Levítico 7:9 - Bible in Tzeltal de Oxchuc y Tenejapa

⁹ Soc nix te majt'aniletic harina te yich'oj pasel ta horno, soc spisil te bila pasbil ta sartén soc ta samet, ja' me ya yich' te sacerdote ya sc'ases te majt'anile.

Bible in Tzeltal Bachajón

⁹ Ha nix hich spisil te mahtanil harina te ta'ajtesbil ta horno, soc spisil te bin pasbil ta sartén o ta samet, ha ya yich' te sacerdote te ha nix ya yaq'ue.

Levítico 7:9 ပူးပေါင်းရင်းမြစ်များ

2 Reyes 12:17

Ja' ta yorail a, te Hazael muc' ajwalil yu'un Siria la yac'bey guerra te lum Gat, ju' yu'un stsalel. Patil ba yac'bey guerra te Jerusalén.

Ezequiel 44:29

Ya me xju' ya swe'ic te trigo o cebada ya yac'bonic te israeletique, soc te chambalametic ya yich'ic milel yu'un mulil soc te majt'anil yu'un te falta staojique. Ta spisil te bi ch'ultesbil ya yac'bonic te israeletique, ja' me yu'unic stuquelic.

Levítico 2:10

Ta bay c'alal ya xjil te jmajt'an, te ja' mero ch'ultesbil a te bit'il yantic jmajt'an te ya yich' chiq'uel ta swenta quich'el ta muq'ue, ja' me yu'un stuquel te Aarón soc te patil alnich'anetic yu'une.

Levítico 5:13

Te sacerdote jich me ya stabey perdón ta stojol te mach'a staoj smule, chican te bila mulile, jich me pasbil perdón ya xc'ot a te smule. Te bay c'alal ya xjil te majt'anil harina, ja' me ya yich' te sacerdote, jich te bit'il spisil majt'anil harina.” Jich me ya awal ta stojolic —xi' te Cajwaltique.

Levítico 7:10

Jich me ta spisil te majt'anil harina, manchuc me wots'bil ta aceite, manchuc taquinuc, ja' me ya yich'ic te sts'umbal Aarón, pajal me ya yich'ic puquel.

Levítico 7:8

Ja' nix jich te sacerdote ya smil te majt'anil te scojt'ol ya yich' chiq'uele, ya xju' ya yich'bey te snujc'ulel te chambalame.

Números 18:9

Te milbil majt'aniletic te ma ba ya yich' chiq'uel, tey me ya xloc' awu'un ta spisil te majt'anil harina, soc te milbil majt'aniletic yu'un mulil, soc te majt'aniletic yu'un faltaetic, te ya yac'bonic te israeletique. Spisil te ch'ul majt'aniletic, awu'un me soc te anich'nabe.

1 Corintios 9:13

¿Yu'un bal ma ba ana'ojic te mach'atic ya x'at'ejic ta spasel te yat'el Diose, tey ya xwe'ic a ta bay te temploe? Ja' nix jich te mach'atic ya yat'elinic smilel smajt'an te Diose, ya swe'elinic uuc te ti'bale.

1 Corintios 9:7

¿Ay bal jtuluc soldado te ja' ya stoj stuquel te bila ya xtuun yu'une? ¿Ay bal mach'a ya sts'un ts'usub te ma ba ya stuuntesbey te site? ¿Soc ay bal mach'a ya smac'lin chijetic te ma ba ya xtuun yu'un te sleche?

Gálatas 6:6

Te mach'a ayic ta p'ijubtesel ta swenta te sc'op Diose, ac'a me yac'bey te bila ya xtuun yu'un te jp'ijubteswanej yu'unique.