Levítico 9:7 - Bible in Tzeltal de Oxchuc y Tenejapa

⁷ Te Moisés jich la yalbey te Aarón: —Noptsajan bael ta scajtijib ta chiq'uel majt'anil, mila te majt'anil yu'un amul, soc te chambalam ya awac' ta chiq'uel scojt'ol swenta sc'anel perdón yu'un amul soc nix te smulic te israeletique. Ac'a te majt'anil yu'un israeletic swenta sc'anel perdón yu'un te smulique, jich nix te bit'il yaloj mandal te Cajwaltique —xi' te Moisese.

Bible in Tzeltal Bachajón

⁷ Te Moisés la yalbe te Aarón: Nohpojan tal ta scajtajib ta chiq'uel mahtanil, ac'a te milbil mahtanil yu'un mulil soc te scohtol chic'bil mahtanil awu'un, soc pasa te stojel mulil awu'un soc yu'un te pueblo; ha nix hich ac'a te mahtanil yu'un te pueblo, soc pasbeya te stojel smulic, hich te bin ut'il yaloj te Jehová, xchi.

Levítico 9:7 ပူးပေါင်းရင်းမြစ်များ

Levítico 16:11

“Te Aarón ya me yac' te toro swenta milbil majt'anil yu'un mulil, swenta yu'un jich ya sta a te perdón yu'un smul soc te smul te mach'atic ay yu'une.

Levítico 16:24

Tey me ya spoc sba ta ja'. Slapojix sc'u'-spac' a, ya xloc' bael swenta yu'un ya me yac' te majt'anil te scojt'ol ya yich' chiq'uele, soc te ya yac' yu'un te yajwal lume. Jich me ya sta a te perdón yu'un smul soc nix yu'un smulic te yajwal lume.

Levítico 16:6

Ya me yac' te toro swenta milbil majt'anil yu'un smul, swenta yu'un jich ya sta te perdón yu'un smul soc nix te smul te mach'atic ay yu'une.

Levítico 4:3

“Teme ja' te muc'ul sacerdote cu'un te ya sta smule, te jich ya yac'bey sta smul uuc a te yajwal lume, ya me sc'an te ya yac'bon jmajt'anin jo'on te Ajwalilon jcojt' toro te ma'yuc bila boloben ta sbaq'uetal, swenta milbil majt'anil yu'un te mulil c'oem ta pasele.

Levítico 8:34

Te Cajwaltic la yalix mandal te bila chapal yu'un ya yich' pasulayel, swenta sc'anel perdón yu'un te muliletic apasojique, jich ya sc'an pasel te bit'il la yich'ix pasel naxe.

Levítico 9:2

Jich la yalbey te Aarón: —Ic'a tel jcojt' toro yu'un ya yich' aq'uel ta milbil majt'anil yu'un te amulique, soc jcojt' tat chij te ma'yuc bila boloben ta sbaq'uetal, yu'un ya yich' aq'uel swenta majt'anil te scojt'ol ya yich' chiq'uele. Ya me awac'bey ta stojol te Cajwaltique.

Hebreos 5:1

Melel te mach'a ya yich' yat'el ta muc' sacerdoteil, ya stsaot loq'uel ta yolil ants-winiquetic te ya x'ac'bot yich' yat'el, swenta yu'un ya xc'opoj ta stojol Dios yu'un te ants-winiquetique soc te ya yac'bey smajt'an Dios soc te milbil smajt'an Dios swenta xch'ayel te smulique.

Hebreos 5:3

Te bit'il jteb stael yu'un uuc te mulile, jich puersa ya yac'bey milbil smajt'an Dios yu'un uuc te smule, jich nix te bit'il ya yac'bey milbil smajt'an Dios yu'un smulic uuc te lume.

Hebreos 9:7

Yan ta bay te xcha'tsalale, ja' nax stuquel te muc' sacerdote te ya x'och bael jun buelta ta jun ja'wil. In te c'alal ya x'och baele, puersa ya yich' ochel xch'ich'el chambalametic te ya xc'o stsijts'an tey a swenta xch'ayjibal te smule soc xch'ayjibal smul uuc te slumale te ma'yuc ta yo'tanic te bila mulil te la spasique.

1 Samuel 3:14

Ja' yu'un jc'axel caloj te bi ya xc'ot ta swenta te mach'atic ay yu'une. Ma'yuc bi ya xju' ya xlajinbot sc'oplal yu'un, manchuc me ya yac'bon milbil jmajt'an, manchuc me ay yan majt'aniletic ya yac'bon, pero ma xlaj sc'oplal te smulique —xi' te Diose.