Levítico 26:6 - Bible in Tzeltal de Oxchuc y Tenejapa

⁶ Ya me cac' lamajuc q'uinal ta atojolic ta alum-aq'uinalic, soc jun me awo'tanic ya xwayex, ma me ayuc mach'a ya xiwtesex, ya me cac' loc'uc ta aq'uinalic te jti'awal ja'mal chambalametic, soc ma me ayuc guerraetic ya xtal ta atojolic.

Bible in Tzeltal Bachajón

⁶ Ya cac' lamal q'uinal, soc mayuc mach'a ya xiwtesex c'alal wayalex a; ya cac' loc'uc ta aq'uinalic te chopol chambahlametic, soc ma xc'ax ta aq'uinalic te espadahe.

Levítico 26:6 ပူးပေါင်းရင်းမြစ်များ

Isaías 35:9

Tey ma'yuquix león-chojetic; ma xnoptsajiquix jti'awal chambalametic tey a. Ja' me be to, tey me ya sujt'ic tel a te mach'atic ac'bilic ta libre,

Sofonías 3:13

Te mach'atic cuxulic xan ta lum Israel ma'yuquix bila ma lecuc ya spasic, ma ba ya yalic lot, ma ba ya snojes lo'laywanej ta yeic. Ya me xju' ya xwe'iquix soc ya me xcux yo'tanic, ma me ayuc xiwel ta stojolic —xi' te Cajwaltique.

Salmos 147:14

Ja' ya yac' te lamaluc q'uinal ta spamal alumal; ja' ya yac'bat xnoj lec ach'ujt' yu'un te lequil trigo.

Jeremías 30:10

“Jo'on, Ajwalilon, jich ya cal: Ma me xiwat, lum Jacob, abatat cu'un; ma me xnijc' awo'tan, Israel. Melel te ja'ate soc te anich'nab ya me jcoltayex tel ta lum te c'ubul ay ta bay ic'bilex baele. Lamal me q'uinal ya xtal cuxinuquex, jun nax me awo'tanic, ma me ayuc mach'a ya xiwtesex.

Hageo 2:9

Ja' xchebal templo in to, c'axem me jich st'ujbilal te bit'il yan sbabial templo. Ya me cac' lamajuc q'uinal li' in to. Jo'on te Ajwalilon te Spisil ya xju' cu'une ya cal ta jamal —xi' te Cajwaltique.

Oseas 2:18

“Te c'alal ya sta yorail ya me jpas trato soc te ja'mal chambalametique, te ja'mal mutetic soc te chanetic, ta swenta xc'uxtayel te lum Israel. Ya me jloq'ues ta yolil lum te t'im, te puñal soc spisil guerra, swenta yu'un jun nax me yo'tan ya xcux yo'tan te lum cu'une.

Ezequiel 34:25

Ya me jpas trato soc te chijetic cu'une, swenta yu'un chapal me ya xjilic cu'un soc jun yo'tan ya xcuxinic. Ya me cac' ch'ayuc ta lumq'uinal te jti'awal chambalametique, swenta yu'un jich me jun yo'tan ya x'ainic a te chijetic cu'une. Ya me xju' ya xbajt'ic ta beel ta sjamalul q'uinal, soc asta ya xju' ya xwayic ta ye'tal ja'mal.

Salmos 29:11

Te Cajwaltic ya yac'bey yip te lum yu'une; te Cajwaltic ya yac'bey bendición ta swenta lamal q'uinal te lum yu'une.

Ezequiel 14:15

“Teme ya jticun jti'awal chambalametic ta lumq'uinal, te yu'un ya smilbey te yajwal soc ya sc'atp'un ta jochol taquin q'uinale te banti ma'yuc mach'a ya sc'an ya xc'ax ta scaj xi'el te jti'awal chambalametique,

Job 11:19

Ma me ayuc bila ya xiwtesat te c'alal ya acux awo'tane. Ay tsobol mach'atic ya xtal sc'anic c'uxtayel awu'un.

Éxodo 23:29

Ma me ta junuc nax ja'wil ya xjojch'aj te q'uinale, swenta yu'un ma me xbolob, soc jich ma xc'atp'uj ta ja'mal, soc ma x'esmaj te xchamsbalamul te ya yuts'inex ta patile.

San Juan 14:27

“Ya cac'beyex jilel lamal q'uinal. Ja' ya cac'beyex jilel te lamal q'uinal cu'une. Ma pajaluc soc te bit'il ya yac' te balumilale. Ma me xawac' woclajuc awo'tanic soc ma me xiw awo'tanic.

Zacarías 9:10

Ja' me ya slajinbey te carretaetic yu'un guerra ta Efraín; ja' me ya slajinbey te caballoetic ta Jerusalén; soc ya me slajin te t'imalte'etic yu'un guerra. Ya me yac' lamajuc q'uinal ta stojol nacionetic. Ya me x'och ta muc' ajwalil ta jejch' sti'il mar c'alal ta sti'il yan mar, ta muc'ja' Éufrates c'alal ta mero sti'il te balumilale.

Miqueas 4:4

Ma me ayuquix xiwel ya yaiyic ta spisilic; juju-jtul ya me xju' xcux yo'tanic ta yaxinal sts'usub soc ta yaxinal higuera yu'un. Ja' me sc'op stuquel te Cajwaltic te Spisil ya xju' yu'une.

Ezequiel 14:17

“Teme ya cac' taluc guerra ta stojol te lumq'uinale, teme ya cal mandal te ya xlajic ants-winiquetic soc te chambalametique,

Ezequiel 5:17

Jc'axel me ya cac' tel wi'nal ta atojolic, chamel soc lajel, soc jti'awal chambalametic te ya slajinbeyex awal-anich'nabique. Ya me cac' te bayal ya xlajex ta guerra. Jo'on Ajwalilon te jich caloje —xi'.

Salmos 85:8

Ya me caiytic te bi ya yal te Cajwaltique; melel ya me yalbey sc'oplal lamal q'uinal ta stojol te lum yu'une, ja' me te mach'a jun yo'tanic ta stojol, swenta yu'un ma ba ya xcha'pasic xan bitic swenta jowejel.

Salmos 4:8

Te jo'one jun nax co'tan ya jmejts'an jba, soc ya xwayon, melel te ja'at Cajwal ya awac'bon smuc'ul co'tan te cuxulon ta q'uinale.

1 Crónicas 22:9

Ay me anich'an te lamal-o'tan winic stuquel. Bayuc ay ta spisil te scontroe ya me cac' te ya xlamaj yo'tanic ta stojol. Ja' swentail te Salomón sbiil ya xc'ote. Te jayeb c'aal ya xcuxin ta q'uinal, ya me cac' te lamal q'uinal yu'une.

2 Reyes 2:24

Te Eliseo la sut sba ta stojolic, la yil bael: —Yo'tic ya me yac'bat castigo te Cajwaltique —la yut. Ora loc' tel ta ja'mal cha'cojt' osoetic, milotic yu'un cheb yoxwinic (42) ta jtul queremetic.

Romanos 5:1

Ta swenta te xch'uunjel co'tantique, libre c'oemotiquix yu'un te jmultique. Jich me junajemix co'tantic soc te Diose, ta swenta nax te Cajwaltic Jesucristoe.

Hechos 12:6

Te Herodes pajel xanix te ya yic' loq'uel ta chucjibal a te Pedroe, swenta yu'un ya stejc'an ta comonsitil ta stojol te lume. Ja'uc me to, ta ajc'ubal wayal ta chucjibal te Pedroe, lapal ta olilal yu'un cheb soldadoetic, soc chucul ta cha'lijc' cadena. Te yan soldadoetique scanantayejic te ti'chucjibale.

Ezequiel 14:21

“Jo'on Ajwalilon, jich ya cal: Ja' me c'ax tulan xan wocol a, teme la jticun bael ta stojol Jerusalén te chaneb castigoetic cu'une, te mero xiweltic sbae: ja'ic te guerra, te wi'nal, te jti'awal chambalametic soc te chamele, te ya jmil ants-winiquetic soc te chambalametique.

Jeremías 31:26

Jich ora wijc' jsit, soc la quil te q'uinale. Te jwayele bujts'an nax la caiy.

Isaías 45:7

Jo'on ya jchicnantes te saquil q'uinal soc te ijc' q'uinale; ya cac' utsubuc te q'uinale, ya cac' taluc te woclajele. Jo'on Ajwalilon ya jpas ta spisil.

Isaías 9:7

Ya me xjalaj ta bay smuc'ul nactijib David, ya me xpujc' bael yu'el yat'el ta ajwalil ta bayuc; te lamal q'uinal ma me xlaj sc'oplal. Te yat'el ta ajwalil buen nacal me ya xjil ta jyalel; te yiptajibe ja' me te toj-o'tanil soc te bit'il toj ya xwentainwan c'alal ora yo'tic soc ta sbajt'el q'uinal. Ja' ya spas soc yutsil xc'uxul yo'tan te Cajwaltic te Spisil ya xju' yu'une.

Salmos 3:5

Ya jmejts'an jba, ya xwayon, soc ya xcha'wijc' xan jsit, melel ja' ipajemon a te Cajwale.

Proverbios 6:22

ya me stojtesat te c'alal yacat ta beele, ya me scanantayat te c'alal wayalate, ya me xc'opojat soc te c'alal ya xjajch'at ta wayele.

Proverbios 3:24

Te bi ora ya acux awo'tane, ma ba ya xiwat; jun me awo'tan ya xwayat.

Job 5:23

Te tonetic ta aq'uinal ma ba ya smacat, lec me yo'tanic ta atojol te jti'awal chambalametique.

Levítico 26:22

Ya me jticunbeyex ta atojolic jti'awal ja'mal chambalametic te ya slajinbeyex spisil awal-anich'nabic. Ya me smilbeyex te chambalametic awu'unic, soc ya me spejc'anbeyex awajtalulic, asta ma'yuquix mach'a ya xbeenix ta beetic.

Levítico 26:7

Te ja'exe ya me awac' loc'uc ta anel te acontroique, soc ya me alajinic ta puñal.

Levítico 26:25

Ya me cac' taluc ta atojolic puñal, swenta yu'un ja' me spacol te trato cu'une. Te ja'ex ya me xba ale awanjibic ta lumetic awu'unic, pero jo'on me ya jticunbeyex ta atojolic chameletic, soc ya me x'ochex ta sc'ab te acontroique.

Levítico 25:18

Ch'uunaic spasel te mandaliletic cu'un, jich me xapasic te bit'il chapal cu'une. O'tantayaic me spasel, jich me bin nax awo'tanic ya x'ainex ta lumq'uinal;

Levítico 25:19

te lumq'uinal ay me bitic ya yac' sit tey a, te ja'ex bin nax me awo'tanic ya x'ainex tey a, ya me awe'ic te bitic ya xloq'ue, buen me ya xnoj ach'ujt'ic yu'un.

2 Crónicas 20:30

Jich jun yo'tan mandalaj ta ajwalil te Josafat, melel te Diose la yac' lamajuc q'uinal yaiy soc te nacionetic te jun smojón soque.

Salmos 144:14

Te wacaxetic cu'untic ay yal ya xjilic; ma'yuc bay jich nax ya xc'ax yalic te ma to sta yuile. Ma'yuc mach'a ya x'awun yu'un xiwel ta guerra ta calleetic cu'untic.

Isaías 35:8

Soc ay me pamanbil be tey a, “Ch'ul be”, xi' me te sbiile. Te mach'atic ma ba pocbil yo'tanique, ma xju' ya xc'axic tey a; te mach'atic bol yo'tanique, ma xbeenic tey a.

Ezequiel 34:27

Te te'etic ta lumq'uinal ya me yac' sitic; te bila ya yich' ts'unel ta lume, ya me yich' tulel sit. Bin nax me yo'tanic ya xnainic ta mero sq'uinalic nix. Te c'alal ya jcoltaybey loq'uel ta sc'abic te mach'atic smozoinejic te lum cu'une, jich me ya sna'ic te jo'on Ajwalilon.

Oseas 2:20

Ya me quic' quinaminat, soc jun nax me co'tan ta atojol; jich yu'un te ja'ate ya me ana'bon jba te jo'on Awajwalone.