Levítico 17:7 - Bible in Tzeltal de Oxchuc y Tenejapa

⁷ Tey ma'yuquix bi ora ya yac'beyic milbil smajt'an a te pucujetique, ja' te la xch'uunic ta neelal to soc ja' ta scaj te bolobenique. Ja' jmandal in to ma'yuc bi ora ya xlaj sc'oplal awu'unic, te ya me sc'an ya yich' ch'uunel yu'un tatiletic soc nich'aniletic ta cajalcaj bael.

Bible in Tzeltal Bachajón

⁷ Ma ba ya ya'beyiquix xan milbil smahtan te pucujetic te la yac' sbahic ta antsinel yu'un c'ohem. Ha mandaril ini te ma xlaj sc'oblal ta spisil sts'umbalic, xchihan me.

Levítico 17:7 ပူးပေါင်းရင်းမြစ်များ

2 Crónicas 11:15

Te Jeroboam sleojix sacerdoteetic yu'un stuquel te ya x'at'ejic ta toyol ch'uunjibaletic, ja' tey ya yich' ch'uunel a te pucujetic soc te sloc'omba alal toroetic te spasoje.

Salmos 106:37

Melel la yac'beyic smajt'anin te snich'nabic, ja' te alal queremetic ach'ixetic; la yaq'uic ta lajel ta stojol te pucujetique.

Salmos 106:39

la sboltes sbaic melel mulwej la spasic a ta spisil te yat'elique.

Éxodo 22:19

“Te mach'a ya sta sba soc chambalam, jc'axel me ya yich' chajbanel sc'oplal ta milel.

Éxodo 22:20

“Te mach'a ya yac'bey milbil smajt'an lotil dios, teme ma ja'uc ya yac'bey stuquel te Cajwaltique, jc'axel me ya yich' chajbanel sc'oplal ta milel.

Éxodo 27:21

Te Aarón soc te snich'nab ja' me ya swentainic xchajbanel te c'ajq'uetique. Ya me stilesic sjunal ajc'ubal ta jtojol jo'on te Ajwalilon, ta Nailpac' te bay ya quich' c'oponele. Ja' me ta spat te pac' smacoj scajonil te tratoe. Ja' jmandal ta sbajt'el q'uinal ta stojol te israeletic soc te sts'umbalique.

Éxodo 32:8

Ora nax la yijq'uitayic jilel te be c'oem te la calbey mandal te ya st'unique. La spasbeyic sloc'ombail jcojt' alal toro ta oro ultesbil ta c'ajc'. Yacaliquix ta xch'uunel soc la yac'beyiquix smajt'an. Jich yacalic ta yalel: “¡Jlumal, ilawil, ja' dios cu'untic te la sloq'uesotic tel ta Egipto!” xiic me —la yut.

Éxodo 34:15

“Ma me xapasic trato soc te mach'atic nainemic ta bay te q'uinal, melel te c'alal ya spejc'an sbaic ta xch'uunel te diosetic yu'unic, soc te c'alal ya yac'beyic milbil smajt'anic, repente ya yiq'uex ta spasel, jich ya ati'beyic smajt'an te ya yac'beyique.

Jeremías 3:1

Te Cajwaltic jich ya yal: —Teme ya sujt'es yinam te winique: te ants teme ya xba yic' sba soc yan winic, jich ma spas te ya x'ic'ot xan yu'un te sbabial winique. Melel teme jich ya spase, mero chujc'ul sc'oplal ya xc'ot ta spamal q'uinal. Ja'uc me to, jich c'oemat ja'at Israel. La apas mulwej soc bayal winiquetic, ¿ya to bal ac'an sujt'at tel ta jtojol? Jo'on Ajwalilon, jich ya cal.

Ezequiel 23:3

C'alal jch'ielic to a, la yac' sbaic ta jmulawil ants. Ta Egipto la yac' ta piquel xchu'ic, ch'ay te yach'ixalique.

Ezequiel 23:8

Te c'alal ay ta Egipto ta neelal toe, tey och ta jmulawil ants a, ma ba la yijq'uitayix spasel. Te c'alal ach'ix to a tsobol mach'atic way soc, jich la slajinbeyic yach'ixal, och ta antsinel yu'unic ta jc'axel.

Levítico 17:8

“Soc mach'auc israelil, o jyanlumil te nainemic ta awolilic, te ya yaq'uic majt'anil te scojt'ol ya yich' chiq'uele, o yan milbil majt'anile,

Levítico 20:5

jo'on me ya jcontroin, soc te mach'atic ay yu'un, ya me jloq'ues ta yolil slumal soc te mach'atic pajal bolob soque, te pajal bajt'ic ta stojol Moloc.

Levítico 3:17

“Ja' in mandalil to, ma me ayuc bi ora ya xlaj sc'oplal, melel ya me sc'an te ya yaiyic te me'il-tatiletic, soc ya me yalbeyic uuc te yal-snich'nabique. Ta bayuc nainemex, ma me ayuc bi ora te ya alo'beyic te xepuil chambalam soc ma me xalo'beyic te xch'ich'ele.” Jich me ya awal ta stojolic —xi' te Cajwaltique.

San Juan 12:31

Melel la staix yorail te ya x'ich'bot sc'op yu'un smulic te mach'atic ayic ta balumilale. Soc la staix yorail te ya xch'ojotix loq'uel uuc te ajwalil yu'un te balumilale.

San Juan 14:30

“Ma spasix te bayal bi ya calbeyex xane, melel jtalelix te ajwalil yu'un in balumilal to. Ma'yuc bi xju' yu'un te ya spasbon ta jtojole.

1 Corintios 10:20

Jamal ya calbeyex awaiyic: C'alal ya yac'beyic smajt'an te loc'ombaetic te jyanlumetique, ja' ya smajt'antesic a te pucujetique, ma ja'uc te Diose. Ja' ma jc'an te jun ya xc'oex soc te pucujetique.

2 Corintios 4:4

Melel te dios yu'un in balumilal to, sc'atp'unej ta ma'sit te mach'atic ma ba xch'uunejic te Diose. Jich ma xju' ya sna'ic stojol xujt'uc. Swenta yu'un jich ma xyilbeyic xojobil yutsilal te lec yach'il c'op yu'un te Cristoe, melel te Cristoe pajal yilel soc te Diose.

Efesios 2:2

Melel c'aemex ta mulil ta neelal to. Ja' la anopic te bila ay ta pasel ta swenta nax in balumilal to, soc ja' la apasbeyic sc'anjel yo'tan te pucuje te yich'oj yat'el ta sjamalul q'uinal soc te yac ta at'el ta yo'tanic te jc'axintayej-mandaletique.

Deuteronomio 31:16

Te Cajwaltic jich la yalbey te Moisés: —Nopolix ya xlajat. Te lum in to ya me xc'ax bolob ta jc'axel ta swenta te xch'uunel diosetic yu'un te yantic lumq'uinaletic te ya xba yich'e. Jich me ya xch'ayon ta yo'tanic, ya me sjinic te trato jpasoj soque.

Deuteronomio 32:17

La yac'beyic milbil smajt'an pucujetic, lotil diosetic te ma'yuc bi ora sna'ojbeyic sba, yach'il lotil diosetic, lotil diosetic te c'oelic to, ni la xch'uunic te sme'-statique.

Apocalipsis 9:20

Ja'uc me to, te jayeb xan mach'atic ma ba lajic yu'un te miljibaletique, ma la sujt'es yo'tanic yu'un te bila spasoj ta sc'abique. Ma la yijq'uitayic ta ch'uunel te pucujetic soc loc'ombaetic te pasbilic ta oro soc ta plata soc ta bronce soc ta ton soc ta te', te ma xyilic q'uinal soc te ma xyaiyic stojol c'op soc te ma xju' ya xbeenique.