Levítico 7:7 - Bible in Tzeltal de Oxchuc y Tenejapa

⁷ “Te majt'anil yu'un te mach'a ay sfalta scaj te la yu'unin te bila ma yu'unuque, pajal nix soc te majt'anil yu'un te mach'a ya sta smule, pajal me ya yich' pasel ta xchebal: te majt'anile ja' me yu'un te sacerdote ya x'at'ej ta sc'anel te perdone.

Bible in Tzeltal Bachajón

⁷ Te bin ut'il ay te milbil mahtanil yu'un mulil, hich nix ay te milbil mahtanil yu'un stahel falta, junax mandaril ta schebal. Ha ya xc'oht ta scuenta te sacerdote te ya spas te stojel mulil.

Levítico 7:7 ပူးပေါင်းရင်းမြစ်များ

1 Corintios 9:13

¿Yu'un bal ma ba ana'ojic te mach'atic ya x'at'ejic ta spasel te yat'el Diose, tey ya xwe'ic a ta bay te temploe? Ja' nix jich te mach'atic ya yat'elinic smilel smajt'an te Diose, ya swe'elinic uuc te ti'bale.

Levítico 14:13

Ya me smil te chij ta ch'ul awilal te banti ya yich' bojel snuq'uic te chambalametic, te ya yich'ic aq'uel swenta milbil majt'aniletic yu'un mulil, soc te ya yich' aq'uel swenta majt'anil te scojt'ol ya yich' chiq'uele. Te milbil majt'anil yu'un te falta staoje, ja' me yu'un te sacerdote pajal soc te milbil majt'anil yu'un mulile, melel mero ch'ultesbil.

1 Corintios 10:18

Na'aic me te bit'il ay te lum Israele: Te mach'atic ya sti'beyic te milbil smajt'an te cuxul Diose, jun nax ya xc'otic soc a te xchic'jibal majt'anile.

Levítico 6:17

Ma me xju' ya yich' payel soc levadura. Ja'ic cac'ojbeyic yu'un ya xc'ot ta swentaic te bay c'alal ya xjil te chic'bil majt'anil cu'un te bila mero ch'ultesbile. Ja' nix jich te bit'il milbil majt'anil yu'un te mach'a ya sta smule, soc milbil majt'anil yu'un te mach'a ya yaiy lo'laywanej.

Levítico 7:8

Ja' nix jich te sacerdote ya smil te majt'anil te scojt'ol ya yich' chiq'uele, ya xju' ya yich'bey te snujc'ulel te chambalame.

2 Reyes 12:16

Te taq'uin swenta smajt'an Dios ya yaq'uic te mach'atic ya xjelawic ta stojol Dios soc te mach'atic ya sta smulique, ma ba la yich'ic bael ta templo stuquel, melel ja' yu'unic te sacerdoteetique.

Levítico 2:3

Te bay c'alal ya xjil xan te jmajt'ane, te ja' mero ch'ultesbil te c'axem jich a te bit'il yantic jmajt'an te ya yich' chiq'uel ta swenta quich'el ta muc' jo'on, ja' me yu'un stuquel te Aarón soc te patil alnich'anetic yu'une.

Levítico 2:10

Ta bay c'alal ya xjil te jmajt'an, te ja' mero ch'ultesbil a te bit'il yantic jmajt'an te ya yich' chiq'uel ta swenta quich'el ta muq'ue, ja' me yu'un stuquel te Aarón soc te patil alnich'anetic yu'une.

Números 5:8

Teme lajemix a te mach'a la yich' il-o'tantayel, soc teme ma'yuc mach'a mero jun nax sme'-stat soc te ya yich' te sjelole, ja' me ya xc'ot ta swenta te Cajwaltic te ya xtuun yu'un te sacerdote. Ja' ya sjoin sba soc te tat chij te ya yac' ta stojol Dios te sacerdote ta swenta stael perdón yu'un smul te mach'a la sta smule.

2 Reyes 12:17

Ja' ta yorail a, te Hazael muc' ajwalil yu'un Siria la yac'bey guerra te lum Gat, ju' yu'un stsalel. Patil ba yac'bey guerra te Jerusalén.