San Juan 9:7 - Bible in Tzeltal de Oxchuc y Tenejapa

⁷ Jich la yalbey: —Baan, poca asit ta bay estanqueil ja' te Siloé sbiile —la yut. (Te Siloé, “ticunbil”, xi' c'oem.) Te ma'site ba spoc te site. Te c'alal sujt' baele, ya yilix te q'uinale.

Nuevo Testamento Tzeltal de Amatenango

⁷ Te nax a la yalbe: —Baan, ban poka asit lum ba estanke yuꞌun Siloe sbiile —xyut. Te Siloee, “Tikonbil”, xchi kꞌoem. Te choke bajt ba spokel sit, y te kꞌalal sujt baele ya yilix kꞌinal a.

Bible in Tzeltal Bachajón

⁷ soc hich a yalbe: Bahan, poca asit ta yawil ha' ta Siloé, xchi. (Te Siloé, ha Ticombil, xchi te c'asesbile.) Hich baht, la spoc sit, la yilix q'uinal a suht bahel.

San Juan 9:7 ပူးပေါင်းရင်းမြစ်များ

Nehemías 3:15

Salum snich'an Colhoze, ajwalil yu'un te smaquen q'uinal Mizpa, la xcha'pasbey xan te yochibal lum Sloq'uibja' sbiile. La xcha'pas xan, soc la spasbey yaxibal, soc la yac'bey sti' soc syaweal soc pasador, soc la xcha'pas xan te sts'ajc'ul te estanque yu'un Siloé, te nopol ay soc Ts'unbil Nichimaltic yu'un muc' ajwalil, c'alal ta cajal caj tejc'abal te coem tel ta muc'ul Lum-yu'un-David.

Salmos 146:8

te Cajwaltic ya sjambey sit te mach'atic ma xyilic q'uinal; te Cajwaltic ya stijbey xan jajch'el yo'tanic te mach'atic peq'ueliquixe; te Cajwaltic c'ux ta yo'tan te mach'atic toj yac'oj sbaic;

Éxodo 4:11

Te Cajwaltic la yalbey: —¿Mach'a la spasbey ye te ants-winiquetique? ¿Ma bal jo'ucon? Ya xju' jc'atp'un ta uma', cojc' soc ma'sit.

Isaías 32:3

Ya me xjam ta lec te sitique, jun me yo'tanic ya yaiyic stojol;

Isaías 35:5

Jich me ya xjam sit te ma'sitetic; soc te cojq'uetic ya me xjam xchiquinic.

Isaías 42:7

Ya jc'an ya ajambey sit te mach'atic ma'sitetique, soc ya aloq'ues te mach'a ayic ta chucjibale, ja' te chucjibal ta bay nainemic ta ijc' q'uinal.

Isaías 43:8

“Ticunaic tel te lum cu'une te ay sitic pero ma xyilic q'uinal, soc te ay xchiquinic pero ma xyaiyic c'op.

Isaías 8:6

—Ta scaj nax xiwel yu'un te Rezín soc te snich'an Remalías, te lum ya yilay te ja' te ay ta Siloé, te lamal nax ya x'oquine.

San Mateo 11:5

Cholbeya yaiy te yac ta jamel sit te ma'sitetique, soc te yacalic ta lecubel te coxoetique, soc yacalic ta lecubel sbaq'uetal te jc'a'el-chameletique, soc yacalic ta jamel xchiquin te jcojq'uetique, soc yacalic ta cha'cuxel te animaetique, soc yaquix ta cholel ta stojol me'baetic te lec yach'il c'ope.

San Lucas 13:4

¿Soc acuyojic bal te c'axem to xan ay smulic te bit'il yantic ta Jerusalén ay waxaclajuntul (18) te lajic ta net'el c'alal jin tel te snajt'il sts'ajc'ul ta bay Siloé?

San Lucas 2:32

Ya me sacub q'uinal yu'un ta bay te jyanlumetique; soc ay me yutsilal ya xc'ot yu'un te lum Israel awu'une —xi' te Simeone.

San Juan 10:36

Jich yu'un teme tsabilon yu'un Dios te la sticunon tel ta balumilale, ¿bistuc ya awalbonic te yacon ta stoybac'optayel Dios a te bit'il la cal te ja' Snich'anone?

San Juan 11:37

Ay cha'oxtul te judioetic la yalique: —Te bit'il la sjambey sit te ma'site, ¿ma bal ju'uc yu'un te manchuc la yac' lajuc te Lázaroe? —xiic yu'un.

San Juan 9:11

La yal te winique: —Jtul winic te Jesús sbiile, la spas ajch'al. La sbalanbon ta jsit, soc la yalbon: “Baan ta bay estanqueil ja' te Siloé sbiile. Baan, poca asit”, la yuton. Jich boon. C'alal la jpoc te jsite, jich la quil te q'uinale —xi'.

San Juan 9:39

La yal te Jesuse: —Talemonix li' ta balumilal to swenta yu'un ya xchicnaj te mach'a leque soc te mach'a amene. Jich yu'un te mach'atic ma xyilic q'uinale, ya me xjam sitic. Yan te mach'atic ya yilic q'uinal ta sc'opique, ya me xc'atp'ujic ta ma'sit —xi'.

Hechos 26:18

Yu'un ya me xc'o ajambey sitic, swenta yu'un ya yijq'uitayic te ijc' q'uinale, jich me ya xbeenic ta saquil q'uinal. Soc swenta yu'un ma me ayuc xan ta sc'ab te Satanase, ja' me ya yac' sbaic ta sc'ab te Diose. Jich me ya xch'uunonic, soc ya me jpasbey perdón yu'un te smulique, soc ya me yac' ainuquic tey a ta banti ainemic te mach'atic ch'ultesbilique”, xi' ta yalbelon te Jesuse.

Romanos 8:3

Melel ma ju' yu'un te la scoltayotic te mandalile, ta scaj te ma'yuc yip te jbaq'uetaltique. Jich yu'un Dios la sticun tel te Snich'ane, jich bit'il milbil majt'anil yu'un mulil. Pajal sbaq'uetal c'ot soc te jmulawil ch'ich'-baq'uete. Jich ta swenta sbaq'uetal ju' yu'un te la yac' ta lajel te mulil te ay ta jbaq'uetaltique.

Gálatas 4:4

Ja'uc me to, te c'alal la sta yorail yu'un te Diose, la sticun tel ta balumilal te Snich'ane. Alatayot yu'un jtul ants soc swentainot yu'un te mandalile.