San Lucas 1:68 - Bible in Tzeltal de Oxchuc y Tenejapa

⁶⁸ —Jelawen yutsil te Cajwaltic te Dios yu'un Israele. Yu'un tal scoltay ta libre te lum yu'une.

Nuevo Testamento Tzeltal de Amatenango

⁶⁸ Ben tsaꞌam slekil te Kajwaltik Dios yuꞌun te Israele. Yuꞌun tal slebotik jkoleltik joꞌotik te jtejklumotik yuꞌune.

Bible in Tzeltal Bachajón

⁶⁸ Bayel yutsil te Cajwaltic, te Dios yu'un Israel, yu'un tal swehtesbe scolel te pueblo yu'une.

San Lucas 1:68 ပူးပေါင်းရင်းမြစ်များ

Génesis 14:20

Bin nax yutsil te Dios te toyol ay stuquele, melel la yac'batix ta ac'ab te jayeb awajcontro —xi' sc'oplal. Ta spisil biluquetic te yich'oj sujt'el tel Abram, jun la yac'bey smajt'anin ta slajunebal te Melquisedec.

Génesis 24:27

jich la yal: —Bin nax awutsil, Cajwal te Diosat yu'un te cajwal Abraham, te jun awo'tan la ac'uxtaybon te cajwale. La atojteson tel ta be, la awic'on tel li'to ta sna te yermanotac te cajwale —xi'.

Génesis 9:26

Soc la yal xan: “Te Sem ac'a ac'botuc bendición yu'un te Cajwal te Dios cu'une, soc ja' me yabat Sem ya xc'ot te Canaán.

1 Reyes 1:48

jich la yal: “Jelawen awutsilal, Cajwal, te Diosat yu'un Israel, te nax to nax la awac' c'otuc ta pasel te jtul jnich'an la awac' mouc ta naclej ta muc'ul nactijibal, soc te la to quile”, xi' te David —xi' c'oel te Jonatán.

1 Reyes 8:15

Jich la yal: —Bin nax yutsil te Cajwaltic, te Dios cu'untic te israelotique, melel c'otix ta pasel te bi la yalbey te David, ja' te jtat, te bit'il jich la yalbeye:

1 Crónicas 29:10

Jich yu'un te David la yalbey yutsil sc'oplal te Cajwaltic ta stojol spisil te tsoblej, jich la yal: —Bin nax awutsil atuquel sbajt'el q'uinal, Cajwal, ja'at te Diosat yu'un te antiguo jtat Israel.

1 Crónicas 29:20

Te David la yalbey spisil te tsobleje: —Ora yo'tic albeyaic yutsil sc'oplal te Cajwaltic te Dios cu'untique —xi'. Jich yu'un te tsoblej mero soc yo'tanic la yalbeyic yutsilal te Cajwaltic te Dios yu'un te antiguo sme'-static, la squejan sbaic ta stojol te Cajwaltic soc ta stojol te muc' ajwalile.

Salmos 106:48

Bin nax me yutsil stuquel te Dios yu'un Israel ta spisil bael ta sbajt'el q'uinal. Spisiluc me ac'a yalic: “Jichuc”, xiuquic me. ¡Bin nax me yutsil te Cajwaltique!

Salmos 111:9

La yac' ta libre te lum yu'un; soc la stulantesbey sc'oplal sbajt'el q'uinal te trato yu'une. Ch'ul Dios stuquel soc xiweltic sba.

Salmos 130:8

Ya me yac' ta libre yu'un spisil smul te israeletique.

Salmos 41:13

Te Cajwaltic, te Dios yu'un Israel, jelawen yutsil sc'oplal ta ora to soc ta sbajt'el q'uinal. Jichuc.

Éxodo 4:31

La xch'uun yo'tanic te lume. C'ot ta yo'tanic te yorailix te ya yich'ic coltayele, te na'botix yo'bolil sbaic yu'un te Cajwaltique. La stinan sbaic coel c'alal ta lum, caj yalbeyic bayal wocol te Diose.

San Lucas 1:71

te ya scoltayotic loq'uel ta sc'ab te cajcontrotique soc ta sc'ab te mach'atic yilayejotique.

San Lucas 19:44

Ya me yich' wuyel c'alal ta lum spisil te naetique. Ya me yich' milel spisil yajwal te alumale. Ni jp'ijuc ton te cajal ya xjil ta sba yan ton. Spisil me jich ya xc'ot ta pasel scaj te ma c'ot ta awo'tan te bi ora tal yilat te Diose —xi' ta yalel te Jesuse.

San Lucas 2:38

Te c'alal yac ta c'op a te Simeone, tal uuc te Anae. La yalbey wocol Dios yu'un te alal Jesús, soc la yalbey sc'oplal ta stojol spisil te mach'atic yacalic ta smaliyel te bit'il ya yich' coltayel ta libre te lum Jerusalene.

San Lucas 24:21

Yan te jo'otique, la jcuytic te ja' ya yac'botic ta libre te jlumaltic Israele. Ja'uc me to, ayix ta yoxebal c'aal te ac'ot ta lajele.

San Lucas 7:16

C'alal la yilic te ants-winiquetique, xiw yo'tanic yu'un. La yalbeyic wocol Dios yu'un: —Mero muc' j'alwanej te chicanix ta coliltique —xiic. Soc la yalic: —Dios tal scoltayix te lum yu'une —xiic.

Efesios 1:3

Jelawen yutsil te Diose, te Stat te Cajwaltic Jesucristoe, te la yac'botiquix spisil ta jchajp bendición te ay ta ch'ulchan ta swenta te Cristoe.

Efesios 1:7

La smanbotiquix jcoleltic ta swenta te xch'ich'ele. Jich la spasbotiquix perdón yu'un jmultic ta scaj te bayal yutsil yo'tan cu'untique.

Hebreos 9:12

Tey ochemix stuquel a te Cristo ta banti te Mero Ch'ul Awilale. Soc ma ja'uc xch'ich'el tat tentsun soc xch'ich'el alal wacax te c'o yac' ta ilel ta stojol te Diose. Ja' c'o yac' stuquel te xch'ich'ele. Jc'axel ochemix tey a ta bay te Mero Ch'ul Awilale. Jich la swejt'esbotiquix jcoleltic yu'un jmultic sbajt'el q'uinal.

1 Pedro 1:3

Jelawen yutsil te Diose, te Stat te Cajwaltic Jesucristoe. Yu'un ta scaj nax te bayal xc'uxul yo'tan ta jtojoltic te la yac' cha'ayinucotic xan ta swenta bit'il cha'cux tel ta bay animaetic te Jesucristoe. Jich cuxul spisil ora te smuc'ul co'tantique.

1 Samuel 25:32

Jac'bot yu'un te David: —Bin nax yutsil te Cajwaltic te Dios yu'un te jlumaltic Israel te la sticunat atabelon ta be.