San Juan 9:29 - Bible in Tzeltal de Oxchuc y Tenejapa

²⁹ Jna'ojtic stojol jo'otic te c'oponot yu'un Dios te Moisese. Yan te mach'a ya awale, ni ya jna'tic stojol xujt'uc te banti taleme —xiic.

Nuevo Testamento Tzeltal de Amatenango

²⁹ Te joꞌotike jnaꞌojtik te Dios a kꞌoponot yuꞌun te jMoisese, yan te machꞌa ya awale, ni ma jnaꞌtik ba talem —xchiik.

Bible in Tzeltal Bachajón

²⁹ Jna'ojcotic te c'oponot yu'un Dios te Moisés, pero te winic ini, ma jna'cotic ban talem stuquel, xchihic.

San Juan 9:29 ပူးပေါင်းရင်းမြစ်များ

1 Reyes 22:27

Albeyaic te jo'on ya cal mandal te ya yaq'uic ta chucjibal, soc ac'a yac'beyic swe' taquin waj soc jteb nax ja', ja' to te c'alal buen lec ayon a ya sujt'on tale —xi'.

2 Reyes 9:11

Te Jehú c'alal ba stsob xan sba soc te yantic capitán-soldadoetic yu'un te yajwalique, jich jojc'obot yu'unic: —¿Bi yac ta c'oel ta pasel? ¿Bi yu'un tal yilat te mach'a jsoquem-jole? —xiic. La sjac' te Jehú: —Ja'ex nix ana'beyejic sba, soc ana'ojic te bit'il ya xc'opoje —xi'.

Salmos 103:7

La yac'bey yil te sbe soc te yat'el ta stojol Moisés soc ta stojol lum Israel.

Salmos 105:26

Ja' yu'un te Dios la sticun te yabat Moisés, soc Aarón te tsabil yu'une,

Salmos 106:16

Ta scampamentoic la sbic'tal-o'tantayic te Moisés soc te Aarón, te ch'ultesbilic yu'un te Cajwaltique.

Salmos 22:6

Te jo'one ma winicucon, jich c'oemon bit'il yalja; te jo'one ya stse'luyon te ants-winiquetique.

Malaquías 4:4

“Na'aic me te mandalil te la cac'bey te cabat Moisés ta wits Horeb. Ja'ic te mandaliletic, te spisil Israel ya me sc'an xch'uunic spasel.

Números 16:28

Te Moisés la yal xan: —Ta ora to ya jpasbeyex prueba awilic te ja' te Cajwaltic la sticunon tel ta spasel spisil te bitic ya jpase, te ma me ja'uc ya jpas te sc'anjel co'tane.

San Mateo 12:24

Te c'alal la yaiyic stojol te fariseoetique, jich la yalic yu'un: —Ja' in winic to, ya sloq'ues pucujetic ta swenta Beelzebú ja' te mero ajwalil yu'un te pucujetique —xiic.

San Mateo 26:61

te jich la yalique: —In winic to la yal: “Ya xju' ya jin te templo yu'un te Diose, soc ya xju' ya jcha'pas xan ta oxeb nax c'aal”, xi' la caiytic —xiic.

San Lucas 23:2

Tey la yalic a te bila smulinej ta sc'opique, jich la yalic: —Ja' in winic to, ya sjajch'es c'op ta spamal te nación cu'untique. Ya scomotic ta stojel te patan yu'un César. Soc ya yal sba te ja' Cristo te muc' ajwalile —xiic.

San Juan 1:17

Melel ta swenta Moisés ac'bototic te mandalile. Yan te yutsil-o'tanile soc te bila melele, ja' chicnaj ta swenta stuquel te Jesucristoe.

San Juan 7:27

Ja'uc me to, ya jna'tic te banti taleme. Yan te c'alal ya xtal te Cristoe, jtul ma'yuc mach'a ya sna' te banti ya xtale —xiic.

San Juan 7:28

Te c'alal yac ta p'ijubteswanej ta templo te Jesuse, tulan caj ta c'op: —¿Melel bal te ya ana'bon jba soc te ya ana' te banti talemone? Ja'uc me to, ma jtuquel-o'tanuc te talemone. Ja' ticunbilon tel yu'un te mach'a smelelil ya xc'opoje te ma x'ana'beyic sbae.

San Juan 8:14

La yal te Jesuse: —Manchuc teme jo'on ya cal jc'oplal ta testigoe, ja'uc me to, smelelil te bila ya cale. Melel jna'oj te bay talemone soc jna'oj te bay ya xboone. Yan te ja'exe ma x'ana'ic te bay talemon soc te bay ya xboone.

San Juan 9:16

Ay cha'oxtul te fariseoetic la yalique: —Ma ba talem ta stojol Dios me to, melel ma scanantay te bi c'aalil swenta cux-o'tan —xiic. Soc ay la yalic: —¿Ya bal c'an ju'uc yu'un spasel jtul jmulawil in señailetic to? —xiic. Jich ma junuc yo'tan sbaic yu'un.

San Juan 9:24

Jich yu'un te judioetique la xcha'yiq'uic xan tel te winic te ma'sit ta neelale. Jich la yalbeyic: —Albotic ta jamal ta stojol Dios te mach'a la sjambat te asite, yu'un jna'ojtic stojol jo'otic te jmulawil te winic ya awale —xiic.

San Juan 9:30

La yal te winique: —Jchajp nax ya caiy a te ma x'ana'ic stojol ja'ex te bay taleme, melel la sjambonix te jsite.

Hechos 22:22

Te c'alal la yaiyic stojol in to te jich la yal te Pabloe, jajch'ic ta aw: —Bajt'uc ta milel te winique. Ma snujp'in te cuxul ta q'uinale —xiic ta aw.

Hechos 26:22

Ja'uc me to, te bit'il la scoltayon te Diose jich jun co'tan yacon ta yalel sc'oplal ta ora to ta stojol spisil muc'-biq'uit. Ma'yuc yan te bila ya cal, ja' nix ya cal te bila yalojic te antiguo j'alwanejetic soc te Moisese. Jich la yalic te ya xc'ot ta pasel

Hechos 7:35

“Te jlumaltic israeletique ma la sc'an yich'ic ta muc' te Moisese, melel jich la yalbeyic: “¿Mach'a la yac'bat awat'el ta ajwalil soc ta juez?”, te xi' sc'oplal yu'unique. Ja'uc me to, Dios la yac'bey yat'el ta ajwalil soc ta yaq'uel ta libre ta swenta te ch'ul abat te chicnaj ta stojol ta bay jpejt' ch'ix te yac ta tilele.

Deuteronomio 34:10

Pero ma'yuquix yan jich j'alwanej yu'un Dios chicnaj ta Israel te bit'il Moisés, te mero ta ye nix c'opoj soc te Cajwaltique,

Hebreos 1:1

Ta namey q'uinal Dios la sc'opon te namey q'uinal jme'-jtatic ta swenta te j'alwanejetic yu'une. Ma junuc nax buelta te la sc'opone, soc yanyan te bit'il la sc'opone.

Hebreos 1:2

Yan ta ora to te slajibal c'aal ayotique, la sc'oponotiquix ta swenta te Snich'ane. Dios la spas ch'ulchan balumilal ta swenta te Snich'ane, soc ja' yac'ojbey yu'unin spisil te bitic aye.