San Lucas 1:6 - Bible in Tzeltal de Oxchuc y Tenejapa

⁶ Ta xchebalic lec yat'elic ta stojol te Diose, soc xch'uunejbeyic spisil smandal te Cajwaltique. Ma xwejt' ta leel te smulique.

Nuevo Testamento Tzeltal de Amatenango

⁶ Ta xchebalik lek yaꞌtelik ta stojol te Diose. Xchꞌuunejbeyik spisil te smantal te Kajwaltike, jaꞌ yuꞌun ma xwejtꞌ ta leel te smulike.

Bible in Tzeltal Bachajón

⁶ Schebalic toj yo'tanic ta stojol Dios, soc ts'acal sch'uhumbeyejic spisil smandar te Cajwaltique.

San Lucas 1:6 ပူးပေါင်းရင်းမြစ်များ

Génesis 17:1

Te c'alal balunlajuneb yo'winic (99) ya'wilal a te Abram, te Cajwaltic la yac' sba ta ilel ta stojol, jich la yalbey: —Jo'on Dioson te Spisil ya xju' cu'une, toj me xawac' aba ta jtojol, ma me xapas te bila ma lecuque.

Génesis 6:9

Ja' sc'oplal te Noé. Toj yo'tan te Noé, spisil ora la xch'uunbey smandal te Diose. Ta spisil mach'atic ayic ta q'uinal, ja' nax lec yo'tan stuquel; ya spasbey sc'anjel yo'tan Dios ta spisil ora.

Génesis 7:1

Te Cajwaltic la yalbey te Noé: —Ochan ta barco soc spisil mach'a ay awu'un, melel ta spisil te mach'atic ay ta q'uinal, ja'at nax atuquel te ya apasbon sc'anjel co'tan ya quile.

1 Reyes 15:5

Melel te David, buen toj la yac' sba ta sit Cajwaltic, soc ja' la spas te bitic lec sc'oplal ta stojol Cajwaltic yu'une. Melel te jayeb c'aal cuxin, ma'yuc bi ora te la xch'ay ta yo'tan te smandal Cajwaltic, ja' nax te bi la spasbey ta stojol te Urías te hitita-winique.

1 Reyes 9:4

Teme jich ya xbeenat ta jsit te bit'il been ta jsit te atat David, teme mero jun awo'tan soc toj awo'tan ya awac' c'otuc ta pasel spisil te jc'op soc te bila chapal sc'oplal cu'une,

2 Reyes 20:3

—Cajwal, jo'on ya calbat wocol, te yacuc ana' te bit'il jun co'tan la cac' jba ta abatinel awu'une, soc spisil co'tan la jpasbat te bi la sc'an awo'tane —xi'. Och ta buen oq'uel.

2 Crónicas 17:4

ja' nax la xch'uunbey te mandaliletic yu'un te Dios yu'un te state. Ma'yuc bay la snopbey stalel te israeletique.

Job 1:1

Ta sq'uinal Uz nain jtul winic, Job sbiil. Buen toj yo'tan ain ta stojol Dios, ma'yuc bila amen spasoj stuquel. Soc mero jun yo'tan la yac' sba ta abatinel yu'un te Diose; mero la stsajtay sba ta lec, soc ma'yuc bila amen la spasbey ta stojol yantic.

Job 1:8

Jich albot yu'un te Cajwaltic: —¿La bal awilbon te cabat Job? Ma'yuc mach'a yan jich pajal soc ta balumilal te mero jun yo'tan yac'oj sba ta abatinel ta jtojole, soc te mero toj yo'tan cuxul ta q'uinale. Ma'yuc bila amen spasoj, soc stsajtayej sba te ma'yuc mach'a ya yuts'in ta q'uinal stuquele —xi'.

Job 9:2

—Jna'oj ta lec te melel jich aye, soc jna'oj te ma xju' yu'un jtuluc winic te ya yac' ta na'el ta stojol Dios te ma'yuc bila spasoje.

Salmos 119:6

Jich ma jta q'uexlal ta atojol teme spisil co'tan cat'elinej xch'uunel te mandaliletic awu'une.

San Lucas 1:7

Ja'uc me to, ma'yuc yal-snich'anic, yu'un stalel ma x'alaj te Elisabete. Soc me'el-mamalix ta xchebalic.

San Lucas 16:15

Te Jesús la yal: —Te ja'ex ja' nax ya aleic te bila ya scuyex ta lec yu'un te ants-winiquetique. Yan te Diose ya sna'beyex te bila ay ta awo'tanique. Te bila lec nax ya yaiyic ta yo'tan te ants-winiquetique, ya yilay stuquel te Diose.

San Lucas 2:25

Ay jtul winic te ainem ta lum Jerusalén te Simeón sbiile. Toj ta winiquil, soc yich'oj ta muc' te Diose. Jun yo'tan yac ta smaliyel te bi ora ya yich' coltayel ta libre te lum Israele. Te Simeone sjoinej te Ch'ul Espiritue.

Hechos 2:25

Te muc' ajwalil David jich la yalbey sc'oplal uuc: “La quil ta jsit spisil ora te Cajwaltic te ay ta jtojole, teq'uel ta swa'el jc'ab swenta yu'un ma'yuc bi ya xju' ya yac' nijc'uc co'tan yu'un.

Hechos 23:1

Te Pabloe la yilbey sit te mach'atic ayic ta Muc'ul Tsobleje. Jich la yal: —Quermanotac, te jo'one, jun co'tan cuxinemon tel ta stojol te Diose, ja' to c'alal ta ora to —xi'.

Hechos 24:16

Ja' swentail te spisil ora ya jtsajtay jba ta stojol Dios soc ta stojol ants-winiquetic, swenta yu'un ma me jta jmul ta stojolic.

Hechos 8:21

Te ja'ate xujt' ma'yuc ta awenta spasel in to, melel ma tojuc awo'tan ta stojol te Diose.

Romanos 8:4

Jich la spas te Diose, swenta yu'un jich ya xju' cu'untic spasel te bila ya sc'an te mandalile. Ma me ja'uc ya jt'uuntic spasel te bila ya sc'an te jbaq'uetaltique. Ja'uc me ya jt'uuntic spasel te bila swenta te Espiritue.

1 Corintios 11:2

Quermanotac, bin nax co'tan te bit'il ya xjulon ta awo'tanique soc te bit'il ay to ta awo'tanic te p'ijubtesel la cac'beyex jilele.

2 Corintios 1:12

Ay bila te ya xjachbotic sbujts' co'tantic, ja' ya yalbotic ta co'tantic te lec cac'oj jbajtic ta melel li' ta balumilal to, c'axem to xan ta atojolic te ja'exe. Ja' in to ma ja'uc nax ta swenta te jp'ijiltique, melel ja' te Diose ta swenta yutsil yo'tan te jich yac'oj cuxinucotique.

Deuteronomio 5:33

Ja' me xat'unic te be la yac'beyex awilic Cajwaltic te Dios cu'untique, swenta yu'un jich me lec ya x'ainex a, soc jich me ya xnainex bayal ja'wil ta lumq'uinal te ya yac'beyex awu'uninique.

Filipenses 2:15

Jich ma x'ata amulic a, soc ma me ayuc bila quechel ta awentaic. Jich me lequil alnich'anex yu'un Dios ta yolil te ants-winiquetique te amen yo'tanique soc te ixta yo'tanique. Jich me xojobajemex ta yolilic te bit'il eq'uetic te ya xojobaj ta ijc' q'uinale.

Colosenses 1:22

Ta ora to, ta swenta Cristo te la yac' junajuc awo'tanic ta stojol Dios ta swenta bit'il c'ax swocol ta lajel soc sbaq'uetal. Jich te c'alal ya stejc'anex ta stojol te Diose, ch'ultesbilex soc ma'yuc bila boloben soc ma'yuc amulic ta stojol.

1 Tesalonicenses 3:13

Swenta yu'un ay me stulanil awo'tanic soc jun awo'tanic ta stojol te Jtatic Diose, soc te ma me ayuc amulic ta stojol te c'alal ya xtal te Cajwaltic Jesús soc spisil te mach'atic ch'ul lum yu'un te Diose.

2 Pedro 3:14

Jich yu'un quermanotac te bayal c'uxex ta co'tane, te jayeb xan c'aal yacalex ta smaliyele, antayaic me te ma me ayuc bila quechel ta awentaic ta stojol a te ya xjul staex te Diose. Ma me bolobenuc awo'tanic yu'un mulil a te ya xtale.

1 Juan 2:29

Teme ana'ojiquix stojol te bit'il toj yo'tan te Jesucristoe, na'aic me xan stojol jiche: Te mach'a yat'elinej spasel te bila toj ta pasele, ja' yal-snich'an Dios abi.

1 Juan 2:3

Teme ya jch'uunbeytic smandal te Diose, tey ya jna'tic stojol a te jna'ojbeytic sbae.

1 Juan 3:7

Cal-jnich'nab, ma me mach'a ya slo'layex. Spisil mach'a yat'elinej spasel te bila leque, chican te bit'il toj yo'tane, jich bit'il toj yo'tan stuquel te Jesucristoe.