San Juan 9:2 - Bible in Tzeltal de Oxchuc y Tenejapa

² Te jnopojeletic yu'une la sjojc'oyic: —Maestro, ¿mach'a smul te ma'sit ayin in winic to? ¿Scaj bal smul sme'-stat, o scaj bal smul stuquel? —xiic.

Nuevo Testamento Tzeltal de Amatenango

² Te jnopojeletik yuꞌune la sjojkꞌobeyik: —Maestro, ¿tut yuꞌun te chok a ayin te winik to? ¿Me jaꞌ smul te state o stukel ta smul? —xchiik.

Bible in Tzeltal Bachajón

² Hich joc'obot yu'un te jnopojeletic yu'une: Rabí, ¿mach'a ta smul te ts'o'sit a ayin ha'i winic ini, ha bal ta smul stuquel o ha bal ta smul sme'stat? xchihic.

San Juan 9:2 ပူးပေါင်းရင်းမြစ်များ

Éxodo 20:5

Ma me xaquejan aba ta stojolic, ma me xach'uunic. Melel jo'on Ajwalilon te Dioson awu'une. Jo'on Dioson te jc'axel ma jmulan teme ya ale yantic diosetic awu'un. Ya cac'bey castigo yu'un smulic te me'il-tatiletic ya yilayonique, soc te snich'nabic ta yoxcajal soc ta xchancajal.

San Mateo 16:14

La yalic: —Ay ya yalic te ja'at Juanat te J'ac'-ich'ja'e. Te yane ya yalic te ja'at Eliasat. Soc ay yantic ya yalic te ja'at Jeremiasat, o yan namey q'uinal j'alwanejat yu'un te Diose —xiic.

San Mateo 23:7

Soc ya smulanic te ya xpatbot yo'tanic ta comonsitil ta bay yolil ch'iwich, soc ya smulanic te “maestro” ya x'utotic yu'un te ants-winiquetique.

San Mateo 23:8

“Yan te ja'exe, ma me x'ac'anic te “maestro” xi' ac'oplalique. Melel awermano abaic ta apisilic soc jtul nax maestro ay awu'unic.

San Lucas 13:2

Te Jesús la yalbey: —¿Yu'un bal acuyojic te c'axem to xan ay smul stuquelic te bit'il ay smulic te yantic slumale, te bit'il jich c'ot ta swentaique?

San Juan 4:31

Te c'alal baem ta lum ta yalel sc'oplal Jesús a te antse, te jnopojeletique la yalbeyic wocol te Jesuse: —Maestro, we'an —xiic.

San Juan 9:1

Te c'alal yac ta c'axel bael te Jesuse, la yil jtul winic te ma'sit ta yainab toe.

San Juan 9:34

La yalbeyic: —Mero jmulawilat ja' to c'alal ayinate. ¿Ja' bal c'an ap'ijubtesotic? —la yutic. Jich la sloq'uesic ta sinagoga.

Hechos 28:4

La yilic te mach'atic ainemic tey a te bit'il jipil ta sc'ab jti'awal chan te Pabloe. Jich caj yalbey sbaic yu'un: —Ja' in winic to, mero jmilawal niwan. Manchuc teme colix ta lajel ta mar, ja'uc me to, ma x'ac'ot cuxinuc xan yu'un te chajbanel yu'un te dios cu'untique —xiic.