Levítico 22:9 - Bible in Tzeltal de Oxchuc y Tenejapa

⁹ “Albeya, ac'a xch'uunic spasel te bila caloj, melel ja' me xcuchoj smul ya xc'otic yu'un teme ma ba ya xch'uunbonic, soc jich me ma ba ya xlajic teme ya xch'uunique. Jo'on Ajwalilon te ch'ultesbilic cu'une.

Bible in Tzeltal Bachajón

⁹ Ya me sch'uhumbonic spasel te bintic caloj ta mandar scuenta yu'un ma ba ya scuch smul a, yu'un hich ma ba ya xchamic yu'un te la sbohlobtesbe sc'oblale. Ho'on, Jehovahon, te ya jch'ultes.

Levítico 22:9 ပူးပေါင်းရင်းမြစ်များ

Éxodo 28:43

Jich yu'un te Aarón soc te snich'nab ya me slapic bael ta Nailpac' te bay ya quich' c'oponele, o ja' te c'alal ya xnoptsajic tel ta bay scajtijib ta chiq'uel te jmajt'ane, soc te c'alal ay at'el ta ch'ul awilal swenta yu'un ma me staic falta, teme repente ya xlajic yu'un. Ja' me jmandal ta sbajt'el q'uinal ta stojolic soc te sts'umbale.

Levítico 16:13

Ya me yac' ochel te pom ta sba ac'al ta jtojol jo'on te Ajwalilone, te xch'ailel pom ya me spots te yawil perdón ay ta sba te scajail trato. Jich me ma xlaj a te Aarón.

Levítico 16:2

Jich la yalbey te Moisese: —Albeya te abanquil Aarón, te ma me biluc nax ora ya x'och bael ta yutil ch'ul awilal ta spat te pac' t'imile, soc ma me xnoptsaj bael ta banti te yawil perdón te ay ta sba te caja, swenta yu'un jich ma xlaj a. Melel ya me xchicnajon ta ilel ta sba tocal.

Levítico 18:30

Ja' yu'un, pasaic me te bila mandalil caloje, ma me xapajbeyic stalelic te la spasic te bitic mero ilaybil sba la spasic te mach'atic nainic tey a, soc ma me xapasic te bila boloben ac'oplal ya xc'oex yu'une. Jo'on Ajwalilon te Dioson awu'unique.” Jich me ya xc'o awal ta stojolic —xi' te Cajwaltique.

Levítico 22:16

Te mach'a ya swe' te bitic ch'ultesbil, ay smul ya xc'ot. Jo'on Ajwalilon te la jch'ultese —xi' te Cajwaltique.

Números 18:22

Te yantic israeletic ma me xju' ya xnoptsajic ta Nailpac' te bay ya quich' c'oponele, swenta yu'un jich me ma sta smulic soc jich me ma xlajic.

Números 18:32

Teme loq'uemix awu'unic a ta bay mero lec te cu'une, te jich yipal ya xjil, ja' me awe'eliquix abi, jich ma ba ya ata amulic a. Jich lec sc'oplal ya xc'ot te ch'ul majt'anil ya yaq'uic te israeletic, soc jich ma ba ya awil awocolic ta milel’, xi' te Diose”, uta me —xi' te Cajwaltique.

San Mateo 23:17

¡Bolex, ma'sitex! ¿Bila a te muc' sc'oplal? ¿Ja' bal te oro, o ja' te templo te ya xch'ultes te oroe?

Deuteronomio 11:1

“C'uxuc me ta awo'tanic te Cajwaltic te Dios cu'untique, ch'uunbeyaic spasel te bila ya yale, soc spisil ta jchajp te mandaliletic soc te bitic chapal yu'une.