San Lucas 1:32 - Bible in Tzeltal de Oxchuc y Tenejapa

³² Muc' me ya xc'ot, soc “Snich'an te Ch'ul Dios te mero toyol aye” xi' me sbiil ya xc'ot. Te Cajwaltic Diose ya me yac'bey sjelolin ta ajwalil ta smuc'ul nac'tijib te Davide, ja' nix te namey q'uinal state.

Nuevo Testamento Tzeltal de Amatenango

³² Mukꞌ me ya xkꞌot sok Xnichꞌan te Chꞌul Dios ay ta chꞌulchan xchi te sbiil ya xkꞌote. Te Kajwaltik Diose ya me yaꞌbe yaꞌtel ta reyil. Jaꞌ me sjelol ya xkꞌot te antibo rey David te jaꞌ stsꞌumbale.

Bible in Tzeltal Bachajón

³² Muc' sc'oblal ya xc'oht, soc ya x'a'bot sbihilin Snich'an te Mach'a ay ta toyol. Te Cajwaltic Dios ya me ya'be sjelolin ta ajwalil te David te state.

San Lucas 1:32 ပူးပေါင်းရင်းမြစ်များ

2 Samuel 7:16

Te ats'umbal soc te awat'el ta muc' ajwalil stalel ay cu'un sbajt'el q'uinal, jo'on ya jwentain. Soc nix te awat'el ta muc' ajwalil sbajt'el q'uinal chapal ya xjil”, uta me —xi' te Cajwaltique.

Salmos 132:11

Te Cajwaltic ay bila mero jc'axel yaloj ta stojol David, mero jc'axel yaloj te ma xju' ya sujt'es sc'op:

Salmos 132:12

“Ya me cac' najc'ajuc jtuluc ta amuc'ul nactijib te patil alnich'an awu'une. Te patil alnich'anetic awu'un, teme ya yaq'uic c'otuc ta pasel te trato cu'un, soc te mandaliletic ya cac'bey snopic, te snich'nabic ta cajalcaj ya me yu'uninbat sbajt'el q'uinal te muc'ul nactijibal awu'une”, te xie.

Isaías 16:5

te jtul sts'umbal David ya xc'ot ta swenta mandalteswanej, ja' te mandaltesel ta swenta yutsil-o'tanil te sbajt'el q'uinal ay stuquele. Ja' me juez stuquel te lec yo'tane; ja' me ya sjajch'es ta pasel te bitic ay ta swenta juju-jtul soc ya me xc'ot ta ora te tojil chajbanele.

Jeremías 17:25

Teme jich ya apasique, jich me ay muc' ajwaliletic ya xnajc'ajic ta muc'ul nactijibal yu'un David, soc ya me x'ochic bael ta ochibaletic yu'un sts'ajc'ul te lum ta carreta soc cajal ta caballo, joinbilic yu'un te jtsobwanejetic soc te ants-winiquetic yu'un Judá soc yu'un Jerusalén. Jich yu'un te Jerusalén ay nix me yajwal stuquel a.

Jeremías 22:2

ta stojol te muc' ajwalil yu'un Judá, te nacal ta smuc'ul nactijib David, soc ta stojol te sjo'tac ta ajwalil soc te yajwal te lume: “Aiybeya awaiyic sc'op te Cajwaltique.

Daniel 2:44

Te c'alal ay yat'elic ta muc' ajwalil ae, te Dios ta ch'ulchan ya me yac' ochel jtul jmandalteswanej te sbajt'el q'uinal ma ba ya xlaje, soc te ma'yuc bi ora ya x'u'uninot yu'un yan nación. Ja' me ya slajin ta jyalel te yantic ajwaliletique, ja' nax me muc' ajwalil ya xjil ta sbajt'el q'uinal stuquel.

San Mateo 1:1

Ja' in to, ja' lista yu'un te antiguo me'il-tatiletic yu'un te Jesucristoe te sts'umbal David te ja' sts'umbal Abrahame.

San Mateo 12:42

Soc tey me ay uuc a te antsil muc' ajwalil te ay smaquen-q'uinal ta stojol sur. Ja' me ya yalbey smulic uuc te mach'atic cuxulic ta q'uinal ta ora to, melel c'ubul tal ta yaiybel stojol sp'ijil sc'op te Salomone. Yan ta ora to, li' ay to te mach'a cajal yu'un te Salomone.

San Mateo 28:18

Te Jesús noptsaj tel tey a ta banti ayique. Jich la yal: —Spisil ac'botonix tulan cat'el ta swentainel ch'ulchan soc balumilal.

San Mateo 3:11

Melel te ich'ja' ya caq'ue, ja' nax ta swenta seña te bit'il sujt'emix awo'tanic yu'un te amulique. Ja'uc me to, te mach'a patil ya xtal cu'une, ja' me ya yac'beyex awich'ic ja' ta swenta Ch'ul Espíritu soc c'ajc'. Ja' tulan yat'el yich'oj stuquel. Xujt' ma xtuunon ta abatinel yu'un ya caiy, ni yacuc xju' ya quich'bey bael te xanabe.

San Marcos 14:61

Te Jesús jp'al ma c'opoj. Ma la sjac' xujt'uc. Jich te muc' sacerdote la sjojc'obey xan: —¿Ja'at bal Cristoat te Snich'anat Dios te jelawen yutsile? —la yut.

San Marcos 5:7

Jich la yal ta aw: —Jesús, ¿bistuc tal awochintayon ja'at te Snich'anat te Ch'ul Dios te ay ta ch'ulchane? Ya calbat wocol ta stojol Dios: Ma me xawuts'inon —xi' ta aw.

San Lucas 1:15

Yu'un muc' me ya xc'ot ta stojol te Diose. Xujt' ma xyuch' vino soc te yantic tulan uch'balile. Nojelix ta yo'tan a te Ch'ul Espíritu te c'alal ya x'ayine.

San Lucas 1:35

Jich la yal te ch'ul abate: —Ya xjul ta awenta te Ch'ul Espiritue. Ya me yaxintesat ta yu'el te Ch'ul Dios te mero toyol aye. Jich te ch'ul alal ya x'ayin awu'une, Snich'an Dios ya xc'ot te sbiile.

San Lucas 1:76

In te ja'ate, ch'in jnich'an, j'alwanej ya xc'oat yu'un te Ch'ul Dios te mero toyol aye. Melel ya me xneelajat ta xchajbanel sbe te Cajwaltique.

San Lucas 3:16

Ja'uc me to, la yal te Juane: —Melel te jo'one ja' nax ya cac'beyex awich'ic ja' ta swenta nax te ja'e. Yan te mach'a ya xtale, ja' me ya yac'beyex awich'ic te Ch'ul Espíritu soc c'ajc'. Ja' tulan yat'el yich'oj stuquel. Jichon ta stojol ya caiy te bit'il ma'yuc jtuul ta jyalele, ni yacuc xju' ya jtilbey sc'ab te xanabe.

San Lucas 6:35

Yan te ja'exe, c'ux me xawaiy ta awo'tanic te mach'atic ya scontroninexe. Pasbeyaic bila lec soc ac'beya smajanbat te bila ay awu'unique. Ma me x'ac'anbey sjol. Jich me bayal awutsilal ya awich'ic yu'un, soc jich me yal-snich'an ya xc'oex te ch'ul Dios te ay ta ch'ulchane. Melel ya xc'uxtay te mach'atic ma sna'ic yalel wocole soc te mach'atic amen yo'tanique.

San Juan 12:34

La yal te ants-winiquetique: —Caiyojtic stojol te bit'il ya yal te mandalil cu'untic te stalel cuxul sbajt'el q'uinal te Cristoe. ¿Bit'il ay a te jich la awal te puersa ya xjijp'anot te Nich'anile. ¿Mach'a a te Nich'anil ya awale? —xiic.

San Juan 6:69

Te jo'otique xch'uunej co'tantic soc jna'ojtic stojol te ja'at Cristoat te Snich'anat te cuxul Diose —xi'.

Hechos 16:17

Te ach'ixe jajch' sts'aclinotic soc te Pablo. Jich yac ta yalel ta aw: —Ja' in winiquetic to, ja' abatetic yu'un Dios te toyol ay ta ch'ulchane. Ja' ya yalbeyex awaiyic te sbelal te colele —xi' ta aw.

Hechos 2:30

Te Davide, j'alwanej yu'un te Diose. Jich sna'oj te bila yaloj Dios ta stojol te ja' ta swenta sts'umbal ya yich' chicnantesel yu'un Dios te Cristoe, te ja' sjelol ta smuc'ul nactijib ya xc'ote.

Hechos 2:36

“Jich yu'un te ja'exe soc spisil te jlumaltic israeletique, na'aic me stojol ta melel ta apisilic te ja' ya calbeyex sc'oplal te Jesuse. Te ja'exe, la amilic ta cruz. Yan te Diose, la yaq'uix ta ilel te ja' Cajwaltic soc ja' te Cristoe —xi' te Pedroe.

Hechos 7:48

Ja'uc me to, te Ch'ul Dios te ay ta ch'ulchane, ban c'an nainuc ta bay templo pasbil ta sc'ab te ants-winiquetique, melel jich la yal te jtul j'alwaneje:

Romanos 1:4

Ja'uc me to, ac'ot ta ilel te ja' Snich'an Dios te yich'oj yu'ele, melel cha'cux tel ta bay animaetic ta swenta te Espiritue te ya xch'ulteswane.

Apocalipsis 3:7

Soc la yalbon: —Ts'ibubeya te ch'ul abat yu'un te jchajp jch'uunjeletic te ay ta lum Filadelfia: Jich me la yal te ch'ul Dios te ma'yuc lot ta yo'tane, ja' te Mach'a yich'oj te llave yu'un te muc' ajwalil Davide, ja' te Mach'a ya sjam te ma'yuc jtuluc ya xju' yu'un smaquele. Te bila ya smaque, ma'yuc jtuluc mach'a ya xju' yu'un sjamel.