oxchuc y Tenejapa

⁷⁸ Melel ta swenta xc'uxul yo'tan cu'untic te Diose, te ya yac' loc'uc tel c'alal ta ch'ulchan te mach'a ya yac' sacubuc q'uinal ta jtojoltic,

Nuevo Testamento Tzeltal de Amatenango

⁷⁸ Porke te Dios kuꞌuntike, ta skuenta te slekil yoꞌtane, ya yakꞌ lokꞌuk tal kꞌalal ta chꞌulchan te machꞌa ya yakꞌ sakubuk kꞌinal ta jtojoltike.

Bible in Tzeltal Bachajón

⁷⁸ ta scuenta yutsil sc'uxul yo'tan te Dios cu'untic, te la stahotic c'alal ta toyol ta scuenta te c'ahc'al te loq'uemix tal,

San Lucas 1:78 ပူးပေါင်းရင်းမြစ်များ

Salmos 25:6

Cajwal, na'a me te xc'uxul awo'tan soc te t'ujbil yutsil awo'tan te ya awac'botic quiltic spisil ora stuquele.

Isaías 11:1

Ta xchumante'al Isaí sbiil ya xloc' tel spul; ya xt'om loq'uel tel spul ta bay yisim.

Isaías 42:16

Ya me quic' bael te ma'sitetic ta bebetic soc ta bay ch'in be te ma xyilique. Ya me jc'atp'un ta saquil q'uinal ta stojolic te ijc' q'uinale, soc ya me jc'atp'un ta spamlej ta bay chujc'ulique. Te bitic la cale ya me xc'ot ta pasel cu'un ta puersa.

Isaías 63:15

Cajwal, ila me awil c'alal ta ch'ulchan, c'alal ta xch'ul yutsil awilal te bay ayate. ¿Banti ay te toyol awo'tan ta jtojoltic? ¿Banti ay te awipe? ¿Banti ay te ya ana' yo'bolil jbatique? ¿Yu'un bal ma'yuquix te xc'uxul awo'tan ta jtojoltique?

Isaías 63:7

Ya jc'an ya cal te xc'uxul yo'tan te Cajwaltique; ya jc'ajintay te yutsilale ta swenta spisil bitic spasoj ta jtojoltic. Ma p'isbiluc yutsil yo'tan ta stojol yal-snich'nab Israel; spasoj spisil ta swenta yutsil yo'tan soc te smuc'ul xc'uxul yo'tane.

Zacarías 3:8

aiya me awaiy ta lec, soc ac'a me yaiyic te ajo'tac ta sacerdoteile. Ta apisilic te ja'exe, señaex te bila ya xc'ot ta pasel ta patil. Ya me quic' tel te cabat, te ja' te spul c'oeme.

Zacarías 6:12

Jich me xawalbey: “Te Cajwaltic te Spisil ya xju' yu'une, ya yal ta jamal te ay jtul winic te Spul sbiil te ya xpulin loq'uel tel ta atojol, te ya xcha'pas xan te templo yu'un te Cajwaltique.

Malaquías 4:2

Yan te ja'ex te awich'ojonic ta muc', ya me xtil ta atojolic jichuc xojobil c'aal te chajbanel cu'une; te xojobile ya me yac' cuxlejal. Ja' yu'un te ja'ex ya me xwilex yu'un sbujts' awo'tanic, jichuc alal wacaxetic te c'alal ya xloq'uic bael ta yawil swe'elique.

Números 24:17

Ay bila yacon ta yilel te ya xc'ot bael ta pasel, ay bila ya quil ya caiy te c'ubul aye: Ja' jun ec' te ya xloc' tel ta Jacob, ya xjajch' loq'uel tel jtul muc' ajwalil ta yolil Israel. Ja' ya swuybey sjol te sts'umbal Moab, ya swuy spisil sts'umbal Set.

San Juan 3:16

Melel te Diose bayal c'ux la yaiy ta yo'tan spisil te ants-winiquetique. Jich yu'un la yac'bey te jip jtul Snich'ane, swenta yu'un spisil te mach'a ya xch'uune, ma xch'ay, jich me ya sta xcuxlejal sbajt'el q'uinal.

Efesios 5:14

Ja' swentail te jich ay ta alele: “Wic'a asit, ja'at te wayalate, jajch'an tel ta bay te animaetique. Ya yac' tiluc saquil q'uinal ta atojol te Cristoe”, te xie.

Filipenses 1:8

Ja' testigo cu'un te Diose te bayal c'uxex ta co'tan ta apisilique, jich nix te bit'il c'ax bayal c'uxotic ta yo'tan ta jpisiltic te Jesucristoe.

Filipenses 2:1

Jich yu'un teme muc'uben q'uinal ya awaiyic yu'un te Cristoe, soc teme muc'uben q'uinal ya awaiyic yu'un te bit'il c'uxex ta yo'tane, soc teme sjoinejex te Espíritu yu'une, soc teme bayal c'ux ya awaiy abaique,

Colosenses 3:12

C'u'inaic me te yach'il cuxlejal te bit'il tsabilex yu'un te Diose, te ch'ultesbilex yu'un te Diose, soc te c'uxex ta yo'tane. Jich yu'un ac'aic me ta ilel te ya ana'ic c'uxtaywanej. Ayuc me yutsil awo'tanic. Peq'uel me xawac' abaic soc manso me xawac' abaic. Ac'a cujch'uc awu'unic teme ay bila ma lecuc ya awaiy ta awo'tanique.

2 Pedro 1:19

Jich ya jna'tic te smelelil te bila yalojic jilel te namey q'uinal j'alwanejetique. Ja' lec te bit'il awich'ojic ta muc' te c'op yalojique, te melel pajal soc lámpara te tilem ta ijc' q'uinale, ja' to teme sacub q'uinale, soc ja' to teme loc' tel te muc'ul ec' swenta sacubel q'uinal te ya yac' sacub q'uinal ta awo'tanique.

1 Juan 3:17

Te mach'a ay bila ay yu'un li' ta balumilal to, teme ya yil te yermano te ma'yuc bi ay yu'une, teme ma ba ya xc'uxtaye, yu'un nanix ma c'uxuc ya yaiy ta yo'tan a te Diose.

Apocalipsis 22:16

“Jo'on Jesuson te jticunej tel te ch'ul abat cu'une, tal yal ta testigo-c'op ta stojol te jch'uunjeletique. Jo'on smuc'ul yisimon te muc' ajwalil Davide soc sts'umbalon, soc jo'on te muc'ul ec' c'oemon te ya xloc' tel ta sacubel q'uinale”, xi' te Jesuse.