San Juan 9:41 - Bible in Tzeltal de Oxchuc y Tenejapa

⁴¹ Jesús la yalbey yaiyic: —Te yu'unuc ma'situquexe, ma'yuc amulic te jichuque. Ja'uc me to, ya awalic te jamal asitique, ja' ma xch'ay amulic yu'un —xi' te Jesuse.

Nuevo Testamento Tzeltal de Amatenango

⁴¹ Te Jesuse la sjakꞌtalanbe: —Te chokukex te jaꞌexe, maꞌyuk amulik te jichuke. Pero ya awalik te ma chokukexe. Jaꞌ ma xchꞌay amulik yuꞌun —xchi te Jesuse.

Bible in Tzeltal Bachajón

⁴¹ La sjac' te Jesús: Te ts'o'situquex, mayuc amulic te hichuque, pero yo'tic, te bin ut'il yac awalic: Ya quilcotic q'uinal, te xchihex, ay amulic ya xhil.

San Juan 9:41 ပူးပေါင်းရင်းမြစ်များ

Proverbios 26:12

Ya xju' te ay bila lec ya xc'ot ta stojol te mach'a ma sna' q'uinale, pero jc'axel ma'yuc lec bi ya sta te mach'a ya scuy sba ta p'ije.

Isaías 5:21

¡Ya me awil awocolic, ja'ex te ya acuy abaic te p'ijexe, soc te ya ana'ic q'uinal ta lec ta ac'opique!

Jeremías 2:35

Ja'uc me to, manchuc me jich ay, jich ya awal: “Jo'on ma'yuc jmul. Ma ba ilinemix Dios ta jtojol”, xaat. Lec ay, te bit'il ya awal te ma ba apasoj mulile, ya me quic'at ta chajbanel.

San Lucas 12:47

“Jich te abat te sna'oj te bila la sc'an yo'tan te yajwale, te ma la xchajban sba soc te ma la spas te bila la sc'ane, ya me x'ac'bot bayal ta jyalel majel.

San Lucas 18:14

Ya calbeyex: Te jc'an-patane libre c'otix ta stojol Dios te c'alal sujt' bael ta snae. Yan te fariseo ma'yuc bila la sta stuquel, melel te mach'a cajal ya yac' sbae, peq'uel me ya xc'ot. Yan te mach'a peq'uel ya yac' sbae, ja' me cajal ya xc'ot stuquel —xi' te Jesuse.

Hebreos 10:26

Melel teme spasemal co'tantic ya jleulay xan jmultic te bit'il quich'ojtiquix te smelelil c'ope, ma'yuquix yan milbil smajt'an Dios yu'un xch'ayel te mulile.

Santiago 4:17

Te mach'a ya sna' spasel te bila leque, teme ma jichuc la spase, ja' mulil abi.