San Juan 8:41 - Bible in Tzeltal de Oxchuc y Tenejapa

⁴¹ Yan te ja'exe, jich nix awat'el ya apasic te bit'il yat'el te atatique —xi'. La yalic: —Te jo'otique ma ba ayinemotic ta swenta mulwej, melel jun nax te jtatique ja' te Diose —xiic.

Nuevo Testamento Tzeltal de Amatenango

⁴¹ Te jaꞌexe jich mismo ya apasik te tut ya spas te atatike —xchi. Te juriyoetike la yalbeyik: —Te joꞌotike ma yuntikilukotik jmulawil ants. Ay jtul jTatik, jaꞌ te Diose —xchiik.

Bible in Tzeltal Bachajón

⁴¹ Te ha'exe ha yac apasbelic ya'tel te atatique, xchi. La yalbeyic: ¡Te ho'otcotic ma ba yalotcotic j'antsinel-ants! ¡Junax te jtatcotic, ha te Diose! xchihic.

San Juan 8:41 ပူးပေါင်းရင်းမြစ်များ

Éxodo 4:22

Albeya te faraón: “Jich la yal tel te Cajwale: ‘Te Israel te sba jnich'ane,

Isaías 63:16

Ja' tatilat cu'untic. Manchuc me ma sna' jbatic stuquel te Abraham, ni Israel ma sna'otic te jo'otique; ja'uc me to, ja'at Cajwal, tatilat atuquel; ja'at nix J'ac'wanejat ta libre cu'untic a.

Isaías 64:8

Ja'uc me to, ja' jtaticat atuquel Cajwal; jo'otic ajch'alotic, ja'at jpac'jomat cu'untic, ta jpisiltic ja'at Jpaswanejat cu'untic atuquel.

Jeremías 3:19

“Israel, la jnop quic'belat jich bit'il jnich'an soc te ya cac'bat aq'uinalin te ay ta mulanele, ja' te lumq'uinal te mero c'ax bayal yutsil yu'un a ta spisil ta spamal balumilal. La cal te “Jtat”, ya awutone, soc te mero ma'yuc bay ya aq'uej aba bael ta jtojole.

Jeremías 31:20

“Te lum Efraín, ja' te jnich'an te c'ux ta co'tane; ja' te jnich'an te bayal sc'anoj te co'tane. Manchuc me ya cac'bey tulan comel, ma ba ya quijq'uitay ta sna'ulayel; ya stij sba co'tan yu'un, c'ax muc' ya jna'bey yo'bolil sba. Jo'on Ajwalilon, jich ya cal.

Oseas 1:2

Jich jajch' yal te Cajwaltic ta stojol Oseas: —Te israeletic yac ta mulwej c'oem te bit'il loq'uic ta jtojole. Ja' yu'un, jich me ya apas te ja'ate: Baan, ic'a jtul jmulawil ants. Alaj-nich'najan soc. Jich te alaletique, yalatac jmulawil ants, xi' me sc'oplal —xi' te Cajwaltique.

Malaquías 1:6

Te Cajwaltic, te Spisil ya xju' yu'un, ya yalbey te sacerdoteetic: —Te nich'aniletic ya yich'ic ta muc' te statique; te abatetic ya nix yich'ic ta muc' te yajwalique. Te bit'il jo'on Atatonic, ¿bi yu'un te ma x'awich'onic ta muc' jiche? Te bit'il jo'on awajwalonic, ¿bi yu'un te ma'yucon ta ich'el ta muc' awu'unique? Te ja'exe ma'yuc jc'oplal ta awo'tanic, jich yu'un ya awalic: “¿Bila a te ma'yuc ac'oplal ta co'tantic yu'un ya awale?” xaex.

Malaquías 2:11

Ma junuc yo'tan ta stojol Dios te Judae; yac ta spasel te bila mero c'ax amen ta jyalel ta lum Jerusalén soc ta spamal sq'uinal Israel. Te Judae la sboltesbey yutsilal te templo smulanej te Cajwaltic, melel te winiquetic ta Judá la yinaminic te antsetic te ya squejan sbaic ta xch'uunel te lotil diosetique.

San Juan 8:38

Ja' ya cal te bila yac'ojbon quil te Jtate. Yan te ja'exe, ja' ya apasic te bila yalojbeyex te atatique —xi'.

San Juan 8:44

Te ja'exe, ja' atatic te pucuje, soc ya sc'an awo'tanic ya apasic te bila ya sc'an yo'tane. Te pucuje milawal ta xjajch'ibal to tel stuquel. Ma'yuc stuul ta yo'tan te bila smelelile, yu'un ma'yuc bila melel te ay ta yo'tane. Te c'alal ya spas lote, ja' ya yal te bila stalel ay ta yo'tane. Melel jpas-lot nanix stuquel a, soc ja' static spisil te jpas-lotetique.

Deuteronomio 14:1

“Te ja'exe, te yal-snich'nabex te Cajwaltic te Dios cu'untique, ma me xawejch'entes abaq'uetalic, soc ma me xajox stsotsil ajolic ta ati'baic ta stojol teme ay mach'a ya xlaje.

Deuteronomio 32:6

¿Jich bal ya sc'an tojel awu'unic te Cajwaltique? Jbol-o'tan lum, te ma'yuc sp'ijil awo'tanic, ¿ma bal ja'uc atatic jiche, ma bal ja'uc jpaswanej awu'unic? ¡Ja' la spasex, soc la yac'beyex acuxlejalic!

1 Juan 3:12

Ma me jichucotic te bit'il te Caine. Melel te bit'il u'uninot yu'un te pucuje, jich la smil te yijts'ine. ¿Bi yu'un te la smile? Yu'un lec yat'el la yil te yijts'ine. Yan stuquel, amen te yat'ele.