San Lucas 1:7 - Bible in Tzeltal de Oxchuc y Tenejapa

⁷ Ja'uc me to, ma'yuc yal-snich'anic, yu'un stalel ma x'alaj te Elisabete. Soc me'el-mamalix ta xchebalic.

Nuevo Testamento Tzeltal de Amatenango

⁷ Pero maꞌyuk yuntikilik, yuꞌun ma xꞌalaj te sꞌElisabete. Lom mamalix y lom meꞌelix ta xchebalik.

Bible in Tzeltal Bachajón

⁷ Pero mayuc yal-snich'anic, como ma x'alaj te Elisabet, soc ta schebalic ayix ya'bilalic.

San Lucas 1:7 ပူးပေါင်းရင်းမြစ်များ

Génesis 17:17

Te Abraham la stinan sba coel c'alal ta lum ta stojol te Diose. Jajch' ta tse'ej yu'un, jich la yal ta yo'tan: “¿Ban c'an taluc xan snich'an te mach'a mamalixe, te ayix jo'winic (100) ya'wilale? Soc ¿bit'il c'an alajuc te Sara, te lajuneb yo'winic (90) ya'wilale?”, xi' ta yo'tan.

Génesis 18:11

Mamalix a te Abraham, soc me'elix a te Sara, ma ba yaquix ta yilel xchamel te Sara te bit'il ya spasbot te antsetique.

Génesis 25:21

Te Rebeca ma x'alaj, ja' yu'un te Isaac la sc'oponbey Dios te yiname. Tsacbot sc'op yu'un te Diose, jich la yic' yal te Rebeca.

Génesis 30:1

Te Raquel la yil te bit'il ma'yuc yal-snich'an soc te Jacob, jajch' ta slab-o'tantayel yu'un te xwixe. Jich la yalbey te Jacob: —¿Bi yu'un ma xawac' alajucon uuc? Teme ma xawac' alajucone, ya me jmil jba —la yut.

1 Reyes 1:1

Te c'alal mamalix a te muc' ajwalil David, bayal la yaiy sic. Manchuc me la smuquic soc la yac'beyic lec sc'u', pero ma ba q'uixnaj yu'un.

2 Reyes 4:14

Te Eliseo la sjojc'obey te yabate: —¿Pero bila lec ya xju' ya jpasbeytiquix ta stojol a jiche? —xi'. La sjac' te Giezi: —Ma jna'. Ma'yuc yal te antse; te smamlale mamalix —xi'.

San Lucas 1:5

Te c'alal ochem ta muc' ajwalil ta bay sq'uinal Judea te Herodese, ay jtul sacerdote te Zacarías sbiile te ay ta jtijc' sacerdoteetic te yich'ojbeyic sbiil te Abiase. Te yinam te Zacariase, Elisabet sbiil, ja' sts'umbal uuc te namey q'uinal sacerdote Aarone.

San Lucas 1:6

Ta xchebalic lec yat'elic ta stojol te Diose, soc xch'uunejbeyic spisil smandal te Cajwaltique. Ma xwejt' ta leel te smulique.

San Lucas 1:8

Jich c'ot ta pasel te c'alal ja' talemic ta abatinel ta stojol Dios ta bay templo soc sjo'tac ta sacerdoteil a te Zacariase.

Romanos 4:19

Jich ma ba pejc'aj xch'uunjel yo'tan te Abrahame, manchuc teme nopol xloq'uix jo'winic (100) ja'wil ya'wilale soc te nopolix ya xway sbaq'uetale, soc te bit'il stalel ma x'alaj te Sarae.

Hebreos 11:11

Soc ta swenta xch'uunjel yo'tan te Sarae, te bit'il ma x'alaje ac'bot xan yip sbaq'uetal yu'un yiq'uel te yale, manchuc teme c'axemix yorail te bit'il ya x'alaje. Jich ayin yal, yu'un xch'uunej yo'tan te ya yac' c'otuc ta pasel Dios te bila yalojixe.

1 Samuel 1:2

Te Elcana cheb yinam, Ana sbiil te jtule, te yane Penina sbiil. Te Penina ay yalatac, yan te Ana ma'yuc yal stuquel.