Jueces 1:4 - Bible in Tzeltal de Oxchuc y Tenejapa

^4-5 Jich yu'un te sts'umbal Judá la spojbey sq'uinal te cananeoetic soc te sq'uinal ferezeoetic, ja' te mach'atic ac'botic ta sc'abic yu'un te Cajwaltique. Ta lum Bezec la stsalic lajunmil (10,000) ta jtul, ta yolilic ay te Adoni-bezec.

Bible in Tzeltal Bachajón

⁴ Baht te Judá, te Jehová la ya'be ta sc'abic te cananeo soc te ferezeo; la smilic jpic soc ho'bahc' (10,000) ta tuhl ta Bezec.

Jueces 1:4 ပူးပေါင်းရင်းမြစ်များ

1 Samuel 11:8

Te c'alal la yajtay te swinictac ta Bezec te Saúl, la yil tsojbaj yu'un jo'lajunwinic ta jmil (300,000) te israeletic, soc lajuneb xcha'winic ta jmil (30,000) talic ta Judá.

1 Reyes 22:15

C'ot ta stojol te muc' ajwalile, jojc'obot yu'un: —Micaías, ¿ya bal xju' ya cac'beytic guerra te lum Ramot-ta-Galaad, o ma xju'? —la yut. Te Micaías la sjac': —Ac'beya guerra, ya me awaiy tsalaw, melel ya me yac'bat ta ac'ab te Cajwaltique —xi'.

1 Reyes 22:6

Te muc' ajwalil yu'un Israel la stsob j'alwanejetic te jteb ma sta jbajc' ta jtule. La sjojc'obey ta spisilic: —¿Ya bal xju' ya cac'bey guerra te lum Ramot-ta-Galaad, o ma xju'? —xi'. La sjaq'uic: —Ac'beya guerra, te Cajwaltic ya me yac'bat ta ac'ab —xiic.

1 Samuel 14:10

Pero teme ya yalbotic te ya xmootic baele, ya me xmootic bael, melel ja' me seña te bit'il ya yac'otic ta tsalaw te Cajwaltique —xi' ta stojol te yabate.

1 Samuel 14:6

Jonatán jich la yalbey te abat yu'une: —La', c'axucotic bael ta jejch'. Ya me xc'ootic c'alal ta banti ayic te jchajp soldadoetic te ma ba xch'uunejic te cuxul Diose. Ora ay bi ya spasbotic ta jtojoltic te Cajwaltic, melel ma ba wocol ya yaiy stuquel teme ya yac'otic ta tsalaw soc jteb nax winiquetic, o teme tsobol winiquetique —xi' te Jonatán.

Deuteronomio 9:3

“Ja' yu'un jich me ya ana'ic te ja' te Cajwaltic te Dios cu'untic te ya xneelaj awu'unique, te ja' pajal soc stuquel te c'ajc' ya xlajinwane. Ja' yu'un ta acomonsitic ya slajin soc ya yac'bey spejc'an sbaic te nacionetique. Ya me anutsic loq'uel soc ya me alajinic ta ora nax, jich nax me ya alajinic ta ora te bit'il ya jmuts' jsitic soc te ya jwic' jsitique, jich nix te bit'il yalojbeyex te Cajwaltique.

Deuteronomio 7:2

Te c'alal bi ora ya yac'beyex ta ac'abic te Cajwaltic te Dios cu'untic te nacionetic, soc te bi ora ya atsalique, jc'axel me ya ajinic, ma me ayuc bila ya achapic soc te nacionetique. Ma me x'ana'beyic yo'bolil sbaic.

Jueces 1:3

Ja' yu'un te sts'umbal Judá la yic' te yermanotac, ja' te sts'umbal Simeón, swenta yu'un jun me ya yac' sbaic ta spojel te q'uinal te ya xc'ot ta swenta Judá, soc ta patil ya xba spojic te q'uinal te ya xc'ot ta swenta Simeón. Te sts'umbal Simeón soc te sts'umbal Judá la xch'uunbey sbaic te sc'opique.

Salmos 44:2

Ja'at yat'el ac'ab te la aloq'ues bael te mach'atic ma ba xch'uunejate, la awac'bey castigo te nacionetique, ja'at la anajc'an ta sq'uinalic te me'il-tatiletique.

Salmos 78:55

La sloq'ues ta stojol Israel te mach'atic ma ba ch'uunbil yu'une; ta juju-jchajb sts'umbal Israel la spucbey ta sejpelsejp te q'uinale, soc la yac' nainuc ta scampamentoic.

Jueces 3:5

Jich te israeletic jajch' sjoin sbaic ta q'uinal soc te cananeoetic, hititaetic, amorreoetic, ferezeoetic, heveoetic soc te jebuseoetique.

Jueces 11:32

Te Jefté la yochintabey sq'uinal te amonetic, soc la sjach guerra. Te Cajwaltic la yac'bey yaiy tsalaw.