Levítico 17:4 - Bible in Tzeltal de Oxchuc y Tenejapa

⁴ Teme ma ba ya yich'bon tel ta yochibal Nailpac' te banti ya quich' c'oponele, jo'on te Ajwalilon, swenta jmajt'an ta ch'ul awilal cu'une, ya me sta smul ta swenta bit'il la smal ch'ich'. Ja' yu'un ya me yich' loq'uesel ta yolil te slumale.

Bible in Tzeltal Bachajón

⁴ teme ma ba ya yic' tal ta yochibal te Nahilpac' Templo yu'un tahojibal scuenta ya'beyel smahtan Jehová ta stojol te nahilpac' yu'un Jehová, la sta smul te winic yu'un te la smal ch'ich'. Ya me yich' loq'uesel ta yohlil te slumal,

Levítico 17:4 ပူးပေါင်းရင်းမြစ်များ

Génesis 17:14

Yan te mach'a ma xyich' circuncisión, ya me yich' loq'uesel ta stojol alumal, yu'un ya xc'axintaybon te trato cu'une —xi'.

Salmos 32:2

Bin nax yutsil te mach'a ma'yuc lo'laywanej ta yo'tan, soc te ma'yuc falta ya x'ac'bot scuch yu'un te Cajwaltique.

Éxodo 12:15

Juqueb me c'aal ya awe'ic waj te ma ba yich'oj levadura. Ja' to me ta sba c'aalil bael, ma me ayuc mach'a ay levadura ta sna. Mach'auc me a te ya swe' waj te yich'oj levadura ta sjuquebal c'aal, jc'axel me ya yich' loq'uesel ta atojolic.

Éxodo 12:19

Ma me ayuc mach'a ay levadura ta sna ta sba c'aalil ja' to c'alal ta sjuquebal c'aal. Mach'auc me a te ya swe' waj te yich'oj levadura, ya me yich' loq'uesel ta atojolic, manchuc me yan lum talem, o teme ja' nix yajwal te lume.

Éxodo 30:33

Teme ay mach'a ya xchajban aceite te pajal soque, soc teme mach'auc nax ya smalbey ta sjole, jc'axel me ya yich' loq'uesel ta yolil te lume —xi' te Cajwaltique.

Éxodo 30:38

Te mach'a ya xchajban yan pom te pajal soc te ya sc'an smulanbey te sbujts'e, jc'axel me ya yich' loq'uesel ta yolil te lume —xi' te Cajwaltique.

Isaías 66:3

Ja'uc me to, ay mach'atic ya smilbonic jcojt' wacax, soc ya smilic jtul winic; ya sbojbeyic snuc' jcojt' me' chij soc ya sts'otbeyic snuc' jcojt' ts'i'; ya yac'bonic trigo soc xan xch'ich'el chitam; ya xchic'bonic pom, soc ya xch'uunic loc'omba. Te mach'atic ya stsaic ta pasel te bila ilaybile, toyol yo'tan yu'un ta spisil.

Ezequiel 20:40

Ta spisil Israel ya me xch'uunonic ta ch'ul wits cu'un, tey ta toyol wits yu'un Israel te ay ta lumq'uinal cu'une. Jo'on Ajwalilon, te jich caloje. Bin nax me co'tan ya quiq'uex ta jtojol a. Tey me ya jc'anbeyex a te majt'aniletic awu'unique, soc ya me jc'anbeyex te ya awich'bonic tel te sba sit bila ya xloc' awu'unique, soc ta spisil te bitic ch'ultesbil awu'unic, yu'un jo'on cu'un.

Levítico 1:3

“Teme wacax te chambalam ya yac'bon ta jmajt'an te scojt'ol ya yich' chiq'uele, ya me sc'an te ja' te toro te ma'yuc bila boloben ta sbaq'uetal. Swenta yu'un ya stsacbot a te majt'anil, ya me sc'an ya yac'bon ta jtojol jo'on te Ajwalilon ta stojol te yochibal Nailpac' te banti ya quich' c'oponele.

Levítico 17:10

“Jo'on me ya cac'bey smulin mach'auc israelil o jyanlumil te ay ta awolilic, teme ya slo' ch'ich', chican bila ya yut ya slo', ya me jloq'ues ta yolil te yajwal lume.

Levítico 17:14

melel ta ch'ich' cuxul te bitic cuxulique. Ja' yu'un la calbeyexix te ma xju' ya alo'ic te ch'ich'e, melel ja' cuxul spisil a te bitic cuxulique. Mach'auc a te ya slo'e, ya me yich' loq'uesel ta yolil te yajwal lume.

Levítico 17:3

“Mach'auc israelil ya me sta smul teme ya yac' ta milbil majt'anil jcojt' toro, jcojt' chij, o jcojt' tentsun te ya smil ta spat o ta yutil te campamento.

Levítico 17:5

Te chambalametic ma me smilic ta yol q'uinal te israeletic te ya yac'bonic jmajt'anin, jo'on te Ajwalilone. Ya me sc'an ya yiq'uic bael ta stojol sacerdote ta yochibal Nailpac' te banti ya quich' c'oponele, swenta yu'un ya yac'bon jmajt'anin, ja' me te milbil majt'anil swenta lamal-o'tanile.

Levítico 17:9

teme ma ba ya yic' bael ta yochibal Nailpac' te banti ya quich' c'oponele, yu'un jmajt'an jo'on te Ajwalilone, ya me yich' loq'uesel ta yolil te yajwal lume.

Levítico 18:29

Te mach'a ya spas junuc te bila mero ilaybil sbae, ya me yich' loq'uesel ta yolil te slumale.

Levítico 20:16

“Teme ay ants te ya sta sba soc stat chambalam, ya me yich' milel xchebal soc te chambalame. Ja' nix me ta swenta smulic te ya xlajique.

Levítico 20:18

“Teme ay winic ya xway soc te ants yorail yac ta yilel xchamel swenta jujun u, te ya sta sba soque, ya me yac' chicnajuc te banti ya xtal xchamel te antse, soc ja' nix ya yac' chicnajuc te antse, ja' yu'un ya me yich'ic loq'uesel ta stojol te slumalique.

Levítico 20:3

Ya me jcontroin te winique, ya me jloq'ues ta yolil te slumale, melel la yac' te ma ba lec c'ot te ch'ul awilal cu'une, soc la yac' jinuc sc'oplal jch'ul-biil yu'un te la yac'bey jtul snich'an te Moloc.

Levítico 3:2

Te mach'a ya yac'bon jmajt'an, ya me scajan sc'ab ta sjol te chambalam ya yac'bon jmajt'anin, ya me sbojbey snuc' ta stojol te yochibal Nailpac' te banti ya quich' c'oponele. Jich te sacerdoteetic ya me stsijts'anbeyic xch'ich'el ta sjoyobal ta spat te scajtijib ta chiq'uel jmajt'ane.

Levítico 7:18

Teme ay mach'a ya sti'bey sbaq'uetal ta yoxebal c'aal smilel a te majt'anil swenta lamal-o'tanil, te milbil majt'anil ma'yuc sc'oplal ya xc'ot, soc ma'yuc ta jwenta ya xc'ot. Te ti'bale ilaybil me ya xc'ot. Teme ay mach'a ya sti'e, ja' me smul ya xc'ot.

San Juan 10:7

Jich yu'un te Jesús la xcha'yalbey yaiyic xan: —Jamal ya calbeyex, jo'on ti'corralon yu'un te chijetique.

San Juan 10:9

Jo'on ti'corralon. Te mach'a ya x'och bael ta jwenta, ya me xcol. Jun yo'tan ya x'och soc jun yo'tan ya xloc' ta corral, soc ya me sta swe'el tey a.

San Juan 14:6

Jesús la yalbey: —Jo'on te beone, te smelelilone, soc te cuxlejalone. Jtul ma'yuc mach'a ya xtal ta stojol Jtat, jo'on nax ta jwenta.

Romanos 4:6

Jich te bit'il la yal te muc' ajwalil Davide, te c'alal la sta ta alel te ja' bin nax yutsil te winic te toj ya x'ilot yu'un Dios a te ma ja'uc ta swenta te yat'el spasoje.

Romanos 5:13

Ayix mulil ta balumilal a te c'alal ma to ayuc te mandalile, ja'uc me to, ma ba la yich' ajtayel te mulile, ta scaj te ma to ayuc a te mandalile.

Romanos 5:20

Melel te mandalile, la yac' toyuc xan yip te mulile. Jich toy xan te mulile. Ja'uc me to, c'axem to xan la yac' ta ilel te yutsil yo'tan te Diose.

Deuteronomio 21:8

Cajwal, pasbeya perdón te lum Israel awu'un te ja'at acoltayej loq'uel tel ta Egipto. Ma me xawac'bey smulinic te bit'il laj te mach'a ma'yuc bila amen spasoje”, xaex me. Jich me ma ba ya yac'beyex amulinic a te bit'il laj te mach'a lajeme.