San Juan 9:22 - Bible in Tzeltal de Oxchuc y Tenejapa

²² Jich la yal te sme'-state scaj te la xi'ic te judioetique. Melel chajbanbilix yu'unic te ya yich' loq'uesel ta sinagoga chican mach'a a te ya yal te ja' Cristo te Jesuse.

Nuevo Testamento Tzeltal de Amatenango

²² Te smeꞌ-state jich a yalik yuꞌun xiꞌik yuꞌun te juriyoetike. Jaꞌ yuꞌun te juriyoetik snopojikix te ya xchꞌojik lokꞌel ta sinagoga machꞌauk a teme ya yal te jaꞌ Cristo te Jesuse.

Bible in Tzeltal Bachajón

²² Hich la yal te sme'stat yu'un xi'ojic te judíohetic, como te judíohetic schapojic te ya yich' loq'uesel ta sinagoga te mach'a ya sch'uhun te ha Mesías te Jesús.

San Juan 9:22 ပူးပေါင်းရင်းမြစ်များ

Proverbios 29:25

Te xiwel ta stojol ants-winiquetic, spejts'ul c'oem; yan te mach'a ja' smuc'ulinej yo'tan te Cajwaltique, canantaybil stuquel.

Isaías 51:12

Ya yal te Cajwaltic: —Jo'on nix me ya jmuc'tesbat awo'tan. ¿Mach'a ya awaiyic a te ya axi'e? ¿Ja' bal te winiquetique? ¿Ja' bal te winiquetic ya xlajic, te jich nax c'oemic te bit'il aque?

Isaías 51:7

“Aiybon awaiyic stojol ja'ex, te ya ana'ic te bila toje, te ay sc'oplal ya xc'ot ta awo'tan te p'ijubtesel cu'une. Ma me x'axi'ic te bolc'optayel yu'un te ants-winiquetique; ma xawac' abaic ta pejc'anel yu'un te yixta-c'opique.

Isaías 57:11

“¿Mach'atic a te diosetic te axi'oj soc te awich'oj ta muc', te ma tojuc awo'tan ta jtojol yu'une, soc te jc'axel la ach'ayon ta awo'tan yu'une? Te c'alal ma ba la awich'on ta muc', ma ba c'opojon, ma'yuc bila la cal yu'un.

San Lucas 6:22

“Bin nax me awutsilic ja'ex teme ayex ta ilayel yu'un te ants-winiquetique, soc teme ya stenex loq'uele, soc teme ya sbolc'optayexe, soc teme ya sp'ajex te bit'il amenex ta sc'opic ta scaj te Nich'anile.

San Juan 1:19

Ay talic sacerdoteetic soc levitaetic ta stojol te Juane, ticunbilic tel yu'un te jwolwanej-judioetic ta Jerusalén. Jich jul sjojc'oyic: —¿Te ja'ate, mach'aat? —xiic.

San Juan 16:2

Ya me stenex loq'uel ta sinagogaetic, soc ya me sta yorail te mach'auc ya smilexe, yu'un scuyojic te ja' yat'el Dios te ya spasique.

San Juan 19:38

Ta patil ay jtul winic José sbiil te talem ta ch'in lum Arimatea. Ja' nix jnopojel yu'un te Jesuse. Ja'uc me to, muquen ay, yu'un xi'oj te judioetique. Te José ba yalbey wocol te Pilato te yacuc yich'bey bael sbaq'uetal te Jesuse. Te Pilato la yac' permiso. Jich te José ba yich'bey bael sbaq'uetal te Jesuse.

San Juan 20:19

Ja' nix te sba c'aalil semana te stsoboj sbaic ta ajc'ubal te jnopojeletique. Smacoj sbaic ta na scaj te ya xi'ic te judioetique. Te Jesús tal stejc'an sba ta yolilic, soc la yal: —Muc'ubenuc me q'uinal ya awaiyic —xi'.

San Juan 7:13

Ja'uc me to, muquen yacalic ta yalel, scaj te ya xi'ic te judioetique.

San Juan 9:18

Te judioetique ma xch'uun yo'tanic teme yu'un nanix ma'sit ta neelal te winic te bit'il ya yilix q'uinale. Jich la sticunic ta iq'uel te sme'-state.

San Juan 9:21

Ja'uc me to, ma jna'tic te bit'il ay te ya yilix q'uinale. Soc ma jna'tic xaal te mach'a jambot sit yu'une. Jojc'obeya awaiyic stuquel, melel muc'ul winiquix. Ac'a yalbat stuquel —xiic.

San Juan 9:34

La yalbeyic: —Mero jmulawilat ja' to c'alal ayinate. ¿Ja' bal c'an ap'ijubtesotic? —la yutic. Jich la sloq'uesic ta sinagoga.

San Juan 9:35

La yaiy stojol Jesús te la sloq'uesiquix te mach'a ma'sit ta neelale. La sta sba soc te winique. Jich la yalbey: —¿Ya bal ach'uun te Snich'an Diose? —xi'.

Hechos 4:18

Jich la yiq'uic xan ochel. Tulan mandal la yalbeyic te ma ba ya spuquic xan ta alel soc ta nopel sc'oplal te Jesuse.

Hechos 5:13

Jtul ma'yuc mach'a jowil nax tal slaq'uic, ja'uc me to, te lume lec nax yo'tanic ta stojolic.

Hechos 5:40

Spisil te mach'atic ayic ta tsobleje, c'ot ta yo'tanic. Jich la yiq'uic ochel te jpuc-c'opetique, soc la yalic mandal te ya yich'ic majele, soc la scomic te ma me xyalbeyic xan sc'oplal sbiil te Jesuse. Jich la scoltayic bael.

Apocalipsis 21:8

Yan te mach'atic ya xiwique, soc te ma sc'an xch'uunone, soc te mach'atic ilaybil sba te bila ya spasique, jmilawaletic, jmulwejetic, j'ac'chameletic, soc te mach'atic jch'uunej-loc'ombaetic, jpas-lotetic, ta spisilic in to, ja' me ya xbajt'ic ta bay muc' pamal c'ajc' te yac ta tilel soc azufre te ja' xchebal buelta lajele —la yuton.