San Juan 8:54 - Bible in Tzeltal de Oxchuc y Tenejapa

⁵⁴ La yal te Jesuse: —Teme jo'on ya cac' jba ta ich'el ta muq'ue, xujt' ma'yuc swentail. Ja'uc me to, ja' ya yac'on ta ich'el ta muc' te Jtate, te ja' nix Dios awu'unic ya awalique.

Nuevo Testamento Tzeltal de Amatenango

⁵⁴ Te Jesuse la sjakꞌtalanbe: —Teme joꞌon nax ya jkꞌan ya kakꞌ jba ta akꞌel ta jkuentae, te tut ya kale ma baleuk ya xkꞌot. Pero jaꞌ ya yakꞌon ta akꞌel ta jkuenta te jTate, te jaꞌ mismo ya awalik te akuyojik te Dios awuꞌunike.

Bible in Tzeltal Bachajón

⁵⁴ La sjac' te Jesús: Teme ho'on nix ya cac' jba ta ich'el ta muc', mayuc scuentahil ya xc'oht; pero ha te Jtat te ya yac'on ta ich'el ta muc', ha te Dios awu'unic ta ac'opique.

San Juan 8:54 ပူးပေါင်းရင်းမြစ်များ

Proverbios 25:27

Ma lecuc te bayal ya yich' lo'el te chabe; pero ja' lec te ya yich' t'unel ta lec te bila chujc'ul ta na'ele.

Isaías 66:5

Aiybeya awaiyic stojol sc'op te Cajwaltique, ja'ex te awich'ojbeyic ta muc' te sc'ope: —Te ja'exe ay alumalic nix te ya slab-o'tantayex soc ya yuts'inex, melel ya atabonic ta alel te jbiile. Jich ya yalic: “Ac'a yac' ta ilel yutsilal ta atojolic te Cajwaltique; ya jc'antic te binuc nax awo'tanic ya quiltique”, xiic. Ja'uc me to, ya xq'uexawic jilel.

Oseas 1:9

Jich yu'un te Cajwaltic la yalbey te Oseas: —Lo-ami sbiil xawac'bey te alale, melel te ja'exe ma ja'uquexix te lum cu'une, ni ma jo'uconix te Dioson awu'unique —xi'.

San Juan 17:1

C'alal laj yo'tan ta yalel in to te Jesuse, la stoy moel sit ta ch'ulchan soc jich la yal: —Jtat, c'otix yorail te ya awac' ta ilel yutsilal te Anich'ane, swenta yu'un ya me yac' ta ilel uuc te awutsilale.

San Juan 17:5

Ta ora to, Jtat, ac'bon quich' xan cutsilal ta atojol jich te bit'il pajal ay cutsilaltic a te c'alal ma to xchicnaj te balumilale.

San Juan 2:11

Ja' in to, ja' sbabial yu'un spisil te señailetic te la yac' ta ilel yutsilal a te Jesuse. Tey c'ot ta pasel ta lum Caná te ay ta sq'uinal Galilea. Te bit'il la yilbeyic seña yu'el Jesús te jnopojeletique, jich la xch'uun yo'tanic te mach'a a.

San Juan 5:41

“Ma ja'uc ay sc'oplal ta co'tan te ya quich' ich'el ta muc' yu'un ants-winiquetique.

San Juan 7:18

Te mach'a sc'op nax stuquel te ya yac' ta nopele, ja' ya spas yu'un te yacuc x'ich'ot ta muc' yu'une. Yan teme ja' ya sc'an ya yac' ta ich'el ta muc' te mach'a ticunbil tel yu'une, ja' ya yac' ta nopel te bila melele soc ma'yuc lo'laywanej ta yo'tan.

San Juan 7:39

Te bit'il jich la yale, ja' la yalbey sc'oplal te Ch'ul Espíritu te ya x'ac'botic te mach'atic ya xch'uunic te Jesuse. Melel ma to xtal a te Ch'ul Espiritue, yu'un ma to x'ac'ot ta ilel yutsilal te Jesuse.

San Juan 8:41

Yan te ja'exe, jich nix awat'el ya apasic te bit'il yat'el te atatique —xi'. La yalic: —Te jo'otique ma ba ayinemotic ta swenta mulwej, melel jun nax te jtatique ja' te Diose —xiic.

San Juan 8:50

Ma yu'unuc ya jle ich'el ta muc', ja'uc me to, ay Mach'a yo'tan te ya yac'on ta ich'el ta muq'ue soc ja' ya xchajbanwan stuquel.

Hechos 3:13

Ja' te Dios yu'un Abraham, Isaac, Jacob te ja' Dios yu'un te antiguo jme'-jtatique, la yaq'uix ta ich'el ta muc' te Snich'ane, ja' te Jesús te la awaq'uic ta c'abale. Te c'alal c'an yich' coltayel yu'un te Pilatoe, te ja'exe ma la ac'anic.

2 Corintios 10:18

Melel ma ja'uc lec ya x'ilot yu'un Dios te mach'a stuquel ya yal te lec sc'oplale. Ja' lec stuquel te mach'a ja' ya x'albot lec sc'oplal yu'un te Cajwaltique.

1 Pedro 1:12

Ja'uc me to, Dios ac'bot sna'ic stojol yu'un te bit'il ma ja'uc ya xc'ot ta swentaique, yu'un ja' me ya xc'ot ta jwentatic jo'otic. La spucbeyic sc'oplal te bila la jcholbeyex awaiyic sc'oplal ta ora to, ja' te lec yach'il c'op ta swenta yu'el te Ch'ul Espíritu te ticunbil tel ta ch'ulchane. Spisil in to toyol yo'tanic yu'un uuc te ch'ul abatetic te yacuc x'ac'bot yilique.

1 Pedro 1:21

Ja' ta swenta Cristo te ach'uunejiquix te Diose, te la yich' cha'cuxesel ta bay animaetic, soc te ac'ot ta ich'el ta muq'ue. Ja' swentail te awac'oj xch'uunjel awo'tanic soc smuc'ul awo'tanic ta stojol te Diose.

2 Pedro 1:17

La quiltic ta sitic te c'alal chicnantesbot yutsilal soc ac'ot ta ich'el ta muc' yu'un te Jtatic Diose. Soc la caiybeytic stojol yutsil sc'op te Diose: “Ja' in to, ja' Jnich'an te bayal c'ux ta co'tan te bin nax co'tan yu'une”, te xie.