San Juan 8:39 - Bible in Tzeltal de Oxchuc y Tenejapa

³⁹ La yalic: —Te jo'otique ja' jtatic te Abrahame —xiic. Jesús la yalbey: —Te yu'unuc anopojbeyic yo'tan te Abrahame, jich nix awat'el ya apasic te bit'il yat'el Abraham te jichuque.

Nuevo Testamento Tzeltal de Amatenango

³⁹ Te juriyoetike la yalbeyik: —Te joꞌotike ja jtatik te jꞌAbrahame —xchiik. Pero te Jesuse la sjakꞌtalanbe: —Te batsꞌi jichuk te xnichꞌanex te jꞌAbrahame, jich ya apasik te tutꞌil la spas te jichuke.

Bible in Tzeltal Bachajón

³⁹ La sjaq'uic te judíohetic: Ha jtatcotic te Abraham, xchihic. La yal te Jesús: Te ha'uc yal-snich'anex te Abraham, ha yac apasic te bin la spas te Abraham te hichuque.

San Juan 8:39 ပူးပေါင်းရင်းမြစ်များ

San Mateo 3:9

Ma me xawalic: “Te jo'otique sts'umbalotic Abraham”, ma me xauquex. Melel xcalbeyex te ya xju' yu'un te Diose te ya sc'atp'un ta sts'umbal Abraham in tonetic to.

San Mateo 5:45

Jich me yal-snich'an ya xc'oex te Jtatic te ay ta ch'ulchane, melel pajal ya yac' tiluc c'aal ta stojol te mach'atic ma tojuque soc te mach'atic tojique. Soc pajal ya yac' taluc ja'al ta stojol mach'atic tojic soc te mach'atic ma tojuque.

San Juan 8:33

La yalic: —Te jo'otique ja' sts'umbalotic te Abrahame. Jtul ma'yuc bay ochotic ta mosoil yu'un ta namey tel. ¿Bit'il ay a te ya awalbotic te libre ya xc'ootique? —xiic.

San Juan 8:37

Jna'oj stojol te ja' sts'umbalex te Abrahame. Ja'uc me to, ya ac'an amilonic, yu'un ma xawac' ta awo'tan te jc'ope.

San Juan 8:43

¿Bi yu'un te ma xc'ot ta awo'tanic te bila ya calbeyexe? Yu'un ma x'ac'an awaiybonic stojol te jc'ope.

San Juan 8:56

Te namey q'uinal jtatic Abrahame bin nax sbujts' yo'tan yu'un te la sta yorail te talon ta balumilale. La yil te bit'il talone, jich bayal bujts'naj yo'tan yu'un —xi'.

Romanos 4:12

Te Abraham, ja' tatil yu'un uuc spisil te mach'atic yich'ojic te circuncisione, teme ay xch'uunjel yo'tanique, jich bit'il ayix xch'uunjel yo'tan a te Abrahame te c'alal ma to yich'ojuc a te circuncisione.

Romanos 4:16

Jich yu'un ta swenta xch'uunjel-o'tanil te ay ta tael te yutsil yo'tan te Diose, swenta yu'un ma xch'ay te bila yaloj Dios ta stojol spisil te mach'atic sts'umbalic te Abrahame. Melel ma ja'uc nax sc'oplalic te mach'atic ayic ta swenta te mandalile, jich nix sc'oplalic uuc te mach'atic ya yac' xch'uunjel yo'tanic jich te bit'il te Abrahame. Jich yu'un ja' jtatic c'oem ta jpisiltic.

Romanos 9:7

Soc ma ja'uc sts'umbal Abraham c'oem spisilic te yal-snich'nabe. Te melel jich albot yu'un Dios te Abrahame: “Ja' nax ay ats'umbal ya xc'ot ta swenta te Isaaque”, te xi' sc'oplale.

Gálatas 3:29

Teme yu'unex te Cristoe, jich sts'umbal c'oemex te Abrahame. Jich me ya awich'ic te bendición te la yalbey sc'oplal ta trato te Diose.

Gálatas 3:7

Jich yu'un ya sc'an ya ana'ic stojol in to: Te mach'atic te mero yal-snich'an Abrahame, ja' te mach'a ya yac' xch'uunjel yo'tan ta stojol te Diose.