San Lucas 1:20 - Bible in Tzeltal de Oxchuc y Tenejapa

²⁰ Te bit'il ma la ach'uun te bila la calbate, jich yu'un ya me xc'atp'ujat ta uma'. Ma xju' xc'opojat ja' to te c'alal ya sta yorail ya xc'ot ta pasel te bila la calixe —xi' te ch'ul abate.

Nuevo Testamento Tzeltal de Amatenango

²⁰ Pero ma la achꞌuun. Jaꞌ yuꞌun ya me xkꞌajtajat ta umaꞌ. Ma xlokꞌ akꞌop jaꞌ to te tut ora ya sta skꞌaalel te tuti kalixe —xchi te chꞌul ángele.

Bible in Tzeltal Bachajón

²⁰ Yo'tic uma' ya xhilat, ma xhu' ya xc'opojatix ha to c'alal ya xc'oht ta pasel bin la jcalbat, como ma ba la ach'uhumbon te jc'op te ya xc'oht ta pasel ta mero yorahil, xchi sc'oblal.

San Lucas 1:20 ပူးပေါင်းရင်းမြစ်များ

2 Reyes 7:19

Te sjoy ta at'el te ajwalil la sjac'bey te sc'op j'alwanej yu'un Dios, jich la yal: —Manchuc me ya sjambey sventanaul te ch'ulchan te Cajwaltique, ma xju' ya xc'ot ta pasel te bi ya awale —xi'. Pero jac'bot yu'un te Eliseo, te ya yil ta sit pero te ma ba ya swe' stuquele.

2 Reyes 7:2

Te yabat te muc' ajwalil te stsacojbey sc'abe, la sjac'bey sc'op te Eliseo: —Manchuc me ya sjambey sventanaul ch'ulchan te Cajwaltique, ma xju' ya xc'ot ta pasel te bi ya awale —xi'. Pero la sjac' te Eliseo: —Ya me awil ta asit, pero ma ba ya awe' —xi'.

Éxodo 4:11

Te Cajwaltic la yalbey: —¿Mach'a la spasbey ye te ants-winiquetique? ¿Ma bal jo'ucon? Ya xju' jc'atp'un ta uma', cojc' soc ma'sit.

Ezequiel 24:27

Te bi ora ya xc'ot ta pasel, ya me xju' ya xc'opojat soc te mach'a colemix tel ta c'abale. Jich me ya xtuunat ta seña ta stojol te lume. Ya me sna'ic te jo'on Ajwalilon —xi'.

Ezequiel 3:26

Soc ya me cac' te ya slap' sba ta yutil awe' te awaq'ue, uma' me ya xjilat. Ma me xju' ya xcomawanat ta stojolic, manchuc me mero tulan yo'tan te lume.

Daniel 10:15

Te c'alal yac ta yalel a, te jo'one la cac' coel jsit ta lum, ni jp'aluc c'op loc' ta que.

Números 20:12

Ja'uc me to, te Cajwaltic la yalbey te Moisés soc Aarón: —Te bit'il ma la xch'uun awo'tan te ya jcoltayate, ni ma la awac'onic ta ich'el ta muc' ta stojol te israeletic, jich ma x'ochex bael soc ta bay q'uinal ya cac'bey te israeletique —xi'.

San Marcos 16:14

Ta slajibal la yac' sba ta ilel ta stojol te buluchtul jnopojeletic te c'alal yacalic ta we'ele. La yalbey ta sitic te ma'yuc bi ya sc'an xch'uun yo'tanique soc te tulan te yo'tanique, melel ma la sc'an xch'uunbeyic sc'op te mach'atic la yiliquix te cha'cuxemixe.

San Marcos 9:19

La yal te Jesuse: —¿Bit'il ayex a ja'ex te jlam alnich'anex te ma'yuc xch'uunjel awo'tanique? ¿Jayeb me xan c'aal te ya joinexe? ¿Jayeb me xan c'aal te ya jts'icbeyex te bit'il ayexe? Ic'bonic tel te quereme —la yut.

San Lucas 1:19

La yal te ch'ul abate: —Jo'on Gabrielon te ayon ta abatinel yu'un te Diose. La sticunon tel ta atojol, yu'un tal calbat awaiy in lec yach'il c'op to.

San Lucas 1:21

Yan te lume yacalic ta smaliyel ta yamac'ul templo te ya xloc' tel te Zacariase. Talel c'axel la sjojc'obey sbaic bi yu'un te jalajem ta yutil te temploe.

San Lucas 1:22

C'alal loc' tel, ma ju' yu'un sc'oponel te lume. Jich la sna'ic stojol te yu'un ay bila ac'bot yil ta sit ta yutil templo. Ja' nax la sc'opon ta swenta seña sc'ab yilic te lume, melel taot ta uma'.

San Lucas 1:45

¡Bin nax me awutsil te la ach'uunbey sc'op te Cajwaltique, te melel ya me xc'ot ta pasel te bila la yalixe! —xi' te Elisabete.

San Lucas 1:64

C'alal laj yo'tan ta sts'ibuyel, jam sti' ta ora. Jajch' ta c'op ta yalel te bit'il jelawen yutsil te Diose.

Romanos 3:3

Ja'uc me to, ay mach'atic ma junuc yo'tanic ta stojol te Diose. ¿Te bit'il ma junuc yo'tanic, tey bal yanaj yo'tan ta stojolic a te Diose?

2 Timoteo 2:13

Teme ma junuc co'tantique, ja'uc me to, jun yo'tan ta jtojoltic stuquel. Melel jamal ya yal sba stuquel te Diose”, te xie.

Tito 1:2

yu'un ya jmaliytic te jcuxlejaltic ta sbajt'el q'uinal. Te Dios te ma spas lote, jich yaloj ta jamal ta xjajch'ibal to tel.

Hebreos 6:18

Jich ay cheb te bila ma xch'ay sc'oplal, te melel ma xju' ya spas lot stuquel te Diose. Jich ay yip co'tantic te jayebotic te la jtatiquix coltayel yu'un te Diose soc te jun co'tantic yacotic ta smaliyel te bila yaloje.

Apocalipsis 3:19

Te jo'one ya jp'ijubtes soc ya jtac'uy spisil te mach'a c'ux ya caiy ta co'tane. Junajuc me awo'tan ta jtojol, sujt'esa me awo'tan.