Levítico 10:9 - Bible in Tzeltal de Oxchuc y Tenejapa

⁹ —Te bi ora ya x'ochat soc anich'nab ta yutil Nailpac' te banti ya quich' c'oponele, ma me xju' ya awuch'ic vino, soc ma me xju' ya awuch'ic tulan uch'balil, melel ya me xlajex yu'un. Ja' mandalil te ma'yuc bi ora ya xlaj sc'oplale, ya me xc'ax ta stojolic tatiletic soc ta stojol alnich'anetic,

Bible in Tzeltal Bachajón

⁹ Ha'at soc anich'nab te sjoquinejat, ma me xawuch'ic vino o yan bin pajuben te bin ora ya x'ochex bahel ta Nahilpac' Templo yu'un tahojibal, scuenta yu'un ma ba ya xchamex. Ha mandaril te ma xlaj sc'oblal yu'un cajalcaj ats'umbal,

Levítico 10:9 ပူးပေါင်းရင်းမြစ်များ

Éxodo 27:21

Te Aarón soc te snich'nab ja' me ya swentainic xchajbanel te c'ajq'uetique. Ya me stilesic sjunal ajc'ubal ta jtojol jo'on te Ajwalilon, ta Nailpac' te bay ya quich' c'oponele. Ja' me ta spat te pac' smacoj scajonil te tratoe. Ja' jmandal ta sbajt'el q'uinal ta stojol te israeletic soc te sts'umbalique.

Proverbios 20:1

Te vino yu'un yac'ubel, ya yac' jajch'uc c'op, te tulan uch'balil, ya yac' jajch'uc majtomba; te mach'a ya xbolob yu'une, ma'yuc sp'ijil yu'un te bila ya spase.

Isaías 28:7

Ay yantic sts'eunaj ta beel yu'un te vino soc ya xchuc sba yacan yu'un te tulan uch'balil, ja' te sacerdoteetic soc te j'alwanejetique, ya spasic ts'eunajel ta scaj te tulan uch'balil. Ya xbolobic yu'un te vinoe; ma xtojob ta beel yu'un te tulan uch'balil. Mero sts'eunajic a te c'alal ay bila ya x'ac'bot yilique, ayic ta yacubel te c'alal ya yaiyic chajbanwaneje.

Ezequiel 44:21

Te sacerdoteetic, ma me ayuc jtuluc ya xju' ya yuch'ic vino te c'alal ya x'ochic bael ta amac' te ay ta yutile.

Oseas 4:11

“Te mulwej soc te yuch'el vino ya xch'ay yo'tanic yu'un.

Levítico 10:8

Te Cajwaltic la sc'opon te Aarón, jich la yalbey:

Levítico 3:17

“Ja' in mandalil to, ma me ayuc bi ora ya xlaj sc'oplal, melel ya me sc'an te ya yaiyic te me'il-tatiletic, soc ya me yalbeyic uuc te yal-snich'nabique. Ta bayuc nainemex, ma me ayuc bi ora te ya alo'beyic te xepuil chambalam soc ma me xalo'beyic te xch'ich'ele.” Jich me ya awal ta stojolic —xi' te Cajwaltique.

Números 6:20

Jich yu'un te sacerdote ya me spach ta sc'ab, soc ya me stoyilaybon ta jtojol. Te sbaq'uetal stan te chambalam te ya stoyilaybon ta jtojol uuc, soc te scub te ya yich' aq'uel ta swenta patan ta jtojole, ch'ultesbilic me soc q'uejbil ta swenta te sacerdote. Ta patil, te nazareo ya xju' ya yuch'ix te vinoe.

Números 6:3

ma me xju' ya yuch' vino, tulan uch'balil, vinagre te pasbil ta vino, ya'lel ts'usub, soc ma me xju' ya slo'bey sit ts'usub soc teme taquintesbile.

San Lucas 1:15

Yu'un muc' me ya xc'ot ta stojol te Diose. Xujt' ma xyuch' vino soc te yantic tulan uch'balile. Nojelix ta yo'tan a te Ch'ul Espíritu te c'alal ya x'ayine.

Efesios 5:18

Ma me xyacubex yu'un te vinoe, te melel swenta abolteselic stuquel. Ja'uc me nojeluc ta awo'tanic te Ch'ul Espiritue.

1 Timoteo 3:3

Ma me xyaiy yacubel, ma me c'aemuc ta xjajch'esel c'op, ya sc'an te ay yutsil yo'tane, te lamal yo'tane, soc te ma xbic'taj yo'tan yu'un te taq'uine.

1 Timoteo 3:8

Ja' nanix jich uuc te mach'atic ya yich' yat'elic ta diaconoile, ya sc'an te lec yo'tanique, soc te toj ya xc'opojique, te ma xyacubique, te ma xbic'taj yo'tanic yu'un slo'layel te taq'uine.

1 Timoteo 5:23

Soc ya calbat, te bit'il bayal buelta ya stsajc'at ta chamel yu'un te ach'ujt'e, ma me ja'uc nax xawuch'ilay te tojol ja'e. Uch'a jtebuc uuc te vinoe.

Tito 1:7

Melel te mach'a yich'oj yat'el ta jwolwanej yu'un te jch'uunjeletique, ja' swentainejbey sna sbiluc te Diose. Jich yu'un ya sc'an te ma'yuc bi quechel ta swentae, te ma toybauque, te ma jlemuc ta c'ope, te ma xyaiy yacubele, te ma c'aemuc ta xjajch'esel te c'ope, soc te ma smulan slo'layel te taq'uine.