San Lucas 1:25 - Bible in Tzeltal de Oxchuc y Tenejapa

²⁵ “Ay bila yac'ojbonix te Cajwaltique. Ya me xlecubix jc'oplal ta stojol te ants-winiquetique”, xi' ta yo'tan.

Nuevo Testamento Tzeltal de Amatenango

²⁵ “Te Kajwaltike ay tut yakꞌojbonix te ora to. Te genteetike makꞌ spꞌajikonix a”, xchi te yoꞌtane.

Bible in Tzeltal Bachajón

²⁵ Hich spasbeyejon te Cajwaltique, ta ora ini la yaq'uix ta ilel te lec yo'tan ta jtojol, la sloq'uesbon te jq'uexlal ta stojol te ants-winiquetique, xchi.

San Lucas 1:25 ပူးပေါင်းရင်းမြစ်များ

Génesis 25:21

Te Rebeca ma x'alaj, ja' yu'un te Isaac la sc'oponbey Dios te yiname. Tsacbot sc'op yu'un te Diose, jich la yic' yal te Rebeca.

2 Samuel 6:23

Ja' yu'un te Mical ma'yuc la yac' yal te jayeb c'aal cuxule.

Isaías 25:8

Te Cajwaltic ya sjin ta sbajt'el q'uinal te lajele. Ya me scusbey loq'uel ya'lel sitic ta spisilic; ya me yac' xch'ay ta jc'axel ta spamal balumilal te bit'il boloben sc'oplal te lum yu'une. Te Cajwaltic ja' yaloj stuquel.

Isaías 4:1

Te bi c'aalil ya cale, jteb xanix winiquetic ya xjilic. Juctul antsetic ya smaj sbaic ta swenta jtul winic, soc jich me ya yalbeyic: —Jo'otic ya jwentain jbatic ta jtuqueltic, soc ya jc'u'ultes jbatic a te bitic ay cu'untique. Pero ja' nax ac'botic quich'tic te abiile, jich me ya awac'otic ta libre yu'un te q'uexlale —xiic me.

San Lucas 1:13

Ja'uc me to, c'opoj te ch'ul abate: —Zacarías, ma me xiwat. Melel la yaiybatix stojol te bit'il la ac'opon te Diose. Te awinam Elisabet ya me x'alaj. In te yale, Juan sbiil ya xc'ot awu'un.

San Lucas 1:24

Patil la yic' yal te yiname, ja' te Elisabete. Jo'eb u ma ba loc' ta sna, yu'un jich la yal ta yo'tan:

Hebreos 11:11

Soc ta swenta xch'uunjel yo'tan te Sarae, te bit'il ma x'alaje ac'bot xan yip sbaq'uetal yu'un yiq'uel te yale, manchuc teme c'axemix yorail te bit'il ya x'alaje. Jich ayin yal, yu'un xch'uunej yo'tan te ya yac' c'otuc ta pasel Dios te bila yalojixe.

Jueces 11:37

Ja'uc me to, ya calbat wocol te yacuc awac'bon xan cheb u, te ya join xan ta beel ta witstiquil te jo'tac ta ach'ixile, melel ma ba nujbinemon a te ya xlajon baele —xi'.

1 Samuel 1:6

Ja' yu'un te Penina, te ja' sjoy ta antsile, bayal la yuts'in soc la slaban. Jich la yac' ta mel-o'tan yu'un, te ma x'ac'ot ta alajel yu'un te Cajwaltique.