San Lucas 1:71 - Bible in Tzeltal de Oxchuc y Tenejapa

⁷¹ te ya scoltayotic loq'uel ta sc'ab te cajcontrotique soc ta sc'ab te mach'atic yilayejotique.

Nuevo Testamento Tzeltal de Amatenango

⁷¹ te ya skoltayotik lokꞌel ta skꞌab te jkontratike sok ta skꞌab te machꞌatik ya spꞌajotike.

Bible in Tzeltal Bachajón

⁷¹ ya scoltayotic loq'uel ta sc'ab te jcontratic, soc ta sc'ab te mach'atic ya yil-o'tantayotic;

San Lucas 1:71 ပူးပေါင်းရင်းမြစ်များ

2 Reyes 17:39

Jo'on nax me ya ach'uunonic te Ajwalilon te Dioson awu'unique. Jich me jo'on ya jcoltayex ta sc'ab a te acontroique”, xi' sc'oplalic.

Salmos 106:10

Jich la scoltay ta sc'ab te scontrotac, ja' te mach'atic ay slab yo'tanic yu'une.

Salmos 106:47

Dios cu'untic, coltayawotic, Cajwal; tsobawotic loq'uel ta yolilal te nacionetic, swenta yu'un ya me caltic wocol ta atojol, soc swenta yu'un ay sbujts' co'tantic ta yalel yutsil te ac'oplale.

Jeremías 23:6

Ta yorail te ay ta at'el ta muc' ajwalile, te Judá ya me xcol; jich nix te Israel, jun nax me yo'tan ta q'uinal. Ja' me sbiil ya awalbeyic in to: “Cajwaltic te toj ya yaiy tsalaw cu'untique” xaex me ta yalel —xi'.

Jeremías 32:37

Ja'uc me to, ya jtsob tel spisil yajwal te alumal ta bay la jpuquex bael c'alal noj ta co'tan quilimba soc sc'ajc'al co'tan te xiweltic sbae. Ya me quiq'uex sujt'el li' ta bay in q'uinal to, swenta yu'un jun nax me awo'tanic ya x'ainex tey a.

Ezequiel 28:26

Jun me yo'tanic ya xnainic tey a, ya me spas snaic, ya me sts'un sts'usubilic. Jo'on me ya cac'bey castigo ta stojolic ta spisilic te mach'atic nopol ayic te yilayejic te lum Israel. Jich me ya sna'ic spisil ants-winiquetic te jo'on Ajwalilon te Dioson yu'un Israel —xi' te Cajwaltique.

Ezequiel 34:25

Ya me jpas trato soc te chijetic cu'une, swenta yu'un chapal me ya xjilic cu'un soc jun yo'tan ya xcuxinic. Ya me cac' ch'ayuc ta lumq'uinal te jti'awal chambalametique, swenta yu'un jich me jun yo'tan ya x'ainic a te chijetic cu'une. Ya me xju' ya xbajt'ic ta beel ta sjamalul q'uinal, soc asta ya xju' ya xwayic ta ye'tal ja'mal.

Ezequiel 34:28

Te jyanlumetic ma'yuquix bi ora ya x'och ta sc'abic, ni ja'uc te jti'awal chambalametic ya xti'otic yu'une. Jun nax me yo'tanic ya xnainic, ma me ayuc mach'a ya xju' ya xiwtesotic yu'un.

Ezequiel 38:8

C'alal c'axix bayal ja'wil a, ya awich' pasel ta mandal, yu'un ya awac'bey guerra jpam lum te namey la yich' aq'uel guerra, ja'uc me to ta ora to xcha'tamojix sba. Ja' in jpam lum to pujc' bael ta nacionetic ta nameye, te jc'axel la yich' lajinel sbajt'el q'uinal sc'oplale, pero la stsobix xan sba ta witsetic yu'un Israel a. Ja' me yorail a te sujt'emiquix tel ta yantic lumetic a, ta spisilic bin nax meix yo'tanic ta nainel tey a.

San Lucas 1:68

—Jelawen yutsil te Cajwaltic te Dios yu'un Israele. Yu'un tal scoltay ta libre te lum yu'une.

San Lucas 1:74

te ya me scoltayotic loq'uel ta libre ta sc'ab te cajcontrotique. Jich me ma'yuc xiwel ya caiytic te ya cac' jbatic ta abatinel yu'une.

Deuteronomio 33:29

Bayal me awutsil, ja'at Israel, ¿mach'a pajalat soc? Melel ja' nix te Cajwaltic te scoltayejate, ya scanantayat, ja' ya scoltayat stuquel. Ja' puñal awu'un c'oem soc ja' tsalaw awu'un stuquel. Te acontrotac ya me yac' sbaic ta ac'ab, te ja'ate ya me alajinbey te stoybailique —xi' te Moisese.

1 Juan 3:8

Yan te mach'a yat'elinej sleel te smule, ja' yu'un te pucuje. Melel te pucuje stalel yat'elinej sleel smul ta xjajch'ibal to tel. Melel ja' swentail te xtaluc ta balumilal te Snich'an Diose, yu'un tal slajinbey sc'oplal te bila yat'elinej spasel te pucuje.