San Juan 8:36 - Bible in Tzeltal de Oxchuc y Tenejapa

³⁶ Jich yu'un teme ya yaq'uex ta libre te Nich'anile, libre me ya xc'oex yu'un ta melel.

Nuevo Testamento Tzeltal de Amatenango

³⁶ Jaꞌ yuꞌun teme ya yakꞌex ta libre te Nichꞌanile, te jaꞌexe batsꞌi libre me ya xkꞌoex yuꞌun.

Bible in Tzeltal Bachajón

³⁶ Ha yu'un teme ya yaq'uex ta libre te Nich'anil, yu'un nix libre ya xc'ohex ta melel a.

San Juan 8:36 ပူးပေါင်းရင်းမြစ်များ

Salmos 119:133

Ac'bon jpas jujun c'aal jich te bit'il awaloj; ma xawac' yu'uninon te bitic ma lecuque.

Salmos 119:32

Ya me jsuj jba ta spasel te mandaliletic awu'un, melel ya anojesbon yutsil co'tan.

Salmos 19:13

Loq'uesbon toybail ta co'tan jo'on te awabatone; ma xawac' swentainon te toybaile. Jich ma'yuc jmul; jich me ma stsalon te muc' mulile.

Isaías 61:1

Te espíritu yu'un Cajwaltic ay ta jtojol. Melel te Cajwaltic stsaojon soc sticunejon tel ta yalel sc'oplal te lec yach'il c'op ta stojol te me'baetique, tal cac' lamajuc xchamelic te mach'a ay swocolique, tal calbey te ya x'ac'otic ta libre te mach'atic ayic ta mosoile, soc te ya xjilic ta libre mach'atic ayic ta chuquele.

San Lucas 4:18

“Te Espíritu yu'un te Cajwaltique julix ta jtojol, yu'un tsabilon yu'un ta yalel te lec yach'il c'op ta stojol te me'baetique. Ticunbilon tel ta scoltayel te mach'atic ay swocolic ya yaiyic ta yo'tanique, soc te ya calbey yaiyic te bit'il ya xcolic ta libre te mach'atic ayic ta chuquele, soc te ya jambey sitic te ma'sitetique, soc te ya jcoltay ta libre te mach'atic mosoinbilique,

Romanos 8:2

Melel te mandalil yu'un te Espiritue, ja' ya yac' cuxlejal ta swenta te Cristo Jesuse, jich colon loq'uel ta libre yu'un te mulile soc te lajele.

1 Corintios 7:22

Melel te mach'a ay ta mosoil a te ic'ot yu'un te Cajwaltique, yu'un nanix moso ay ta balumilal a, ja'uc me to, ac'bilix ta libre yu'un te Cajwaltique. Ja' nanix jich te mach'a ma'yuc ta mosoil a te c'alal ic'ote, ja' mosoinbilix yu'un te Cristoe.

2 Corintios 3:17

Melel te Cajwaltique, ja' te Espiritue. Ta banti ay te Espíritu yu'un te Cajwaltique, ay colel tey a.

Gálatas 5:1

Te Cristo la yac'otic ta libre swenta yu'un jc'axel libre ayotic ta melel. Jich yu'un ma me xawac' abaic xan ta yugo yu'un te mosoile.