Levítico 10:4 - Bible in Tzeltal de Oxchuc y Tenejapa

⁴ Te Moisés la yic' tel te Misael soc Elzafán, snich'nab Uziel, stajun Aarón, jich la yalbey: —La', loq'uesaic bael ta ch'ul awilal te awermanotac te lajemiquixe, loq'uesaic bael ta spat campamento —la yut.

Bible in Tzeltal Bachajón

⁴ Te Moisés la yic' tal te Misael soc Elzafán, te snich'nab Uziel, te stajun Aarón, hich la yalbe: La', q'uechticlanahic loq'uel ta ch'ul awilal te awermanotac, loq'uesahic bahel ta fuera yu'un te campamento, xchi.

Levítico 10:4 ပူးပေါင်းရင်းမြစ်များ

1 Crónicas 6:2

Te snich'nab Coat, ja'ic te Amram, Izhar, Hebrón soc Uziel.

Éxodo 33:7

Te Moisés la stsac jajch'el te Nailpac', la sloq'ues bael ta spat campamento, c'ub bael jtebuc. “Nailpac' te bay ya yich' c'oponel Dios”, xi' c'ot te sbiil yu'une. Te mach'a ay bila ya sc'an sjac' ta stojol te Cajwaltic, toj ya xbajt' ta Nailpac' Templo te loq'uemix bael ta yolilique.

Éxodo 6:18

Te Coat cuxin oxlajuneb sjucwinic (133) ja'wil. Ja' snich'nab te Amram, Izhar, Hebrón soc Uziel.

Éxodo 6:22

Te snich'nab Uziel, ja' te Misael, Elzafán soc Sitri.

Números 3:19

Te mach'atic sts'umbal Coat ta chajbalchajp, ja'ic te Amram, Izhar, Hebrón soc Uziel.

Números 3:30

Te jtsobwanej yu'unic ja' te Elizafán te snich'an Uziel.

San Lucas 7:12

Te bit'il nopol ayiquix ta ti'lume, la yil q'uechbil loq'uel tel ta lum anima te ya xbajt'ix ta muquele. Sjoinej tel te tsobol ants-winiquetique. Te sme' te animae, me'ba ants. Jip jtul a te yal te laje.

Hechos 5:6

Te jch'iel winiquetique tal spotsbeyic te sbaq'uetale, la sq'uechic bael soc ba smuquic.

Hechos 8:2

Te mach'atic jun yo'tanic xch'uunejic te Diose, la smucbeyic sbaq'uetal te Estebane. Bayal la yoq'uetayic.