Levítico 13:57 - Bible in Tzeltal de Oxchuc y Tenejapa

⁵⁷ Yan teme chicnaj xan yan buelta, teme ya xpujc' bael ta c'u'il-pac'ale, ta jalbil pac', o ta biluc te pasbil ta nujc'ule, ya me yich' chiq'uel ta jc'axel te bitic biluquil te ay bila chicnaj tey a.

Bible in Tzeltal Bachajón

⁵⁷ Teme ya xchicnaj yan buelta ta c'u'ul, bin jalbil, o biluc a te pasbil ta nuhcul, teme yac ta puhquele, ya me achic' te bintic ay stotole.

Levítico 13:57 ပူးပေါင်းရင်းမြစ်များ

Isaías 33:14

Ta lum Sión ya me xiw te jmulawiletique; te mach'atic ma tojuc yo'tanic, ya me xnoj xiwel ta yo'tanic. Soc jich me ya yalic: “¿Mach'a ya xju' ya xcuxin tey a te jo'otique ta bay c'ajc' te jinawanej, te yac ta tilel sbajt'el q'uinale?” xiic me.

Levítico 13:48

teme ya xchicnaj ta jalbil pac' pasbil ta lino, ta lana, teme ya xchicnaj ta nujc'ul, o ta yantic biluquetic te pasbil ta nujc'ule,

Levítico 13:56

Te c'alal ya stsajtay yil ta lec te sacerdote, teme yac ta ch'ayel bael yu'un te la yich' saq'uel, ac'a xch'i' loq'uel te banti chicnaj seña ta c'u'il-pac'al, o ta jalbil pac', o ta nujc'ule.

Levítico 13:58

Te c'u'il-pac'al, jalbil pac', o biluc a te pasbil ta nujc'ule, teme ch'ay te seña yich'oj te c'alal la yich' saq'uele, ya me yich' xan saq'uel junuc xan buelta, jich to me lecubenix sc'oplal ya xjil —xi' te Cajwaltique.

San Mateo 22:7

“Te c'alal la yaiy stojol te muc' ajwalile, bayal ilin yu'un. Jich la sticun bael te soldadoetic yu'une. Ba smilic te jmilawaletique, soc la xchic'beyic te slumalique.

San Mateo 25:41

“Te muc' ajwalile ya yalbey ts'iin te mach'atic ayic ta xq'uexen sc'abe: “Q'ueja abaic ta jtojol ja'ex te mero amenexe. Baanic ta bay c'ajc' te ma xtup' sbajt'el q'uinal ta bay chajbanbil te ya x'ac'ot tey a te pucuje soc spisil te abatetic yu'une.

San Mateo 3:12

Te mach'a ya xtale, jich c'oem te bit'il mach'a stsacojix ta sc'ab te sajp'ujibal sulil te strigoe. Patil ya me stsob ochel ta bay sq'uejibal te sbaq'ue. Yan te sulile ya me xchic' ta c'ajc' te ma xtup' sbajt'el q'uinal —xi' te Juane.

Deuteronomio 24:8

“Teme ay ya xtaot ta c'a'el-chamel te ants-winiquetique, jun me awo'tan xach'uunic spasel spisil te bila ya yalbeyex apasic te sacerdote-levitaetique. Jich xapasic te bit'il calojbey mandale.

Apocalipsis 21:27

Ja'uc me to, ma xju' ya x'och xujt'uc tey a te bila ma lecuque, soc ma xju' ya x'och te mach'a ilaybil sba te bila ya spase, soc te mach'a ya spas lote. Ja' nax ya x'och tey a te mach'atic ts'ibubil sbiilic ta bay te lista yu'un cuxinel te yich'oj te Alalchije.

Apocalipsis 21:8

Yan te mach'atic ya xiwique, soc te ma sc'an xch'uunone, soc te mach'atic ilaybil sba te bila ya spasique, jmilawaletic, jmulwejetic, j'ac'chameletic, soc te mach'atic jch'uunej-loc'ombaetic, jpas-lotetic, ta spisilic in to, ja' me ya xbajt'ic ta bay muc' pamal c'ajc' te yac ta tilel soc azufre te ja' xchebal buelta lajele —la yuton.