Levítico 9:4 - Bible in Tzeltal de Oxchuc y Tenejapa

⁴ soc xan jcojt' wacax soc jcojt' tat chij swenta yu'un ya yich' milel smajt'anin te Cajwaltic swenta te lamal-o'tanile. Ac'a me yich'ic tel soc majt'anil harina, wots'bil me soc aceite, melel ya me xtal ta atojolic yo'tic te Cajwaltique —xi' te Moisese.

Bible in Tzeltal Bachajón

⁴ soc jcoht toro soc jcoht tat tuminchij scuenta milbil mahtanil yu'un lamal q'uinal, te yac amilic ta stojol Jehová, soc ich'ahic tal mahtanil harina wots'bil ta aceite, como ya xchicnaj ta atojolic yo'tic te Jehová, xchi.

Levítico 9:4 ပူးပေါင်းရင်းမြစ်များ

Éxodo 16:10

Te bit'il jajch' ta c'op Aarón ta stojol spisil te israeletique, la yilic bael ta jochol taquin q'uinal. La yilic te xojobil yutsilal Cajwaltic te la yac' chicnajuc ta tocale.

Éxodo 19:11

Jich me chapalic ta lec te cha'weje. Melel te cha'weje, ya me xcoon tel ta sitic te lume ta wits Sinaí, jo'on te Ajwalilone.

Éxodo 24:16

Te xojobil yutsilal te Cajwaltic, tey jul ta sba te wits Sinaí. Waqueb c'aal potsol ta tocal te witse. Ta sjuquebal c'aal c'oponot tel yu'un Cajwaltic te Moisés ta tocal.

Éxodo 29:43

Tey me ya jta jba soc a te israeletique. Ch'ultesbil me cu'un ya xc'ot te bay ya jta jba soque.

Ezequiel 43:2

La quil te yac ta talel ta stojol sloq'uib c'aal te xojobil yutsilal Dios yu'un Israel. Ay bila buen tulan chicnaj sc'op, pajal soc sc'op buen muc'ja' yaiyel, te lume noj ta saquil q'uinal.

Ezequiel 43:27

Juqueb me c'aal jich ya spasic. Ta swaxaquebal c'aal bael ya me xjajch' yaq'uic te majt'anil te chic'bil scojt'ole soc te milbil majt'anil swenta lamal-o'tanile. Jich me ya quiq'uex ta jtojol a, bin nax me co'tan ta atojolic. Jo'on Ajwalilon te jich caloje —xi' te Cajwaltique.

Levítico 2:1

“Teme ay mach'a ya yich'bon tel jmajt'anin harina jo'on te Ajwalilon, ya me sc'an te ja' ya yich' tel harina te mero lec, soc ya me yac'bey aceite soc pom ta sba.

Levítico 3:1

“Teme ay mach'a ya yic' tel xwacax, chican teme stat o sme', swenta yu'un ya yac'bon ta milbil jmajt'an jo'on te Ajwalilon ta swenta lamal-o'tanil, ya me sc'an te ma'yuc bila boloben ta sbaq'uetal te chambalam ya yac'bon jmajt'anine.

Levítico 9:23

Te Moisés soc Aarón ochic bael ta Nailpac' te banti ya yich' c'oponel te Cajwaltique. C'alal loq'uic, la sc'anbeyic bendición ta stojolic te israeletique. Jich te Cajwaltic la yac' sba ta ilel soc muc' xojobil ta stojol te lume:

Levítico 9:3

Te israeletic albeya, ac'a stsaquic tel jcojt' tat tentsun swenta milbil majt'anil yu'un mulil, jcojt' toro soc jcojt' chij, pero ja' me te c'axem ta jun ja'wile, ja'ic me te ma'yuc bila boloben ta sbaq'uetal, swenta yu'un ya me yich' aq'uel ta swenta majt'anil te scojt'ol ya yich' chiq'uel,

Levítico 9:5

Te israeletic la yich'ic bael c'alal ta banti ay te Nailpac' te banti ya yich' c'oponel te Cajwaltic, ja' te bila albot stsobic yu'un Moisés. Ta spisilic la slaman sbaic ta tejc'lej ta stojol te Cajwaltique.

Levítico 9:6

Te Moisés jich la yal: —Ja' te bila yaloj Cajwaltic, pasaic, jich me ya yac' sba ta ilel ta atojolic soc smuc'ul yutsil xojobil —xi'.

Números 14:10

Te c'alal jich yacal ta yalel a, te lum ya c'an xch'ojic ta ton. Jich yu'un te yutsil xojobil te Cajwaltic chicnaj ta sitic ta spisilic te israeletic ta Nailpac' te bay ya yich' c'oponele.

Números 16:19

Te Coré stsoboj spisil te lum ta stojol te Nailpac' ta scontroinel te Moisés soc te Aarón. Te yutsil xojobil te Cajwaltic chicnaj ta stojol spisil te lume.