Levítico 13:6 - Bible in Tzeltal de Oxchuc y Tenejapa

⁶ C'alal ya xloc' juqueb c'aal, ya me xcha'tsajtay xan yil ta lec yan buelta. Teme yac ta c'un ch'ayel bael te xchamele, soc teme ma ba yac ta pujq'uel bael ta snujc'ulel, te sacerdote ya me yal ta jamal te lequix aye, melel jich c'oem te bit'il yu'un nax tsajuben te snujc'ulele. Ja' yu'un te jchamele ya me sac' te sc'u'-spaq'ue, jich me lecubenix sc'oplal ya xjil.

Bible in Tzeltal Bachajón

⁶ Ta shuquebal c'ahc'al te sacerdote ya me stsahtay xan yil ta lec; teme yac ta c'un ch'ayel bahel te c'a'ele, soc teme ma ba puhquem bahel ta snuhculel, ya me yal te lequix ay, ha nax schinuben; te jchamel ya me sac' sc'u' spac', hich lec sc'oblal ya xhil.

Levítico 13:6 ပူးပေါင်းရင်းမြစ်များ

Levítico 11:25

“Mach'auc a te ya sjachbey sbaq'uetal te chambalametic lajeme, ya me sc'an te ya sac' te sc'u'-spaq'ue, soc ma me lecuc sc'oplal ya xjil yu'un c'alal ta yijc'ubel q'uinal.

Levítico 14:8

“Te mach'a ya yich' lecubtesel sc'oplal ya me sc'an te ya sac' te sc'u'-spac', ya me spoc sba ta scojt'ol, soc ya me sloq'ues spisil stsotsil sbaq'uetal ta scojt'ol, swenta yu'un jich me ya yich' lecubtesel bael sc'oplal a. Patil ya me xju'ix ya x'och ta campamento, ja'uc me to juqueb me c'aal ya x'ain ta yol q'uinal.

Santiago 3:2

Ta jpisiltic bayal buelta ya xjelawotic ta c'op tey a. Teme ay mach'a ma xjelaw jp'aluc te sc'ope, lec me ta winiquil stuquel abi, soc ya xju' yu'un stojtesel spisil te sbaq'uetale.

Hebreos 10:22

Jich yu'un spisiluc me co'tantic ac'a noptsajucotic ta stojol te Diose, te bit'il jc'axel ay xch'uunjel co'tantique, te melel jc'axel la yutstesbotiquix co'tantic yu'un te jmultique soc pocbilix jbaq'uetaltic yu'un te lequil ja'e.

Hebreos 9:10

Ja' nax ya yalbey sc'oplal te bila ya swe'ique soc te ya yuch'ique soc te bi yilel ya sc'an ya spoc sc'abique. Melel ja' nax ay sc'oplal ta pasel ta stojol Dios ja' to te la sta yorail te la yich' jeltayel yu'un te Diose.

2 Corintios 7:1

Jich yu'un quermanotac, te c'uxex ta co'tane, te bit'il jich yalojbotic te Diose, jich yu'un ac'a quijq'uitaytic jilel spisil te bila ya sboltesbotic jbaq'uetaltic soc te co'tantique. Soc te bit'il jna'ojtic stojol te xi'bantic sba te Diose, yan yanuc me ta ch'ultesel te co'tantique.

Romanos 14:1

Ic'a me ta atojol te mach'a peq'uel xch'uunjel yo'tane. Ma me ayuc bi tulan xawalbey ta stojol.

Isaías 42:3

Ma ba ya slajin sc'asel ta jyalel te jalal te c'asemixe; ma ba jc'axel ya stup'bey sc'aal te smechail c'ajc' te c'un nax yac ta tilele. Ta mero melel ya me yich' tel stojil chajbanel.

Eclesiastés 7:20

Melel ma'yuc ni jtuluc ta balumilal te mero toj, te spisil ora ja' ya spas te bila leque, te ma'yuc ya sleix smule.

Proverbios 20:9

Ma'yuc mach'a ya xju' ya yal te sacuben yo'tan, te ma'yuc mulil snopoje.

Salmos 19:12

¿Ay bal mach'a ya sna' te bitic falta yu'une? Te faltaetic cu'un te jnac'oje, pasbon perdón, Cajwal.

1 Reyes 8:45

aiybeya me c'alal ta ch'ulchan te sc'opic soc te ya yalic wocol ta atojole, coltaya te bila ay swocol yu'une.

1 Reyes 8:38

aiybeya me sc'op jiche spisil mach'atic ya sc'oponat soc ya xbic'taj ta atojol, mach'auc a, o ta spisil te lum Israel awu'une, te c'alal ya yil teme ay swocole, teme ay bi c'ux obol sba yu'une, teme ya stoy tel sc'ab ta sc'oponbelat ta stojol te templo in to, aiybeya me c'alal ta ch'ulchan. C'alal ta banti nainemat, pasbeya me te perdón, coltaya, ac'a c'otuc ta swentaic awu'un chican te bi yilel te bila spasojique, melel ja'at nax ana'oj te bila xchapoj ta yo'tan soc te bit'il ay te yo'tan te ants-winiquetique.

Deuteronomio 32:5

Amen awo'tan ants-winiquex, amen awat'elic, la awaq'uic ilinuc te Diose, ma snujp'inix te yal-snich'anex Dios, xi' ac'oplalic.

Levítico 13:2

—Teme ay mach'a sijt'em te sbaq'uetale, teme saluben, teme yac ta bolobel snujc'ulel yilele, o teme ay sc'a'el te jich yilel te bit'il c'a'el-chamel, ya me yich' iq'uel bael ta stojol sacerdote Aarón, o ja' te sacerdoteetic te ja' patil alnich'anetic yu'une.

Levítico 11:40

Te mach'a ya sti'bey sbaq'uetal te chambalam stuquel lajeme, ya me sc'an te ya sac' te sc'u'-spaq'uique, soc ma me lecuc sc'oplal ya xjil c'alal ta yijc'ubel q'uinal. Ja' nix jich te mach'a ya sloq'uesbey sbaq'uetal te lajem chambalame, ac'a sac' te sc'u'-spaq'ue, soc ma me lecuc sc'oplal ya xjil c'alal ta yijc'ubel q'uinal.

Levítico 11:28

Ja' ni me jich te mach'a ya sjachbey sbaq'uetal teme lajeme, ya me sc'an te ya sac' te sc'u'-spaq'ue, soc ma me lecuc sc'oplal ya xjil c'alal ta yijc'ubel q'uinal. Ya me sc'an te ma lecuc sc'oplal awu'unic te chambalametique.

Levítico 13:5

C'alal ya xloc' juqueb c'aal, ya me xcha'tsajtay xan yil ta lec. Teme stalel jich ay te xchamele, teme ma ba pujq'uem bael ta snujc'ulel, ya me xcha'mac xan juqueb xan c'aal.

Levítico 13:7

“Yan teme yac ta pujq'uel ta scojt'ol sbaq'uetal ta snujc'ulel te mach'a ay ta chamele teme la stsajtayix a te sacerdote, soc te la yalix ta jamal a te lecubenix sc'oplal te mach'a ay ta chamele, ya me xcha'bajt' xan ta stojol sacerdote, swenta yu'un ya xcha'tsajtayot ta lec yu'un.