San Juan 9:39 - Bible in Tzeltal de Oxchuc y Tenejapa

³⁹ La yal te Jesuse: —Talemonix li' ta balumilal to swenta yu'un ya xchicnaj te mach'a leque soc te mach'a amene. Jich yu'un te mach'atic ma xyilic q'uinale, ya me xjam sitic. Yan te mach'atic ya yilic q'uinal ta sc'opique, ya me xc'atp'ujic ta ma'sit —xi'.

Nuevo Testamento Tzeltal de Amatenango

³⁹ Te nax a la yal te Jesuse: —Joꞌon te talemonix liꞌ ba balmilal to yuꞌun jich me ya xchiknaj a te machꞌa leke sok te machꞌa ma lekuke. Yuꞌun jich te machꞌatik chokike ya me yilik kꞌinal; y te machꞌatik ya yilik kꞌinal ta skꞌopike, ya me xlaj sujt ta chok —xchi.

Bible in Tzeltal Bachajón

³⁹ La yal te Jesús: Ha talemon ta bahlumilal scuenta jchahpanwanej, scuenta yu'un te mach'atic ma ba ya yilic q'uinal, ya me yilic q'uinal, soc te mach'atic ya yilic q'uinal, ts'o'sit ya xc'ohtic, xchi.

San Juan 9:39 ပူးပေါင်းရင်းမြစ်များ

Isaías 29:10

Melel te Cajwaltic sticunejbeyex tel ta atojolic buen sc'ubulil wayel. Te j'alwanejetic ja' me sitic c'oem te lume; ja'uc me to, te Cajwaltic smacojbey ta pac' c'oem te sitique.

Isaías 44:18

Te ants-winiquetic ma sna'ic q'uinal ta jyalel, ma xc'ot ta yo'tanic. Ma'situbenic ta jyalel te ma xju' yu'unic yilele; mero macal ta jyalel te yo'tanique, jich ma sna'ic stojol.

Isaías 6:9

Jich la yalbon: —Baan, jich me ya awalbey te lume: “Manchuc me ya awaiy stojol ta lec yilel, ma xc'ot ta awo'tan; manchuc me ya awilic ta lec yilel, ma xana'beyic swentail”, uta me.

Ezequiel 12:2

—Te ja'at winic, nainemat ta yolil te lum tulan yo'tanique. Ay sitic yu'un ya yilic q'uinal sc'oplal a, pero ma ba ya yilic q'uinal. Ay xchiquinic yu'un ya yaiyic c'op sc'oplal a, pero ma ba ya yaiyic c'op. Melel ja'ic te lum te tulan yo'tanique.

San Mateo 11:5

Cholbeya yaiy te yac ta jamel sit te ma'sitetique, soc te yacalic ta lecubel te coxoetique, soc yacalic ta lecubel sbaq'uetal te jc'a'el-chameletique, soc yacalic ta jamel xchiquin te jcojq'uetique, soc yacalic ta cha'cuxel te animaetique, soc yaquix ta cholel ta stojol me'baetic te lec yach'il c'ope.

San Mateo 15:14

Ac'a yil sbaic jiche te melel ya stojtesic ta be ma'sitetic ta sc'opic, ja'uc me to, pajal ma'sit c'oemic soc. Jich yu'un teme ay jtul ma'sit ya stojtes ta beel te mach'a pajal ma'sit soque, xchebalic me ya xch'ayic ta xaab —xi' te Jesuse.

San Mateo 6:23

Yan teme amen te asite, scojt'ol abaq'uetal ayat ta ijc' q'uinal yu'un. Teme acuyojic ta saquil q'uinal te ijc' q'uinale, jc'axel ayex ta ijc' q'uinal abi.

San Lucas 1:79

swenta yu'un ya me yac' sacubuc q'uinal ta stojol te mach'atic ayic ta sc'ubulil te ijc' q'uinale soc ta bay yaxinal te lajele, soc ya me stojtesotic bael ta sbelal te lamal q'uinale —xi' te Zacariase.

San Lucas 13:30

Jich te mach'atic slajibal ayique, ja' sbabial ya xc'otic. Yan te mach'atic sbabial ayique, ja' me slajibal ya xc'otic stuquelic —xi' te Jesuse.

San Lucas 2:34

Te Simeón la sc'anbey bendición ta stojolic, soc la yalbey te María te sme' te alale: —Aiya awaiy stojol, ja' in alal to, ay me tsobol te israeletic te ya xjinic yu'un soc ay me tsobol ya xtoy sc'oplalic yu'un. Te alale ja' seña yac'oj Dios te tsobol ya scontroinique.

San Lucas 4:18

“Te Espíritu yu'un te Cajwaltique julix ta jtojol, yu'un tsabilon yu'un ta yalel te lec yach'il c'op ta stojol te me'baetique. Ticunbilon tel ta scoltayel te mach'atic ay swocolic ya yaiyic ta yo'tanique, soc te ya calbey yaiyic te bit'il ya xcolic ta libre te mach'atic ayic ta chuquele, soc te ya jambey sitic te ma'sitetique, soc te ya jcoltay ta libre te mach'atic mosoinbilique,

San Lucas 7:21

Te c'alal tey ayic a la yilic te bit'il yac ta slamantesel tsobol jchameletic te Jesuse, chican te bit'il ay te xchamelique soc te bila c'ux ya yaiyique. Soc yac ta sloq'uesbel pucuj ta yo'tanic te mach'atic ay pucuj ta yo'tanique. Soc yac ta sjamel sit tsobol ma'sitetic.

San Juan 12:31

Melel la staix yorail te ya x'ich'bot sc'op yu'un smulic te mach'atic ayic ta balumilale. Soc la staix yorail te ya xch'ojotix loq'uel uuc te ajwalil yu'un te balumilale.

San Juan 12:46

Jo'on te sacuben q'uinal cu'un, talemon ta balumilal swenta yu'un spisil te mach'a ya xch'uunone ma x'ain ta ijc' q'uinal.

San Juan 3:17

Ma ja'uc la sticun tel Snich'an ta balumilal yu'un te ya yac' ta lajel yu'un smulic te ants-winiquetique. Ja' la sticun tel yu'un te ya scoltaye.

San Juan 3:19

Ja' smulic c'ot te c'alal tal ta balumilal te saquil q'uinale, te ants-winiquetic ma la smulanic. Ja' toyol yo'tanic yu'un te ijc' q'uinale scaj te bit'il amen te yat'elique.

San Juan 8:12

Te Jesús cha'c'opoj xan. Jich la yal: —Jo'on J'ac'-saquil-q'uinalon yu'un te balumilale. Jich yu'un te mach'a ya st'unone, ma ba ya xbeenix ta ijc' q'uinal, ayix xcuxlejal ta swenta te saquil q'uinale —xi' te Jesuse.

San Juan 8:15

Te ja'exe ya alebeyic smul yan ta swenta nax te bi yilel ya awilique. Yan te jo'one ma'yuc mach'a ya calbey smul.

San Juan 9:25

La yal te winique: —Te jo'one ma jna' teme jmulawile, o ma jmulawiluque. Ja' nax ya jna' te ma'siton ta neelale, ja'uc me to, ya quilix q'uinal ta ora to —xi'.

Hechos 26:18

Yu'un ya me xc'o ajambey sitic, swenta yu'un ya yijq'uitayic te ijc' q'uinale, jich me ya xbeenic ta saquil q'uinal. Soc swenta yu'un ma me ayuc xan ta sc'ab te Satanase, ja' me ya yac' sbaic ta sc'ab te Diose. Jich me ya xch'uunonic, soc ya me jpasbey perdón yu'un te smulique, soc ya me yac' ainuquic tey a ta banti ainemic te mach'atic ch'ultesbilique”, xi' ta yalbelon te Jesuse.

2 Corintios 2:16

Melel te mach'atic ch'ayel ya xbajt'ique, jich c'oemotic ya yaiyic te bit'il bayal stuil te ya xlajic yu'une. Yan te mach'atic ya xcolique, jich c'oemotic ya yaiyic te bit'il perfume te ya xcuxinic yu'une. Ta spisil in to, ¿mach'a ya xju' yu'un spasel ta stuquel nax?

Efesios 5:14

Ja' swentail te jich ay ta alele: “Wic'a asit, ja'at te wayalate, jajch'an tel ta bay te animaetique. Ya yac' tiluc saquil q'uinal ta atojol te Cristoe”, te xie.

2 Tesalonicenses 2:10

Ya me stuuntes spisil ta jchajp muliletic te ya slo'lay a te mach'atic ya xbajt'ic ta ch'ayel, ta scaj te ma la sc'an xch'uun te smelelil c'op te ay colel yu'une.

1 Pedro 2:9

Yan te ja'exe, tsabilex yu'un Dios soc te lum yu'une. Sacerdoteex yu'un te Muc' Ajwalile. Ch'ul muc'ul lumex soc manbilex yu'un te Diose, swenta yu'un ya me apuquic ta alel te jchajp at'eliletic spasoj te Diose te bit'il la yiq'uex loq'uel tel ta bay te ijc' q'uinale soc te la yiq'uex ochel ta bay te saquil q'uinal te jelawen yutsile.

1 Juan 2:11

Yan te mach'a yilintayej te yermanoe, yu'un nanix ainem ta ijc' q'uinal, tey yac ta beel a. Jich ma sna' te banti ya xbajt'e, melel ma'sit c'oem yu'un te ijc' q'uinale.