Levítico 15:5 - Bible in Tzeltal de Oxchuc y Tenejapa

⁵ “Mach'auc a te ya spic te banti way te winique, ya me sc'an te ya sac' te sc'u'-spaq'ue, soc ya me spoc sba ta ja', soc ma ba lec sc'oplal ya xjil c'alal yijc'ubel q'uinal.

Bible in Tzeltal Bachajón

⁵ Mach'ayuc a te ya spicbe swayib ya me sac' sc'u' spac' soc ya me x'atin; bohloben sc'oblal ya xhil c'alal yihc'ubel q'uinal.

Levítico 15:5 ပူးပေါင်းရင်းမြစ်များ

Salmos 26:6

Pocbilix c'oem te jc'ab, ma'yuquix te jmule. Cajwal, ya jc'an xnoptsajonix bael ta bay scajtijib amajt'an,

Salmos 51:2

Pocbon loq'uel te bila amen jpasoje; pasbon ta sac te co'tane.

Salmos 51:7

Lecubtesawon soc hisopo, te jich me pocbil ya xc'oon; pocawon, jich me sac ya xc'oon te bit'il buen sac te toibe.

Éxodo 19:10

Te Cajwaltic jich la yal yu'un: —Baan chajbana te israeletic yo'tic to soc te pajele. Ac'a slecubtes sbaic, soc ya me sac' sc'u'ic.

Isaías 1:16

Poca abaic, sapa abaic. Q'uejbonic bael ta jsit te amulique; ijq'uitayaic ta spasel te bila ma lecuque.

Isaías 22:14

Te Cajwaltic te Spisil ya xju' yu'un, la yac' sba ta ilel ta jtojol soc jamal la yalbon ta jchiquin: —Ma ba ya jpasbeyex perdón yu'un in mulil to, ja' to c'alal ya xlajex bael te ja'exe —xi' te Cajwaltique. Jich la yal te Cajwaltic te Spisil ya xju' yu'une.

Ezequiel 36:25

Ya me jpoquex ta mero lequil ja', ya me jpocbeyex spisil te bila bolobenex yu'une; ya me jlecubtesex te bit'il bolobenex yu'un te yich'el ta muc' te lotil diosetic awu'unique.

Ezequiel 36:29

Ya me jcoltayex, ma me ayuc bila ya sboltesex. Ya me cac' te ya x'esmaj te trigo, ma ba ya caq'uix taluc wi'nal ta atojolic.

Levítico 11:24

“Te bitic ma lecuc sc'oplal ya xc'oex yu'un, ja'ic in to: “Mach'auc a te ya spicbey te sbaq'uetal junuc te chambalametic lajeme, ma me lecuc sc'oplal ya xjil yu'un c'alal ta yijc'ubel q'uinal.

Levítico 11:25

“Mach'auc a te ya sjachbey sbaq'uetal te chambalametic lajeme, ya me sc'an te ya sac' te sc'u'-spaq'ue, soc ma me lecuc sc'oplal ya xjil yu'un c'alal ta yijc'ubel q'uinal.

Levítico 11:28

Ja' ni me jich te mach'a ya sjachbey sbaq'uetal teme lajeme, ya me sc'an te ya sac' te sc'u'-spaq'ue, soc ma me lecuc sc'oplal ya xjil c'alal ta yijc'ubel q'uinal. Ya me sc'an te ma lecuc sc'oplal awu'unic te chambalametique.

Levítico 11:32

“Soc ma lecuc sc'oplal ya xjil spisil biluquetic ya xch'ay coel ta sba te lajem chambalam. Manchuc me biluquetic pasbilic ta te', c'u'il, soc biluc a pasbil ta nujc'ule, coxtal, o biluc at'ejibalil yu'un at'el, ya me xju' ya yich'ic aq'uel ochel ta ja', ma me lecuc sc'oplal ya xjil c'alal ta yijc'ubel q'uinal, jich me lecubenix sc'oplal ya xjil a.

Levítico 13:34

C'alal ya xc'ax te juqueb c'aale, te sacerdote ya me xcha'tsajtay xan yil ta lec te ejch'ene. Teme ma ba pujq'uem te ejch'ene, soc teme ma ba pujul ochel te snujc'ulel, te sacerdote jich ora ya yal ta jamal te lecubenix sc'oplal te mach'a ay ta chamele, ya me sac' te sc'u'-spaq'ue, jich me lec sc'oplal ya xjilix a.

Levítico 13:6

C'alal ya xloc' juqueb c'aal, ya me xcha'tsajtay xan yil ta lec yan buelta. Teme yac ta c'un ch'ayel bael te xchamele, soc teme ma ba yac ta pujq'uel bael ta snujc'ulel, te sacerdote ya me yal ta jamal te lequix aye, melel jich c'oem te bit'il yu'un nax tsajuben te snujc'ulele. Ja' yu'un te jchamele ya me sac' te sc'u'-spaq'ue, jich me lecubenix sc'oplal ya xjil.

Levítico 14:27

Ta yal swa'el sc'ab ya me stsijts'anbey bael jtebuc ta stojol Cajwaltic juqueb buelta te aceite ay ta stan sc'abe.

Levítico 15:18

“Te winic soc ants te ya sta sbaique, ya me spoc sbaic xchebalic ta ja', ma ba lec ya xjilic sc'oplal c'alal yijc'ubel q'uinal.

Levítico 15:4

“Te wayibal ya xway a te winic te ay bila ya xmal yu'une, ma ba lec sc'oplal ya xjil. “Soc te banti ya xnajc'aj, ma ba lec sc'oplal ya xjil yu'un.

Levítico 15:6

“Teme ay mach'a najc'aj tey a te banti te winique, ya me sc'an te ya sac' te sc'u'-spaq'ue, soc ya me spoc sba ta ja', soc ma ba lec sc'oplal ya xjil c'alal yijc'ubel q'uinal.

Levítico 16:26

Te mach'a xc'otuc scoltay bael ta stojol Azazel te tentsune, ya me sac' te sc'u'-spac' soc ya me spoc sba ta ja'; patil jich me ya xju' ya x'ochix bael ta campamento.

Levítico 16:28

Te mach'a ya xchiq'ue, ya sc'an te ya sac' te sc'u'-spac' soc ya me spoc sba ta ja'; patil ya me xju' x'och ta campamento.

Levítico 17:15

“Mach'auc israelil, o jyanlumil, teme ya sti'bey sbaq'uetal lajem chambalam, o teme ya sti'bey sbaq'uetal te ixlanbil yu'un yan jti'awal ja'mal chambalame, ya me sc'an te ya sac' te sc'u'-spac', soc ya me spoc sba ta ja', soc ma ba lec sc'oplal ya xjil c'alal yijc'ubel q'uinal. Patil lecubtesbil me sc'oplal ya xjil.

Números 19:10

Te mach'a ya stsob bael te stanul wacax, ya me sac' te sc'u'-spac', ma ba lec sc'oplal ya xjil c'alal ta yijc'ubel q'uinal. Ja' mandalil cu'un sbajt'el q'uinal. Te bit'il ay yip sc'oplal ta atojolic te ja'ex israelex, jich nix me ay yip sc'oplal ta stojol te jyanlumetic te nainem ta awolilique.

Números 19:22

Spisil te bila ya spic te mach'a ma lecuc sc'oplal, ma me ba lec sc'oplal ya xc'ot uuc. Teme ay mach'a ya spic te mach'a ma lecuc sc'oplal, ya me xbolob sc'oplal c'alal ta yijc'ubel q'uinal —xi' te Cajwaltique.

Hebreos 10:22

Jich yu'un spisiluc me co'tantic ac'a noptsajucotic ta stojol te Diose, te bit'il jc'axel ay xch'uunjel co'tantique, te melel jc'axel la yutstesbotiquix co'tantic yu'un te jmultique soc pocbilix jbaq'uetaltic yu'un te lequil ja'e.

Hebreos 9:14

Yan te xch'ich'el Cristo c'axem to xan ay yip stuquel. Melel ta swenta Espíritu te sbajt'el q'uinal aye, ju' yu'un stuquel te Cristo te la yac' sba ta lajel ta stojol Dios swenta milbil smajt'an te xujt' ma ba ts'ilajeme. Jich te xch'ich'ele jc'axel ya spocbotic co'tantic te ts'ilajemic yu'un cat'eltic te quechelotic ta lajel yu'une, swenta yu'un jich me ya cac' jbajtic ta abatinel yu'un te cuxul Diose.

Hebreos 9:26

Te jichuque bayal buelta la yac'ulayix sba ta lajel ta xjajch'ibal to tel balumilal te jichuque. Ja'uc me to, te bit'il slajibalix c'aale, jun nax buelta xtaluc te la yac' sba ta lajel ta xch'ayel jmultic te Cristoe.

Santiago 4:8

Noptsajanic ta stojol te Diose, jich me ya xnoptsaj ta atojolic uuc. Jmulawiletic, poca ac'abic; ja'ex te cheb awo'tanique, ac'a abaic ta utstesel.

Apocalipsis 7:14

La calbey: —Tatic, ja'at ya ana' —la cut. Jich la yalbon: —Ja'ic in to te mach'atic c'axix yu'unic te bayal uts'inele. Sac'ojiquix sc'u'-spaq'uic. Ja' la sacubtesic a te xch'ich'el te Alalchije.

1 Samuel 20:26

Ja' in c'aal to, ma'yuc bi la yal te Saule. La wan scuy te yu'un ma ba lecuben te David, teme ay bi amen c'oem yu'une, teme ma ba ju' yu'un ya slecubtes sba.