Levítico 1:9 - Bible in Tzeltal de Oxchuc y Tenejapa

⁹ Te mach'a ya yac'bon te chic'bil jmajt'ane, ya me spocbey ta ja' te sbiquil soc te ya' te chambalame. Te sacerdote cu'un ya me xchic' spisil ta sba te scajtijib jmajt'an swenta yu'un bujts'an yic' ta jtojol jo'on te Ajwalilone.

Bible in Tzeltal Bachajón

⁹ Ya yich'ic poquel ta ha' te sbiquil soc te ya', te sacerdote ya schic' spisil ta sba te scajtajib ta chiq'uel mahtanil. Ha scohtol chic'bil mahtanil, ha chic'bil mahtanil te sumet yic' ta stojol Jehová.

Levítico 1:9 ပူးပေါင်းရင်းမြစ်များ

Génesis 8:21

Te Cajwaltic la yaiybey sbujts' yic' te milbil smajt'ane, jich yu'un la yal ta yo'tan: “Ma'yuc bi ora ya cac'bey xan castigo te balumilal ta scaj te ants-winiquetique, melel ta yalalil to tel mero ma lecuc te bitic ya snopilay ta yo'tanic. Ma ba ya jtup' xan bitic cuxajtic ta q'uinal jich bit'il te la jpasixe.

Levítico 1:13

Te mach'a ya yac' ta chiq'uel majt'anil, ya me sc'an ya spocbey ta ja' te sbiquil soc te ya' te chambalame. Te sacerdote cu'un ya me xchic'bon spisil ta sba te scajtijib swenta chic'bil majt'anil te bujts'an yic' ta jtojol jo'on te Ajwalilone.

Efesios 5:2

C'ux me x'awaiy abaic spisil ora, jich te bit'il c'ux la yaiyotic te Cristo te la yac' sba ta lajel ta jwentatique. Melel la yac' sba ta milbil majt'anil te xuq'uet nax sbujts' yic' ta stojol te Diose.

2 Corintios 2:15

Yu'un te jo'otique jich c'oemotic te bit'il perfume ta stojol Dios yu'un te Cristoe. Pajal ya xpujc' yic' ta stojol te mach'atic ya xcolique soc ta stojol te mach'atic ya xbajt'ic ta ch'ayele.

Ezequiel 20:41

Te c'alal ya jtsobex tel ta lumq'uinaletic soc ta nacionetic te banti pujq'uemex bael ta ora in to, soc te c'alal ya cac' ta ilel ta awolilic te jo'on ch'ul Diosone, soc te ya yilic te yantic lumetique, tey me yorail ya quich'beyexix a te jmajt'an awu'unic te mero bujts'ane.

Levítico 3:11

Jich te sacerdote ya me xchic' ta sba scajtijib spisil, swenta majt'anil we'elil te ya yich' chiq'uel ta swenta quich'el ta muc' jo'on te Ajwalilone.

Éxodo 29:18

Ac'a ta scajtijib te milbil jmajt'ane, yu'un scojt'ol me ya yich' chiq'uel, melel ja' majt'anil quich'jibal ta muc' jo'on te Ajwalilon, te bujts'an yic' ta jtojole.

Filipenses 4:18

Te bila la aticunic tele la quich'ix ta spisil. C'ax bayalix a. Ma'yuquix falta ya caiy a te bit'il la quich'ix te la aticunbonic tel soc te Epafroditoe. Te majt'anil la aticunbonic tele, xuq'uet nax sbujts' ta stojol Dios, jich bit'il milbil majt'anil te bin nax yo'tan yu'un te Diose.

Ezequiel 20:28

Te c'alal la cac' ochel ta lumq'uinal te la cal ta jamal te ya cac'beye, yacalic to nax ta yilel a te toyol tselelique soc te muc'ul te' te bayal yabenale, tey la yaq'uic a te milbil majt'anil yu'unic, te mero ilaybil cu'une. Tey la yaq'uic bitic bujts'an yic', soc tey la smalic a te majt'anil vino yu'unique.

Jeremías 4:14

Jerusalén, poca loq'uel te bila amen ay ta awo'tane, jich me ya xcolat. ¿Jayeb to buelta ya awac'bey awo'tan ta snopel te mulile?

Salmos 66:15

Ya me jchic'bat jujp'en chambalametic ta scajtijib ta chiq'uel amajt'an; ya me cac'bat toroetic soc tat tentsunetic, soc te yic' xch'ailel te chijetique.

Salmos 51:6

Ta mero melel ja' c'ux ta awo'tan te mach'a smelelil ya xc'opoje; ta mero yutil co'tan la awac'bon te p'ijil c'ope.

Levítico 9:14

La spocbey te bitic ay ta yutil xch'ujt' soc ta xchebal te ya'e, la xchic' ta scajtijib, jich la spasbey ta scojt'ol te chambalame.

Levítico 8:21

La spoc ta ja' te bitic ay ta yutil xch'ujt', soc la spocbey ya' te chije, la xchic' spisil ta scajtijib majt'anil, ja' majt'anil te bujts'an yic' ta stojol te Cajwaltic, jich nix te bit'il albot yu'une.

Levítico 1:17

Ya me stsacbey ta xic' te mute, ya me sjat, pero ma me stuch' ta jyalel. Swenta slajibal ya me xchic' te mute. Ya me yac' ta ba si' ta scajtijib jmajt'an, swenta jmajt'an te scojt'ol ya yich' chiq'uel te buen bujts'an yic' ta jtojol jo'on te Ajwalilone.

Éxodo 29:25

Ta patil loq'uesbeya ta sc'abic, chic'a ta scajtijib te jmajt'ane, ac'beya sjoin te chambalam te scojt'ol ya yich' chiq'uele, te bayal sbujts' yic' ya xc'ot ta jtojol. Ja' me chic'bil jmajt'an te quich'jibal ta muc' jo'on te Ajwalilone.

Zacarías 13:7

Te Cajwaltic te Spisil ya xju' yu'un jich ya yal: —Puñal, jajch'an ta swenta scontroinel te jcanan cu'une, swenta scontroinel te abat cu'une. Mila te jcanane, te chijetic ya me xpujq'uic bael, te jo'one ya me x'ochon ta scontroinel te alal chijetique.

Éxodo 12:9

Ma me ayuc stseel ya ati'ic. Scojt'ol te chambalame, te sjol, te yacan soc spisil bitic ay ta yutil xch'ujt', ya me yich' woel ta c'ajc'.

Levítico 4:31

Soc ya me sloq'uesbey te xepuile, jich nix te bit'il ya yich' pasel te chambalam ya yich' aq'uel swenta milbil majt'anil swenta lamal-o'tanile. Te xepuile ya me yich' chiq'uel ta scajtijib majt'anil, te bujts'an yic' ta jtojol te Ajwalilone. Te sacerdote jich me ya stabey perdón yu'un smul te mach'a staoj smule, soc jich me pasbil perdón ya xjil a te smule.

Números 15:3

biluc ora te ya awac'bonic jcojt' toro o jcojt' chij swenta chiq'uel te quich'jibal ta muc', jich bit'il milbil majt'anil o teme scojt'ol ya yich' chiq'uel te buen bujts'an te yiq'ue, chican teme ja' ya awac' a c'alal ya sts'aquej te ay bila jc'axel achapoje o teme majt'anil te mero spasemal awo'tan ya awaq'ue, o teme ja' te ay ya yich' pasel ta yorail te q'uine,

Números 28:11

“Ta sba c'aalil ta jujun u ya me awac'bonic milbil jmajt'an te scojt'ol ya yich' chiq'uel: cha'cojt' toro, jcojt' tat chij soc juqueb ta jcojt' alal tat chijetic te jun ya'wilalic, te ma'yuc bila boloben ta sbaq'uetal.

Deuteronomio 12:27

Ta sba te scajtijib ta chiq'uel majt'anil yu'un te Cajwaltic te Dios cu'untique, ya me awaq'uic te majt'anil te scojt'ol ya yich' chiq'uele. Te xch'ich'el te chambalam ya awaq'uique, ya me amalic ta scajtijib majt'anil yu'un te Cajwaltic te Dios cu'untique, te sbaq'uetale ya xju' ya ati'beyic stuquel.

Levítico 2:2

Ya me yich'beyic bael ta stojol snich'nab Aarón, ja' te sacerdoteetique. Ay me jtul te ya sjop ta sc'ab te harina capal soc aceite, soc nix spisil te pome. Ya me xchic' ta sba te scajtijib jmajt'an swenta chic'bil jmajt'an te buen bujts'an yic' ta jtojol jo'on te Ajwalilon, ta swenta sc'anel xc'uxtayel te mach'a la yaq'ue.

Levítico 2:9

Tey me ya yich' jtebuc a te jmajt'an te sacerdote, swenta yu'un ya xchic' ta scajtijib jmajt'an, ja' me jmajt'an te ya yich' chiq'uel swenta jna'jibal te bujts'an yic' ta jtojol jo'on te Ajwalilone.

Levítico 2:16

Jich te sacerdote ya me xchic' jtebuc te majt'anil chewbil, soc te aceite, soc ja' nix sjoinej te pome. Ja' me majt'anil swenta jna'jibal te ya yich' chiq'uel ta swenta quich'el ta muc' jo'on te Awajwalilone.

Levítico 3:5

Te sacerdoteetic ya me xchiq'uic spisil ta scajtijib te jmajt'ane, ja' nix ya sjoin ta chiq'uel te chambalam te yac ta tilel soc te si'e, swenta chic'bil jmajt'an te buen bujts'an yic' ta jtojol jo'on te Ajwalilone.

Levítico 6:14

“Ac'beya sna'ic te bit'il ya sc'an ya spasic te majt'anil harina: Te sacerdoteetic ya me yac'bonic ta jtojol jo'on te Ajwalilon ta banti scajtijib ta chiq'uel majt'anil.

Levítico 8:28

Te Moisés la yich'bey ta sc'abic spisil, la xchic' ta scajtijib majt'anil, ja' la yac'bey sjoin ta chiq'uel te majt'anil te scojt'ol ya yich' chiq'uel, swenta majt'anil yu'un xchajbanel xch'ul yat'el sacerdoteetic te mero bujts'an yiq'ue, ja' te chic'bil majt'anil swenta yich'el ta muc' te Cajwaltique.

Números 28:7

Te majt'anil vino jun me litro ya xtuun ta juju-jcojt' chij. Te vino ya me yich' malel ta ch'ul awilal ta jtojol yu'un quich'jibal ta muc'.

Números 28:8

Te xchebal chije ya me yich' milel ta mal c'aal, soc ya me x'ac'bot sjoin harina soc vino, ja' pajal soc te majt'anil ta sabe. Ja' me te majt'anil te bujts'an yiq'ue, te ya xc'ajc' ta jtojol jo'on te Ajwalilone.

1 Crónicas 6:34

te snich'an Elcana, te snich'an Jeroham, te snich'an Eliel, te snich'an Toa,

2 Crónicas 4:6

La spas xan lajuneb yawil ja'etic ta bronce swenta pocjibal. Jo'eb la yac' ta swa'el, soc jo'eb la yac' ta xq'uexen. Ja' la spoquic spisil tey a te majt'aniletic ya xbajt'ic ta chiq'uele. Yan te muc'ul yawil ja'e, ja' swentail te tey ya spoc sbaic a te sacerdoteetique.

Ezequiel 40:38

Ay yan cuarto te jun ay soc te muc'ul cuarto yu'un te ochibale. Tey ya yich' poquel a te chambalametic ya yich'ic chiq'uel scojt'ol yu'un smajt'an te Diose.