Levítico 22:4 - Bible in Tzeltal de Oxchuc y Tenejapa

⁴ “Te patil alnich'anetic yu'un Aarón ma me xju' ya swe'ic te bila ch'ultesbil teme ay ta c'a'el-chamel, soc teme ay bila ya xmal loq'uel ta sjol sbaq'uetale. Ja' to teme la yich'ix lecubtesel sc'oplale, ja' to me ya xju' ya swe' a. “Te mach'a ya spic te bila ma lecuc sc'oplal ta scaj te animae, teme ya spic te mach'a ay bila mal loq'uel ta sjol sbaq'uetal,

Bible in Tzeltal Bachajón

⁴ Mach'ayuc winiquil te sts'umbal Aarón te yich'oj c'a'el-chamel o ay bin ya xmal loq'uel ta sbaq'uetal, ma me swe' te bin ch'ultesbil ha to c'alal lecubenix a. Te mach'a ya spic te bin chamen, o te winic te mahlem loq'uel snich'an,

Levítico 22:4 ပူးပေါင်းရင်းမြစ်များ

Levítico 11:39

“Teme ay ya xlaj chambalametic awu'unic te lec ta ti'ele, teme ay mach'a ya spicbey te sbaq'uetale, ma me lecuc sc'oplal ya xjil c'alal ta yijc'ubel q'uinal.

Levítico 15:17

“Teme ay ya xmal ta c'u'il o nujc'ul te ya'lel sbaq'uetal te winique, ya me yich' poquel ta ja', soc ma ba lec sc'oplal ya xjil c'alal yijc'ubel q'uinal.

Levítico 2:10

Ta bay c'alal ya xjil te jmajt'an, te ja' mero ch'ultesbil a te bit'il yantic jmajt'an te ya yich' chiq'uel ta swenta quich'el ta muq'ue, ja' me yu'un stuquel te Aarón soc te patil alnich'anetic yu'une.

Levítico 2:3

Te bay c'alal ya xjil xan te jmajt'ane, te ja' mero ch'ultesbil te c'axem jich a te bit'il yantic jmajt'an te ya yich' chiq'uel ta swenta quich'el ta muc' jo'on, ja' me yu'un stuquel te Aarón soc te patil alnich'anetic yu'une.

Levítico 21:1

Te Cajwaltic jich la yalbey te Moisés: —Albeya te sacerdoteetic te patil alnich'anetic yu'un Aarón, te ma me xyac' te ma ba lec sc'oplal ya xc'otic ta scaj spiquel te anima spat-xujq'ue.

Levítico 21:22

Ya xju' ya swe' te waj cu'une, pajal sc'oplal te ch'ultesbil, soc te mero ch'ultesbile,

Hageo 2:13

Jich la yal xan sc'op Cajwaltic ta stojol Hageo: —Teme ay mach'a boloben sc'oplal ta scaj spiquel te mach'a lajeme, teme ya xba spic te we'eliletique, ¿ma bal bolobenuc sc'oplal ya xjil yu'un jiche? —xi'. —Boloben ya xjil yu'un —xiic te sacerdoteetique.

Números 18:19

Spisil te spatanic te israeletic te ya sloq'uesbonic ta jwenta, ja' ya cac'bat te ja'at soc te anich'nab queremetic ach'ixetic te nainemat soque. Ja' me mandalil cu'un sbajt'el q'uinal. Ja' trato te ma xyanaj sc'oplal sbajt'el q'uinal, te ya cac' ta atojol ja'at soc te ats'umbale —xi' te Cajwaltique.

Números 18:9

Te milbil majt'aniletic te ma ba ya yich' chiq'uel, tey me ya xloc' awu'un ta spisil te majt'anil harina, soc te milbil majt'aniletic yu'un mulil, soc te majt'aniletic yu'un faltaetic, te ya yac'bonic te israeletique. Spisil te ch'ul majt'aniletic, awu'un me soc te anich'nabe.

Números 19:20

Teme ay mach'a ma lecuc sc'oplal te ma ba slecubtesej sba, ya me yich' ch'ayel loq'uel ta yolil lum, melel ya sboltesbey sc'oplal te ch'ul awilal yu'un te Cajwaltique. Te bit'il ma ba tsijts'anbil ta ja' swenta lecubtesel, ja' swentail te ma lecuc sc'oplale.