San Juan 8:51 - Bible in Tzeltal de Oxchuc y Tenejapa

⁵¹ Jamal ya calbeyex, te mach'a ya yich' ta muc' te bila ya cale sbajt'el q'uinal ma xyil te lajele —xi'.

Nuevo Testamento Tzeltal de Amatenango

⁵¹ Jamal ya kalbeyex, te machꞌa ya yakꞌ ta jkuenta te tut ya kale, sbajtel kꞌinal makꞌ xcham —xchi.

Bible in Tzeltal Bachajón

⁵¹ Tulan sc'oblal ya calbeyex, te mach'a ya scanantaybon te jc'ope, mayuc bin ora ya xcham, xchi.

San Juan 8:51 ပူးပေါင်းရင်းမြစ်များ

Salmos 89:48

Ma'yuc mach'a ya xcuxin te ma'yuc bi ora ya xlaje; ma'yuc mach'a ya xju' scoltaybel sba ta sc'ab te lajele.

San Mateo 16:28

Jamal ya calbeyex, ay mach'atic li' ayic to te ma ba ya xlajique ja' to teme la yilic ya xtal ta ajwalinel te Nich'anile —xi' te Jesuse.

San Lucas 2:26

Ac'bot sna' stojol yu'un te ma to xlaj a te ya yilbey sit te Cristoe te ya xticunot tel yu'un te Cajwaltique.

San Juan 14:23

La yal te Jesuse: —Te mach'a c'uxon ta yo'tane, ya xch'uunbon te jc'ope soc c'ux ya x'aiyot yu'un te Jtate. Soc ya me xtal join spisil ora soc te Jtate.

San Juan 15:20

Juluc me ta awo'tanic bila la calbeyexe: “Ni jtuluc abat te cajal ya xc'ot ta stojol te yajwale”, te xoone. Teme la yuts'inon te jo'one, ya me yuts'inex uuc. Teme la yich'bonic ta muc' te jc'ope, jich nix ya yich'beyex ta muc' uuc te bila ya awalic te ja'exe.

San Juan 17:6

“La caq'uix sna'bat aba te jayeb mach'atic tsabil awu'un ta balumilal te la awac'bon ta jc'abe. Ja'at awu'un ta neelal, ja'uc me to, la awac'bonix ta jc'ab soc ayix ta yo'tanic te ac'ope.

San Juan 5:24

“Jamal ya calbeyex, ja' te mach'a ya yaiybon stojol te jc'ope, soc teme ya xch'uun te mach'a la sticunon tele, ya me xcuxin sbajt'el q'uinal. Ma ba ya x'ac'ot ta castigo, jich ma'yuquix ta swenta lajel, ayix ta swenta cuxinel.

San Juan 6:50

Yan te jo'one ya calbeyex sc'oplal te waj te coem tel ta ch'ulchane. Te mach'a ya swe'e ma ba ya xlaj stuquel.

San Juan 8:12

Te Jesús cha'c'opoj xan. Jich la yal: —Jo'on J'ac'-saquil-q'uinalon yu'un te balumilale. Jich yu'un te mach'a ya st'unone, ma ba ya xbeenix ta ijc' q'uinal, ayix xcuxlejal ta swenta te saquil q'uinale —xi' te Jesuse.

San Juan 8:52

La yalic te judioetique: —Ta ora to chican ta lec te ay pucuj ta awo'tane. Te Abrahame soc te j'alwanejetic yu'un te Diose spisil lajic. Te ja'ate ya awal: “Te mach'a ya yich' ta muc' te bi ya cale, sbajt'el q'uinal ma xlaj”, te xaate.

San Juan 8:55

Ja'uc me to, ma x'ana'beyic sba. Yan te jo'one, ya jna'bey sba. Te yacuc cal te ma jna'bey sbae pajal jpas-lototic ta jpisiltic te jichuque. Ja'uc me to, ya jna'bey sba ta mero melel. Soc ja' ya quich' ta muc' te bila ya yale.

Hebreos 11:5

Soc ta swenta xch'uunjel yo'tan te Enoque, ma la yaiy stojol lajel. Stelemal ic'ot moel yu'un te Diose, ma ba taot ta leel ta balumilal. Te c'alal ma to x'ic'ot yu'un Dios a te Enoque, lec yo'tan Dios yu'un.

Hebreos 2:9

Yu'un jna'ojtic stojol te Jesuse, peq'uel c'ot yu'un te ch'ul abatetic che'oxebuc c'aale. Ja'uc me to, ac'botix yutsilal soc ac'otix ta ich'el ta muc' ta scaj te c'ax swocol ta lajele. Ta swenta yutsil yo'tan Dios te c'ax swocol ta lajele, swenta jich ya jtatic cutsilaltic ta jpisiltic a.