San Lucas 1:18 - Bible in Tzeltal de Oxchuc y Tenejapa

¹⁸ Te Zacarías la yalbey te ch'ul abate: —¿Bit'il ya jna' stojol in to? Melel mamalonix soc me'elix te quiname —la yut.

Nuevo Testamento Tzeltal de Amatenango

¹⁸ Te Zacariase la sojkꞌobe te chꞌul ángele: —¿Tutꞌil ya jnaꞌbe sluwaril teme jich ya xkꞌot ta pasele? Yuꞌun lom mamalonix y lom meꞌelix euk te kiname —xchi.

Bible in Tzeltal Bachajón

¹⁸ Te Zacarías hich la yalbe te ch'ul a'bat: ¿Bin ut'il ya xhu' ya jna' ini? como mamalonix soc ayix ya'bilal te quihname, xchi.

San Lucas 1:18 ပူးပေါင်းရင်းမြစ်များ

Génesis 15:8

La yal te Abrame: —Cajwal Dios ¿bit'il ya jna' stojol teme jo'on ya jq'uinalin te q'uinale? —xi'.

Génesis 17:17

Te Abraham la stinan sba coel c'alal ta lum ta stojol te Diose. Jajch' ta tse'ej yu'un, jich la yal ta yo'tan: “¿Ban c'an taluc xan snich'an te mach'a mamalixe, te ayix jo'winic (100) ya'wilale? Soc ¿bit'il c'an alajuc te Sara, te lajuneb yo'winic (90) ya'wilale?”, xi' ta yo'tan.

Génesis 18:12

Jich yu'un tse'ej nax la yaiy ta yo'tan te Sarae, jich la yal ta yo'tan: “Te bit'il me'elonix ¿ya to bal caiybey xan yutsilal, melel mamalix uuc te jmamlale?” xi' yu'un.

2 Reyes 7:2

Te yabat te muc' ajwalil te stsacojbey sc'abe, la sjac'bey sc'op te Eliseo: —Manchuc me ya sjambey sventanaul ch'ulchan te Cajwaltique, ma xju' ya xc'ot ta pasel te bi ya awale —xi'. Pero la sjac' te Eliseo: —Ya me awil ta asit, pero ma ba ya awe' —xi'.

Isaías 38:22

Jich yu'un te Ezequías la sjojc'obey te Isaías: —¿Bi señail ya yac'bon jna' stojol te ya xju' xboonix ta templo yu'un te Cajwaltique? —xi'.

San Lucas 1:34

Te María jich la yalbey te ch'ul abate: —¿Bit'il ay a te jich ya awalbone? Melel ma to ayuc jmamlal —xi'.

San Lucas 1:7

Ja'uc me to, ma'yuc yal-snich'anic, yu'un stalel ma x'alaj te Elisabete. Soc me'el-mamalix ta xchebalic.

Romanos 4:19

Jich ma ba pejc'aj xch'uunjel yo'tan te Abrahame, manchuc teme nopol xloq'uix jo'winic (100) ja'wil ya'wilale soc te nopolix ya xway sbaq'uetale, soc te bit'il stalel ma x'alaj te Sarae.