Jueces 18:3 - Bible in Tzeltal de Oxchuc y Tenejapa

³ C'alal nopol ayic ta sna te Micaía la sna'ic te bi yaiyel sc'op te querem-levitae. Jich la sjojc'obeyic: —¿Mach'a la yic'at tel li'to? ¿Bi yu'un te li' ayate? ¿Bi ya ale? —la yutic.

Bible in Tzeltal Bachajón

³ Te c'alal nopol ayic ta sna te Micaía la sna'beyic sba ta sc'op te levita-quereme. C'alal c'ohtic tey a hich la sjoc'obeyic: ¿Mach'a la yic'at tal? ¿Bin yac apas? ¿Bin yac ale li'i? xchihic.

Jueces 18:3 ပူးပေါင်းရင်းမြစ်များ

Génesis 27:22

Te Jacob tal ta sts'eel te state. Jich te Isaac la spic yaiy, la yal: “Ja' sc'op yaiyel ya caiy te Jacob; ja'uc me to, ja' nix sc'ab ya caiy te Esaú”, xi'.

Isaías 22:16

“¿Bila ay awu'un li'to, mach'a la yac'bat permiso te ya apas amuquenal li'to, te ya apas muquenal ch'en ta bay cajale, te ya alom ochel ton ta bay cux-o'tan awu'une?

San Mateo 26:73

Ta patil xan noptsaj tel ta stojol te mach'atic tey ayic a: —Melel nix a te ja'at ajoy aba soque, melel chican ta ac'op te ya xc'opojate —xiic.

Jueces 12:6

ja' prueba ya x'ac'bot yal te “Shibolet”. Teme la yal loq'uel ta ye te “Sibolet”, scaj te ma xju' yu'un yalel te bit'il ya sc'an alele, la yich'ic stsaquel ta ora, soc tey me la yich'ic milel a ta bay sts'eel te tec'oja'etic ta Jordán. Te efrainetic ay lajic cheb yoxwinic ta jmil (42,000) winiquetic.

Jueces 18:2

Jich yu'un te mach'atic yu'un Dan la sticunic jajch'el ta Zora soc Estaol jo'tul winiquetic te ma xiwic, swenta yu'un ya xba stsajtayic te q'uinale, yu'un jich me ya sna'ic te bi yilele. Te jo'tul winiquetic bajt'ic ta witstiquil yu'un Efraín, c'otic ta sna Micaía, tey c'ax yu'unic a te ajc'ubale.

Jueces 18:4

Te levita la yalbey te spasoj trato soc Micaía. Te trato spasoj soque, ja' te ay ta sacerdoteil yu'un stuquel.