Levítico 13:4 - Bible in Tzeltal de Oxchuc y Tenejapa

⁴ “Teme sac te banti boloben te snujc'ulele, pero teme ma ba pujul ochel yu'un te snujc'ulele, soc teme ma ja'uc sacuben te stsotsile, te sacerdote ya me smac juqueb c'aal te mach'a ay ta chamele.

Bible in Tzeltal Bachajón

⁴ Teme saclep'lep' te banti snuhculel, pero teme hich yilel te bin ut'il ma ba lohmajem cohel yu'un te snuhculel, soc teme ma ba sacuben te stsotsele, te sacerdote ya me smac huqueb c'ahc'al te mach'a ay schamele.

Levítico 13:4 ပူးပေါင်းရင်းမြစ်များ

Ezequiel 44:10

Te levitaetic loq'uic bael ta jtojol te c'alal jowejic te israeletic, ja' te la yijq'uitaybonic te be cu'un ta scaj xch'uunel loc'ombaetic, ya me stoj te smulique.

Levítico 13:11

ja' me te c'a'el-chamel ya xjajch' ta jnujc'uleltic te ma squejch'aje. Ja' yu'un te sacerdote ya me yal ta jamal te ma lecuc sc'oplal ay yu'un te xchamele, ma puersauquix te ya smaque, melel ma lecuquix sc'oplal.

Levítico 13:25

te sacerdote ya me stsajtay yil ta lec. Teme yac ta sacubel stsotsil te banti ay te chamele, soc teme ja' pujulix ochel te snujc'ulel te banti ay te chamele, teme ja' toyemix jilel te snujc'ulel te banti leque, yu'un ja' te c'a'el-chamel te ya xjajch' ta jnujc'uleltic te banti c'ajq'ueme; te sacerdote ya me yal ta jamal te ma lecuc sc'oplal, melel ja' te c'a'el-chamele.

Levítico 13:26

Te c'alal ya stsajtay yil ta lec te sacerdote te banti ay te chamele, teme ma'yuc yac ta sacubel stsotsil soc te ma ba pujul ochele, teme ma ja'uc toyol yac ta jilel te snujc'ulele, teme yaquix ta c'un ch'ayel baele, ya me smac juqueb c'aal te mach'a yich'oj chamele.

Levítico 13:3

Te sacerdote ya me stsajtay yil ta lec te chamel ay ta snujc'ulel, teme sacuben te stsotsil ta banti ay te xchamele, soc teme pujulix ochel yu'un te snujc'ulele, mero ja' me te c'a'el-chamele. Teme la stsajtayix yil ta lec te sacerdote, ya me yal ta jamal te ma lecuquix sc'oplale.

Levítico 13:31

Te c'alal ya stsajtay yil ta lec te sacerdote te banti ay te ejch'en, teme ya yil te ma ba pujul ochel te snujc'ulele, soc te ma'yuc yijc'al tsotsile, ac'a smac juqueb c'aal te mach'a yich'oj chamele.

Levítico 13:5

C'alal ya xloc' juqueb c'aal, ya me xcha'tsajtay xan yil ta lec. Teme stalel jich ay te xchamele, teme ma ba pujq'uem bael ta snujc'ulel, ya me xcha'mac xan juqueb xan c'aal.

Levítico 13:50

Te sacerdote ya me stsajtay yil ta lec te bila chicane. Ya me smac juqueb c'aal te biluquetic te ay seña chamel tey ae.

Levítico 14:38

ya me xloc' te yajwal nae, ya me yal mandal te ya yich' maquel juqueb c'aal.

Números 12:14

Te Cajwaltic la sjac': —Teme ya stubtaybey yelaw te state, ya me xq'uexaw juquebuc c'aal. Jich me c'oem. Ac'a yich' loq'uesel ta campamento juqueb c'aal, ta patil ac'a sujt'uc tel —xi' te Cajwaltique.

Números 12:15

Jich yu'un te María la yich' loq'uesel bael ta campamento juqueb c'aal. Te lume ma'yuc bay beenic xan bael.

1 Corintios 4:5

Jich yu'un, ma me xjelawex ta c'op te ja'exe, yu'un ma to sta sc'aalelal ta alel te bi yilel yat'el juju-jtule. Maliyaic te bi ora ya xtal te Cajwaltique. Ja' me ya yac' ta ilel ta jamalal ta saquil q'uinal stuquel te bila muquen aye, soc ya me yac' ta na'el te bila jnopoj ta co'tantique. Jich yu'un juju-jtulotic, ya me yalbotic lec jc'oplaltic te Diose.

Deuteronomio 13:14

ya me sc'an te ya ajojc'oyic ta lec te c'ope. Teme melel te bila yac ta alele, teme ay c'oem ta pasel ta awolilic te bila ilaybile,

1 Timoteo 5:24

Soc ya calbat xan, ay mach'atic ya xchicnaj smulic ta comonsitil te c'alal ma to ayuc ta chajbanel a. Soc ay yantic te ma chicanuc ta comonsitil ta ora te smulique. Patil to ya xchicnaj.