San Juan 9:18 - Bible in Tzeltal de Oxchuc y Tenejapa

¹⁸ Te judioetique ma xch'uun yo'tanic teme yu'un nanix ma'sit ta neelal te winic te bit'il ya yilix q'uinale. Jich la sticunic ta iq'uel te sme'-state.

Nuevo Testamento Tzeltal de Amatenango

¹⁸ Pero te juriyoetike maꞌ skꞌan xchꞌuunik teme jaꞌa nix a te chok te nail toe te ya yilix kꞌinale. Jaꞌ yuꞌun ba yikꞌbeyik tal te smeꞌ-state,

Bible in Tzeltal Bachajón

¹⁸ Pero te judíohetic ma ba la sch'uhunic te ha ts'o'sit ta nahil to soc te jahmix te site, ha to c'alal la yic'beyic tal te sme'stat te mach'a jambot sit,

San Juan 9:18 ပူးပေါင်းရင်းမြစ်များ

Génesis 19:14

Jich loc' bael te Lot, ba sc'opon te queremetic te chapal ya yic' sbaic soc te yantsil-nich'nabe, jich la yalbey yaiyic: —Jajch'anic, loc'anic tel, yu'un ya yich' lajinel yu'un Cajwaltic te lume —la yut. Ja'uc me to, te queremetic la scuyic te ma meleluc.

Isaías 26:11

Cajwal, chapalix awu'un te castigo; ja'uc me to, ma sc'an sna'ic stojol. C'alal ya yilic te yip xc'uxul awo'tan ta stojol te lum awu'une, ya me xjilic ta q'uexlal yu'un. Ayuc laj bit'il ya xlajic ta c'ajq'uel yu'un sc'aal te awilimbae.

Isaías 53:1

¿Mach'a ya xch'uun te bi caiyojtic stojole? ¿Mach'a yac'ojbey sna' stojol Cajwaltic te yu'ele?

San Lucas 16:31

“Te Abrahame la yalbey: “Teme ma sc'an ya yaiybeyic stojol te bila la yal te Moisese soc te j'alwanejetique, ¿ja' to bal ya xc'ot ta yo'tanic a teme ya xcha'cux tel jtul anima ya yilique?”, xi' te Abrahame —xi' ta yalel te Jesuse.

San Juan 1:19

Ay talic sacerdoteetic soc levitaetic ta stojol te Juane, ticunbilic tel yu'un te jwolwanej-judioetic ta Jerusalén. Jich jul sjojc'oyic: —¿Te ja'ate, mach'aat? —xiic.

San Juan 5:44

¿Bit'il c'an ach'uunonic? Melel ja' nax ay sc'oplal ta awo'tanic te ich'el ta muc' yu'un te yantique. Ma ja'uc ya aleic te bit'il ya x'ac'otat ta ich'el ta muc' yu'un te Diose.

San Juan 9:19

La sjojc'obeyic: —¿Ja' bal anich'an in to te ma'sit ta ac'opic te c'alal ayine? ¿Bit'il a te ya yilix q'uinale? —xiic.

San Juan 9:22

Jich la yal te sme'-state scaj te la xi'ic te judioetique. Melel chajbanbilix yu'unic te ya yich' loq'uesel ta sinagoga chican mach'a a te ya yal te ja' Cristo te Jesuse.

Hebreos 4:11

Jich yu'un ya sc'an ya cac'tic puersa te ya x'ochotic tey a ta bay te cux-o'tane. Ma me jc'ainbeytic jtuluc te bila la spasic te mach'atic ma la xch'uunbeyic smandal te Diose.